Здравје

Фирмата „Скопстер“ ќе врши централна стерилизација на сите клиники и хируршки болници

Скопстер ДОО Скопје е фирмата која ќе биде одговорна за централната стерилизација на сите клиники и хируршки болници, потврдија од министерството за здравство.

Во тендерската документација релизирана во 2019 година учествуваа две странски компании, а договорот беше доделен на групата економски оператори Сервици- Италија-Евира- Албанија кои согласно обврските од тендерската документација беа обврзани да се здружат и основаа ново трговско друштво на одлуката за доделување на Скопстер ДОО Скопје.

Новата локација е во завршна фаза и во дел од објектот „Мајчин Дом“. Од министерството за здравство велат дека приватниот партнер ќе покрива материјални трошоци од сетови за операција во сала, болнички отпад, трошоци за транспорт на инструменти. Хирурзите не се сложуваат и стравуваат дека пакетите од седум илјади денари сет за операција заедно со складирање на отпадот со новата фирма ќе биде и до 16 илјади денари и дека ќе имаат помали буџети за операции. Од министерството тврдат дека побарувањата кон Фондот нема да се зголемат. Канал 5 стапи во контакт минатата недела со Фондот за здравство и одговорија:

„ФЗОРСМ нема склучено никаков договор со било кој оператор, ниту пак има законско право да склучува договори за потребите на било кое ЈЗУ. За сите прашања поврзани за Централната стерилизација ве упатуваме одговор да побарате во Министерството за здравство.

Се огласија и од фирма „Скопстер ДОО Скопје“ тие велат дека Согласно Договорот приватниот партнер ќе доставува уредни спецификации услуги кои биле уредно договорни со договори и во колку региони ќе се користат нивните услуги, кои по одобрување од страна на Комисија за надзор ќе бидат фактурирани кон јавниот партнер.

„Методологијата за пресметка на услугите и не се однесува само на сет со инструменти, туку на сите погоре наведени услуги. Ценовниот ранг на услугите се движи од 6.000 до 16.000 денари, пред сѐ во зависност од типот на употребени инструменти, а не од нивната количина. За илустрација, доколку еден хирург употреби повеќе од еден ист вид сет, во финалната пресметка ќе биде пресметан само првиот“.

Она што одговорија од министерството за здравство е дека според договорот вработените од стерилизација ќе работат во новиот објект, но има најава да се отвори и нови работни места. Приватниот партнер има обврска да инвестира 24 милиони евра во времетрање на договорот од 15 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Осум лица, меѓу кои шест деца се пронајдени мртви во куќа во Мичиген- некои се застрелани (ВИДЕО)

Пожарникарите кои реагираа на пожар во куќа во американската држава Мичиген пронајдоа осум тела, вклучувајќи шест деца. Некои од жртвите имаа прострелни рани, соопштија властите.

Шерифот на округот Отава, Џејк Спаркс, го опиша инцидентот како „многу сложен“ и рече дека истрагата е во тек, објави Си-Ен-Ен.

Инцидентот се случил вчера во општината Гранд Хејвен, на брегот на езерото Мичиген, западно од Гранд Рапидс.

Пожарникарите првпат биле повикани на местото на настанот во раните утрински часови по пријави за чад во областа, но не можеле да го пронајдат изворот на пожарот.

Тие биле повторно повикани неколку часа подоцна поради пријави за бел чад што излегува од куќа. Кога влегле во зградата за да го изгаснат пожарот, пронашле морничава сцена.

„Кога влегле внатре, забележале повеќе починати лица во куќата“, им изјавил Спаркс на новинарите.

Пронајдени се вкупно осум тела, вклучувајќи шест деца за кои се верува дека се на возраст меѓу пет и 15 години. Властите велат дека идентитетот на сите жртви сè уште не е официјално потврден.

Во куќата биле пронајдени и тела на двајца возрасни.

Првичните извештаи сугерираат дека сите жртви веројатно се членови на исто семејство.

Спаркс рече дека некои од жртвите имале прострелни рани, но сè уште не е познато колку луѓе биле застрелани.

View this post on Instagram

A post shared by The Other Side (@tosglobalx)

Точната причина за смртта сè уште не е утврдена. Се очекува обдукциите да бидат завршени во текот на викендот.

Истражителите разгледуваат палење, убиство-самоубиство и други можни причини, но велат дека истрагата е сè уште во рана фаза.

Властите не бараат осомничени кои не биле во куќата, иако велат дека тој заклучок би можел да се промени како што напредува истрагата.

„Не сакам да брзам со заклучоци во овој момент“, рече Спаркс.

Истражителите за палење на државната полиција на Мичиген, исто така, помагаат на местото на настанот. Се верува дека пожарот започнал во куќата, но точната локација и причината сè уште не се утврдени.

Тагови: деца Мичиген

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Славен Јутјубер изгубил милиони, па отишол да живее на село- сега работи нешто сосема друго (ВИДЕО)

Средината на 2010-тите беше златното време на мега-јутјуберите.

Иако денес тие се предизвикани од креаторите на Инстаграм, ТикТок и други платформи, тогаш немаше начин да се заобиколат. Некои од најголемите канали во германското говорно подрачје доаѓаа и од Австрија - како на пример каналот на Марсел Денев, објави Хеуте.

32-годишниот Јутјубер го достигна својот прв милион во 2016 година под името „XFreak“, а набргу потоа достигна бројка од два милиони следбеници. Отровно зелено Audi RS7 вредно околу 115.000 евра стана негов заштитен знак - денес тоа е комбе за достава на Бофрост.

Пред пет години, имаше ненадејна тишина, а видеата беа објавувани само спорадично. Пред една година, тој беше препознаен.

„Бараме работа затоа што YouTube повеќе не работи“ - видео кое, иронично, собра само 85.000 прегледи. Сега, претходно оваа недела, „Ksfreakwhatelse“ се враќа со она што е веројатно неговото најлично видео досега: „Вака живеам денес“.

По стечајната постапка и долговите во висок шестцифрен опсег, тој сака да изгради нов живот. Пред неколку месеци, се пресели од Линц на село со својата свршеница и бебе, во нов стан. Таму сега работи „сосема нормално“.

Според Билд, Ksfreak доставува храна за компанијата Бофрост. Тој ја работи оваа работа четири дена во неделата, додека еден ден е резервиран за неговиот приватен бизнис - имено видео продукција и стриминг.

„Потоа секогаш можете да видите дали некој може повторно да го направи тој скок или не“, рече тој.

Тагови: јутјубер село

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американците запреа танкер во Оманскиот залив по предупредување од Британците

Британската агенција за поморска трговија (UKMTO) издаде безбедносно предупредување по инцидентот што се случи вчера во Оманскиот Залив.

Предупредувањето е издадено врз основа на дојава дека танкер и воени сили биле вклучени во инцидентот. Речиси истовремено, Асошиејтед Прес објави дека Американската централна команда (CENTCOM) го онеспособила моторниот танкер „Лавин“, кој наводно се обидел да ја пробие американската поморска блокада на Иран.

UKMTO WARNING 096-26

Click here to view the full product.⤵️https://t.co/mX0BINFpZT #MaritimeSecurity #MarSec pic.twitter.com/ZDlHfjgJ1H
— UKMTO Operations Centre (@UK_MTO) July 25, 2026

Засега нема официјална потврда

Досега не е официјално потврдено дали предупредувањето на британската агенција и американската воена операција се однесуваат на истиот настан. Американската централна команда сè уште не дала официјална изјава за целиот случај, а причините зошто не го сториле тоа се непознати.

Тагови: Оманскиот залив танкер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.