Ауди „RS4 Avant“ за 2020. презема некои стилски детали од најновата генерација на моделите „RS6 Avant“,а највпечатливи промени на надворешноста се редизајнираните фарови.
Рестилизирана е и маската од радијаторот, која е нешто поширока од порано, а од Ауди велат дека лаковите над тркалата се пошироки за 30 мм во однос на регуларниот „А4 Avant“.
На задниот дел, дискретно се редизајнирани штоп светлата и браникот со дифузор.
Во внатрешноста доминира централно поставен 10,1 инчен екран со мултимедијален систем, а тука е и потполно дигитализирана инструментална табла.
Моторизацијата останува непроменета, па Ауди „RS4 Avant“ добива сила од 2,9 литарски твин- турбо бензинец со 450 коњски сили, благодарение на кој автомобилот забрзува од 0 до 100 км/ч за 4,1 секунда.
Продажбата во Европа започнува во текот на октомври по препорачана цена од 81.400 евра, а првите купувачи ќе ги добијат своите возила во декември.