Фолксваген повторно го запре производството на електрични автомобили

Прекинот на производството важи за речиси сите електрични модели на концернот VW.

Она што требаше да биде само кратка непријатна епизода сега станува постојана агонија на која не му се гледа крајот. Имено, откако Volkswagen го прекина производството на електрични модели на две недели, многумина помислија дека тоа навистина е привремена мерка. Сепак, оваа мерка сега се продолжува и дополнително се проширува на други модели.

На тој начин Volkswagen е принуден повторно да престане со производство на моделите ID.3 и Cupra Born, а прекинот сега се шири и на другите модели на концернот. Списокот е сѐ подолг, а сега ги вклучува ID.4, ID.5, Audi Q4 e-tron и Q4 Sportback.

Volkswagen не открива колку примероци од ID.3 и Born моделите кои се произведуваат во фабриката во Цвикау ќе бидат суспендирани, но не пропушта да нагласи дека овој потег обезбедува продуктивна работа и идната одржливост на фабриката, пишува AutoNews Europe.

Да потсетиме, Volkswagen веќе две недели го прекина производството на споменатите модели во фабриката чиј годишен производствен капацитет е 360.000 автомобили. Лани произвеле 218.000 возила, па не чуди што не им ги продолжиле договорите на 269 работници.

Сето ова доаѓа како резултат на негативното влијание на тешките пазарни услови, намалената побарувачка за електрични возила и зголемената конкуренција на електрични возила од кинеско производство.

Прво реми на ЕУРО2024, Данска и Словенија одиграа 1-1

Данска и Словенија го одиграа вечерва првиот натпревар на ЕВРО2024 кој заврши без победник, ремизирајќи 1-1 во воведниот натпревар во групата Ц.

Данска, на дуелот во Штутгарт кој од трибините го следеа 60.449 гледачи, поведе во 17 минута со голот на Ериксен.

Словенија избегна стартен пораз во групната фаза со голот на Јанжа во 77 минута.

Првото коло во групата Ц ќе биде комплетирано вечерва со дуелот меѓу Англија и Србија.

Принцезата Кејт за прв пат во јавноста по објавата дека боледува од рак

Британската принцеза Кејт Мидлтон е видена во јавноста за прв пат по шест месеци, откако во март објави дека боледува од рак.

Принцезата е фотографирана во автомобил како пристигнува во Бакингемската палата за да го прослави роденденот на кралот Чарлс, пишува Mirror.

Таа на прославата пристигнача заедно со синот Џорџ и нејзиниот сопруг принцот Вилијам, пренесува Танјуг.

Во Велика Британија се славеше официјалниот роденден на кралот Чарлс, а на парадата „Trooping the Color“ што по тој повод ќе се одржи во Лондон ќе учествуваат повеќе од 1.400 војници, 400 музичари и 200 коњи.

Кралското семејство беше собрано на балконот на Бакингемската палата над кој ќе прелетаат повеќе од 30 воени авиони, пишува Мирор.

Адидас истражува голем корупциски скандал во Кина

 Германскиот производител на спортска опрема Адидас истражува огромен скандал со наводна корупција во Кина, проценет на неколку стотици милиони евра, а осомничените се локални вработени во групацијата, објави денеска британскиот весник Фајненшл

Во писмо, наводно напишано од „вработени во Адидас во Кина“, се именувани неколку кинески вработени, вклучително и извршен директор, во одделот за маркетинг буџет на компанијата.

Во документот, кој кружеше на кинеската социјална мрежа во текот на јуни, се наведува дека корупцискиот скандал „тежи“ 250 милиони евра.

Британскиот весник наведува дека документот го обвинува персоналот на Адидас за примање поткуп од даватели на услуги овластени од германската групација.

Менаџер на „Адидас“ во Кина е обвинет дека примил „милиони готовина од добавувачите, како и имот, вклучително и недвижен имот“.

Адидас, кој влезе на пазарот во Кина во 1997 година, во минатото се прошири на повеќе од 10.000 продавници. Сепак, последниве години, Адидас се соочи со подемот на локални брендови, вклучувајќи ги Анта и Ли Нинг.

притисни ентер