Фудбал

Финалето на СП во Катар 2022 година ќе се одигра на 18 декември

ФИФА потврди дека конечно е одлучено финалниот меч на Светското првенство во фудбал.во 2022 година да се одигра на 18 декември, што ќе биде прв таков случај во историјата на ова натпреварување.

Минатиот месец, специјална комисија од експерти која испитуваше кој е најдобриот термин за одржувањето на Мундијалот во оваа мала арапска земја, во регионот на Персискиот Залив, препорача првенството, наместо во летните месеци (јуни-јули) да се организира во периодот од крајот од есента и почетокот на зимата.

Ваквиот предлог беше понуден затоа што во текот на летото, температурите на воздухот во Катар се искачуваат до над 40 степени Целзиусови, кога е невозможно не само да се игра фудбал, туку и да се следат натпреварите. За разлика од летото, во доцната есен и во текот на зимата, температурите се движат околу 20 степени, што се смета како прифатливо за сите репрезентации, како и за навивачите.

Според соопштението од седиштето на ФИФА во Цирих, предвидено е Светското првенство во Катар да започне во ноември 2022 година и да трае до 18 декември, за кога уште од сега е определено да се игра финалниот натпревар и да заврши првенството.

Во ФИФА велат дека тој ден се паѓа во недела, а 18 декември е национален празник на Катар, што само ќе придонесе за свечената атмосфера со крајот на првото светско првенство во една муслиманска земја и во време кога не е одржано ниту едно досегашно првенство.

При определувањето на термините, се внимавало на тоа да нема религиозен празник во регионот,к ако и пренството да заврши најдоцна на една недела пред христијанскиот Божик (за католичките и протестанските верници) на што инсистирале фудбалските асоцијации.

УЕФА сугерирала Мундијалот во Катар да заврши на 23 декември, но тој датум не бил прифатен.

ФИФА уште најави дека првенството во Катар ќе трае и пократко од оние во Бразил и во Русија во 2018 година. Наместо 31 или 30 денови, катарскиот Мундијал ќе трае 28 денови.

Македонија

Ковачевски: Гласањето ПРОТИВ е краткорочна казна со долгорочни последици за државата

Гласањето ПРОТИВ е краткорочна казна со долгорочни последици за државата, гласањето ЗА значи прогрес и подобра држава.

Претседателот на СДСМ, Димитар Ковачевски, на вечерашниот митинг во Крушево, ги повика граѓаните пред да гласаат на 8-ми мај, убаво да размислат дали ќе дадат глас „за“ или глас „против“. Го повикувам сите граѓани да размислат кој заслужува да ја води државата, рече Ковачевски.

„Гласањето ПРОТИВ не ѝ носи добро на Македонија. Само ако гласаме ЗА може да одиме напред и да изградиме подобра држава за нашите деца, држава во која тие ќе сакаат да живеат. Со глас ПРОТИВ можеби ќе казните некого, но во исто време ќе ги казните и сопствените деца. Таа краткорочна казна може да има долгорочни последици за државата. Затоа ве повикувам масовно да гласате ЗА европска иднина. Да гласате ЗА Стево Пендаровски, за претседател и ЗА СДСМ и Коалицијата за европска иднина на парламентарните избори“, порача Ковачевски.

При тоа, Ковачевски им се заблагодари на членовите, симпатизерите и поддржувачите на СДСМ кои останале доследни на социјал-демократската идеја на партијата.

„Многу е поголемо задоволството кога ќе се измачиш во борба со својот политички и идеолошки противник, отколку да ја избереш полесната опција и да се свртиш против своите. Тоа е јалова борба, во која никогаш нема победник, а тој што се борел против своите си оди дома како најголем губитник. Затоа ние избравме да се бориме со идеи, со визија, со конкретни проекти, а не со кавга со довчерашните сојузници и истомисленици“, истакна Ковачевски.

Лидерот на СДСМ порача дека основната цел на програмата на Коалицијата за европска иднина е брзи, ефикасни и успешни преговори со ЕУ затоа што само на тој начин како држава може да обезбедиме повисок животен стандард, поефикасна борба против криминалот и корупцијата, подобро образование и здравство.

Скопје, 28 април 2024

СДСМ

Шоу биз

Убавата Ирина Шајк во потрага по ново момче!?

Руската убавица Ирина Шајк во последно време дефинитовно нема среќа во љубовта.

По разводот со актерот Бредли Купер, со кој има ќерка, убавата манекенка стапи во врска со познатиот НФЛ играч Том Брејди, но и таа врска не траеше долго и „пукна“, па сега Ирина е во потрага по ново момче.

Сексапилната манекенки наводно бара некој кој е познат, убав и има пари, изјави извор за „PageSix“.

Сепак, не е лесно Ирина Шајк да го пронајде вистинското момче кое ќе ги задоволи сите нејзини критериуми.

"Таа бара дечко, но има малку луѓе со кои излегува. Потребни ѝ се познати, згодни и богати.

Колку се такви, пет, десет", рекол извор кој сугерира дека новиот дечко на Ирина би можел да биде големиот холивудски заводник, актерот Том Круз, која неодамна раскина со атрактивната Русинка Елсина Каиров.

Свет

Саудиска Арабија предупреди на економските последици од војната во Газа

Саудиските власти денеска повикаа на смирување на тензиите на Блискиот исток и предупредија на економските последици од војната во Појасот Газа, на отворањето на специјалната средба на Светскиот економски форум.

Дводневниот форум се одржува во Ријад во присуство на многу лидери и високи функционери, меѓу кои и американскиот државен секретар Ентони Блинкен, палестински претставници и високи дипломати вклучени во напорите за ставање крај на конфликтот меѓу Израел и палестинското движење Хамас.

-Војната во Газа, како и конфликтите во Украина и на други места, вршат „голем притисок“ врз економското опкружување, изјави саудискиот министер за финансии Мохамед ал Џадан.

- Израел не е претставен на состанокот, додека преговорите за примирје со посредство на САД, Катар и Египет се во тек на други места, но настанот ќе биде можност за разговори со клучните играчи, рече саудискиот министер.

Блинкен утре ќе пристигне во Ријад каде што ќе „разговара за тековните напори за постигнување прекин на огнот во Газа што овозможува ослободување на заложниците“, соопшти Стејт департментот.