САД добија речиси се’ освен присвојување на Гренланд – по неколкумесечните тензични кои предизвикаа глобален геополитички потрес, Вашингтон и Копенхаген постигнаа договор, САД влегува трајно, воено, на арктичкиот остров – Кралството Данска го задржува суверенитетот. Од сега натаму, ниту еден непријател на Америка нема да воспостави база, ниту воено присуство на оваа стратешка точка, порача американскиот претседател Трамп, кој најави дека набргу американската војска ќе стартува процес за развивање на големо воена видливост на соодветни позиции на Гренланд.

-Ова е „бесконечен“ договор, не постои крај. Веднаш ќе го започнеме процесот за воспоставуање на големо воено присуство на соодведен дел од Гренланд, а такви има многу. Ќе работиме со граѓаните на Гренланд на негово развивање и градење. Ова решение е голема за САД, Данска, Гренланд и сите наши сојузници. Дополнително, од сега па натаму, ниту еден непријател на САД никогаш нема да има база на Гренланд, нема да има воено присуство на Гренланд или да прави чувствителни инвестиции на Гренланд, без наше напишана согласност,- Трамп – Трут соушл.

Позитивен тон доаѓа и од Копенхаген – премиерката Мете Фредерискен го оцени договорот како голем и позитивен чекор за вклучените страни, кој ќе придонесе за заедничка безбедност, воедно не задирајќи во суверенитетот и територијалниот интегритет. На одобрување наиде и кај граѓаните на Данска.

-Беше навистина лоша ситуација за Данска и Гренланд, овој период кој е речиси една година, каде што навистина не знаевме што може да се случи, па навистина е добро што сега има договор и се надевам дека е добар договор и одржлив договор. Знаете со Трамп, денеска имате еден договор, утре можеби друг договор.

Ќе биде потивко сега. Мислам дека САД веројатно ќе го добијат она што можеа да го добијат во целиот период ако прашаа пристојно. Па, во таа смисла, мислам дека ќе биде добро.

На договорот, кој треба да се потпише наредната недела во генералното собрание во Њу Јорк, од почетокот на годинава му претходеа најави за можна инвазија и употреба на воена сила од страна на САД. Данска и Гренланд остро се спротивставија, беа децидни – островот не е на продажба, а во тоа беа поддржани и од европските сојузници. Според аналитичарите, „топката сега е на земја“.

-Притисокот на САД врз Гренланд предизвика пукнатина помеѓу САД и доведе до прашања во Европа дали САД се сојузници, па затоа беше и голема работа кога претседателот започна да зборува за тоа, а јас зборував и со американски и со европски челници пред неколку минути и двете страни изгледаат среќно. Тој(Трамп) сакаше да ги обезбеди американските инвестициски права пред кинеските и руските инвестициски права кога станува збор за критични минерали, нешто што го обезбеди со овој договор,- Ник Шифрин – Новинар и аналитичар.

САД со договорот добиваат траен безбедносен пристап кон островот и право на прелетување, безразлика дали во иднина тој ќе се осамостои од Данска, а Кина, Русија и останатите не-НАТО држави ја губат добија „рампа“ за амбициите на островот.

Американците ќе можат да развиваат воени бази, меѓу кои е вселенската и клучна Путифик чија цел е предупредување од балистички ракети и противракентна одбрана. А, во преговорите тема била и противракетната „Златната Купола“ на САД.

Данска го задржува суверениетот и територијалниот интегритет, и заедно со Гренланд добиваат посилна безбедносна позиција на Арктикот во рамките на НАТО. Островот доби право на самоопределување, без пренос на суверенитетот кон САД, но сега доби и поголема стратешка важност и меѓународна „тежина“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Трамп на „Трут соушл“ објави дека веднаш им го забранува на овие медиуми пристапот до Белата куќа поради нивното континуирано ширење лажни вести.

-Медиумите не смеат постојано да пишуваат лаги кога известуваат за претседателот на САД, за администрацијата на Трамп или за Соединетите американски држави. Ова ќе следи и за други медиуми што шират лажни вести, напиша Трамп, чија одлука отвора нов спор меѓу неговата администрацијата и медиумите, покренувајќи прашања во врска со заштитата на слободата на печатот, загарантирана со првиот амандман на уставот на САД.

Откако се врати во Белата куќа, Трамп презеде и правни дејствија против други медиумски организации, вклучувајќи ги „Њујорк Тајмс“, „Вол Стрит“ и „Би-Би-Си“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Арамијата од Вашингтон повторно ја промени бајката.

До вчера дата-центрите беа иднина без последици.

Граѓаните рекоа: вода. Сега вели: затворен круг, воздушно ладење, фреон.

Кој зборувал за вода и бучава, не се разбирал во технологија.

Се разбира. Физиката не е кампања.

Серверите прават топлина. Топлината мора да излезе. Ако не излезе со вода што испарува, излегува со вентилатори, клими и компресори. Тоа "јаде" струја.

Воздухот ја пренесува топлината лошо. Затоа воздушното ладење кај ваквите објекти одзема и до третина од целата електрична енергија на салата. Фреонот е голема клима.

Значи, пари на броило. Бучава околу објектот. Водата може да се тргне од приказната. Сметката не.

Првата варијанта веќе беше скапа струја за самиот центар. Сега, со „новата“ технологија што ја продава како спас, ладењето станува уште "пожедно" на киловати електрична енергија.

Водата е помалку загрозена. Граѓанинот е повеќе загрозен.

Во земја што увезува струја, во кој ЕСМ е во загуба, која се задолжува секоја недела, секој нов мегават за туѓ сервер влегува во цената на домаќинствата.

А кој тргува со струја знаеме. Мицкоски. И партнерот Душан Адамовиќ, почесен конзул на Македонија во Србија, човек што Македонија ја нарекува окупирана српска територија.

Омилен бизнис на арамијата: увоз, разлика, провизија.

Дата-центарот е нова станица на истата мрежа.

Разговори со пет-шест фирми. Имиња под радар. Договор без бројки. Гаранција на камера.

Не може да избега од лагата, затоа што зад секоја лага стои криминал и корупција.

Прво ја скри водата. Сега ја крие струјата.

Америка носи закон да ги заштити домаќинствата од сметките на серверите. Тој дава интервју каде вели - кој прашува на темата е од 19 век.

СДСМ бара видлив проект на маса: колку мегавати, каков систем, која цена, кој ја плаќа разликата кога ЕСМ нема. Без тоа сето ова не е технологија. Туку е увоз, облечен во фреон.

Водата ја тргнаа од соопштението. Струјата ја оставија на народот. Провизијата кај арамијата.

СДСМ не е против дигитализација. Дата-центрите што ги увезува Мицкоски се хардвер за туѓа дигитализација, не за Македонија.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.