Други спортови

Форбс: Конор Мекгрегор е најплатен во 2020, само четворица спортисти заработиле над 100 милиони

Ѕвездата во мешани боречки вештини ,Ирецот Конор Мек Грегор е најплатениот спортист во 2020 година со заработка од 180 милиони долари, објави американскиот магазин Форбс.

Интересно, 32-годишниот Ирец се борел само еднаш минатата година. Во јануари, по само 40 секунди, го нокаутира Доналд Кероне во првата рунда на УФЦ 246 настанот во Лас Вегас. За таа борба заработил 22 милиони долари.

Сепак, најголемиот дел од неговата заработка е од продажбата на мнозинскиот пакет акции во марката виски „ Proper No. Twelve “ на компанијата Proximo Spirits за 150 милиони долари.

Мек Грегор е еден од само четворицата спортисти кои заработиле повеќе од 100 милиони долари во 2020 година, а преостанатите тројца се фудбалерите Лионел Меси и Кристијано Роналдо и ѕвездата на американскиот фудбал Дак Прескот.

Второто место на списокот на најплатени спортисти во посебната, пандемиска година го има sвездата на Барселона, Лионел Меси со заработка од 130 милиони долари, а зад него е ѕвездата на Јувентус, Португалецот Кристијано Роналдо со 120 милиони долари.

Бекот на Далас Каубојс, Дак Прескот е на четвртото место со 107,5 милиони долари.

Кошаркарската sвезда Леброн Џејмс го држи петтото место со 96,5 милиони долари, додека напаѓачот на ПСЖ, Бразилецот Нејмар е шести во поредокот со 95 милиони долари.

Швајцарскиот тенисер Роџер Федерер е исто така меѓу Топ 10, и покрај тоа што одиграл само еден турнир во 2020 година. Сопственикот на 20 грен слем титули минатата година заработил 90 милиони долари.

По нив следуваат sвездата на Формула 1, Луис Хамилтон (82 милиони долари), бекот на Тампа Беј Бакањерс, Том Брејди (76 милиони долари) и sвездата на Бруклин Нетс, Кевин Дурент (75 милиони долари).

Десетте најплатени спортисти во светот ја одзеле бруто заработката пред оданочување од 1,05 милијарди долари, што е за 28% повеќе од претходната година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.