Култура

Филмот „250 скалила“ единствен со две награди од 167 учесници

Прва награда во категоријата и награда за дебитантски филм.

Филмот “250 скалила“, снимен по идеја на Живко Здравкоски, поранешен македонски активен спортски новинар, е единствениот филм кој доби две награди во конкуренција на 167-те филма кои беа прикажани на 36. “Светско првенство на Телевизија, кино, култура, спорт и комуникација“), во организација на ФИЦТС, што се одржа од 14 до 19 ноември во Милано.

Првата награда (“Guirlande D’Honneur”) во категоријата (една од вкупно девет категории) “Документарец – Тимски Спорт“ ја добија филмовите посветени на кошарката “Сеуште жив“ од Франција (“Sempre vivens” – “Сеуште живи“) и „250 скалила“.

Единствено во оваа категорија, “Документарец – Тимски Спорт“, беа доделени две први награди - тоа на Живко Здравкоски денеска му го потврди Енцо Капиело, член на Бордот на директори на ФИЦТС и Почесен Генерален Секретар на ФИЦТС. Капиело додаде дека имаше многу добри филмови и дека во другите осум категории беше доделена по една прва награда.

Другата награда, онаа за дебитански филм (“Prima Opera – Enrica Speroni“) која е во чест на покојната поранешна новинарка на “Ла Газета дело спорт“, филмот “250 скалила“ ја доби на доделувањето на наградите на победниците.

Филмов доби голем публицитет во најстариот светски спортки дневен весник, “Ла Газета Дело спорт“ кој е основан во 1896 година и чиј новинар Андреа Този (тој известуваше од ЕП во Австрија во 1986 до и од групната фаза на СП во Бормио 1987 г. на кои две првенства победи оваа генерација на СФРЈ) му посвети голем простор со две слики од Кукоч во бројот од саботата (17 ноември).

На ова финале на Светското првенство (“World championship final”), претходеа 16 квалификациски фестивали на 5 континенти, од кои еден беше во Златибор (Србија) во јуни каде Гран-При наградата ја освои “250 скалила“ кој на Златибор победи во конкуренција на 50 филмови од 22 земји. Вкупно беа во конкуренција 970 филмови во оваа 2018 година, а на СП во Милано се квалификуваа 167 филма.

Продуценти на “250 скалила“ се “ПГМ Нетворк“ и “Спортнетворк“ од Србија. Продуцент е Директорот Радован Максимовиќ. Автор е Владимир Пајиќ, режисер Владимир Курчубиќ.

Филмот е посветен е на подготовките и настапот на најталентираната генерација во историјата на светската кошарка која го освои младинското СП во Бормио, Италија, во 1987 година. Според многумина, оваа генерација е најдобра во историјата на светскиот спорт воопшто. Селектор беше сегашниот тренер на Барселона Пешиќ, а генерацијата ја предводеа покерот асови и идни НБА членови: Александар Ѓорѓевиќ (кој во четвртокот беше избран во “Куќата на славните“ на ФИЦТС) и другите три НБА звезди Раѓа, Кукоч и Дивац.

Шоу биз

Јелена Карлеуша за бракот со Душко Тошиќ: Ситуацијата е очајна долго време

Контроверзната српска пејачка Јелена Карлеуша повторно ја разбранува јавноста со коментар за бракот со екс фудбалерот а сега менаџер Душко Тошиќ.

Многумина не веруваат дека Јелена Карлеуша се уште е во брак со Душко Тошиќ, а таа сега ги откри деталите од нивниот заеднички живот.

- Луѓето се шокирани кога велам дека сè уште сме во брак. Сите мислеа дека сме разведени, но не сме. Сите мислат дека не живееме заедно, но живееме. Ситуацијата е очајна долго време, затоа што јас не сум човек што лаже.

Жал ми е за тоа, бидејќи верувам дека јас и Душко никогаш не смееме да бидеме некој што се гледа низ каков било нишан - изјави Карлеуша за Курир. рс.

Таа исто така додаде: - Тој е татко на моите деца и член на моето семејство. Го сметам за најблизон и за него би направила се, би застанала пред куршум би им се спротивставила на десет луѓе за него би направила се, истакнала популарната пејачка.

- Воопшто не размислувам за темата љубов и тоа дека сега треба да почнам од почеток, но знам дека заслужувам љубов. Некој да ме гушне, да ме сака, да каже некој убав збор... Тоа одамна го немам. Знам дека заслужувам, но не можам да кажам дека ми недостига, бидејќи сум целосно замрзната на таков начин на живот,сега сум како машина - раскажала Карлеуша во интевјуто, која потоа отркила кога последен пат сопругот Душко ја прегрнал и и кажал убав збор.

-Поминаа години, повеќе од пет години не сме во тие односи. Сето тоа го заменив со она што го црпам од моите деца, Атина и Ника. Привлекувам емоции, внимание, убави зборови и комплименти од моите обожаватели. Затоа им се давам многу, бидејќи немам љубов во приватниот живот. Можам да бидам среќен со себе, не ми треба друга личност за да бидам среќен. Друга личност не ме прави целосна, ниту моите потреби се врзани за друга личност. Среќата ја наоѓам во разни ситуации и ситници. Мојата среќа не зависи од тоа дали некој маж ќе ме сака или не, заклучила Карлеуша.

Македонија

Герасимовски: Започна инсталирање на смарт јавно осветлување

Денеска започна инсталирањето на Тип 2 светилките кои се дел од паметното осветлување на јавни површини во Општина Центар.

Тип 2 светилките ќе бидат инсталирани на споредни улици низ целата општина односно близу основни училишта, градинки, паркови, шеталишта итн. Од овој тип светилки ќе бидат инсталирани вкупно 2.637 парчиња. Градоначалникот Горан Герасимовски порача дека Општина Центар е носител на иновациите кои носат бројни бенефити на граѓаните.

„Денеска започна инсталацијата на Тип 2 светилките кои ќе бидат инсталирани близу предучилишните и училишните институции како и паркови, шеталишта и споредни улици во општината. Ова лед осветлување со технологија за автоматско димирање односно само ја зголемува и намалува светлината следејќи го заоѓањето на сонцето носи дополнителни заштеди за општината без зголемување на ризикот за безбедноста на сообраќајот и сигурноста на граѓаните“, вели Герасимовски.

Процесот за менување на јавното осветлување со нови старт светилки Општина Центар го започна пред две недели со поставување на лед светилките од Тип 1 кои се инсталираат на најфреквентните улици во општината. Поставувањето се одвива етапно според урбани заедници поставувајќи ги паралелно различните типови сијалици кои ги има вкупно четири. Општина Центар преку реализација на овој проект ќе ја унапреди енергетската ефикасност со тоа што ќе оствари заштеда до 70% на потрошувачката на електрична енергија за јавно осветлување и повеќе од 75% на трошоците за одржување на постојниот систем.

Општина Центар

Свет

Најмалку две лица загинаа во руските напади во Харков

Најмалку две лица загинаа, а шест беа ранети денеска во руските напади врз Харков, изјави регионалниот гувернер Олег Синегубов.

„Според првичните извештаи, две лица се убиени, а шест се повредени во нападите на Харков“, напиша Синегубов на Телеграм.

Харков, каде што живеат повеќе од 1,4 милиони луѓе пред војната и лоциран во близина на границата со Русија, се повеќе е цел на руските напади во последните неколку недели.