Несреќата се случила кога четири вагони од патнички воз излетале од шините во близина на селото Герза во египетската покраина Гиза и се судриле со друг воз, недалеку од Каиро, објави „Араб њуз“.

Локалните медиуми претходно објавија дека 120 лица се повредени, без да ја прецизираат сериозноста на нивните повреди. Некои египетски медиуми објавија дека бројот на повредени е повеќе од 150.

Несреќата се случила во областа Ал-Ајат, по што на местото на настанот биле испратени 50 амбулантни возила, екипи за цивилна одбрана и безбедносни сили, објави „Галф њуз“.

Four train carriages have overturned in a major derailment, with up to 150 injuries reported and more than 50 ambulances dispatched to the scene in Giza, Egypt. https://t.co/PMGZobDwl7

— Weather Monitor (@WeatherMonitors) November 8, 2026

Повредените биле однесени во блиските болници во покраината Бени Суеф, додека болниците во Гиза биле ставени во состојба на готовност за лекување на повредените.

Како што претходно објави „Ал Арабија“, машиновозачот им подлегнал на повредите. Египетското јавно обвинителство започна истрага за причините за железничката несреќа и ѝ наложи на полицијата да ги спроведе потребните проверки и да ги испраша сведоците и повредените патници.

Египетскиот претседател Абдел Фатах ал-Сиси изјави дека ја следи несреќата со „голема загриженост“ и им нареди на властите да спроведат итна истрага за да „ги повикаат на одговорност сите оние за кои е утврдено дека биле небрежни“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Веста за неговата смрт ја објави докторот Неџати Јакупи на својот Facebook-профил.

„RIP Проф. Д-р Зоран Спировски 1957–2026. Професоре, почивај во мир“, напиша Јакупи, простувајќи се од својот колега.

Проф. д-р Зоран Спировски беше специјалист по торакална хирургија и редовен професор на Медицинскиот факултет при Универзитетот „Св. Кирил и Методиј“ во Скопје. Во текот на својата професионална кариера ја извршувал и функцијата директор на Универзитетската клиника за торакална и васкуларна хирургија во Скопје, на која бил именуван во 2008 година.

Неговата научна и стручна работа била посветена на хируршкото лекување на заболувањата на белите дробови и градниот кош, со посебен интерес за оперативното лекување на белодробниот карцином.

Во 1998 година докторирал на тема поврзана со предоперативната проценка и хируршкото лекување на неситноклеточниот бронхоген карцином.

Спировски бил автор и коавтор на повеќе научни и стручни трудови од областа на торакалната хирургија, објавувани и во меѓународни медицински публикации. Во 2011 година учествувал и во подготовката на „Прирачник за белодробен карцином – водич за дијагноза, терапија и прогноза“.

Покрај работата со пациенти, значаен дел од неговата професионална кариера бил посветен и на образованието на идните генерации лекари. Како универзитетски професор и ментор учествувал во едукацијата на студенти, специјализанти и докторски кандидати.

Во 2018 година бил дел и од иницијативниот одбор за формирање на Здружението за кардиоторакална хирургија на Македонија.

Неговата професионална дејност опфаќала работа во универзитетското и во приватното здравство, а неговото име останува поврзано со развојот на торакалната хирургија и медицинското образование во земјава, објави SkopjeInfo.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.