Тој на прес-конференцијата даде одговор на новинарско прашање во врска со неодамнешната изјава на Спасовски дека понудил оставка од функцијата координатор на пратеничката група на СДСМ, но дека тоа немало врска со резултатот од локалните избори.

-Да, тоа се случи меѓу двата изборни круга, но причина за тоа беше едно недоразбирање од техничка природа, кое што го расчистивме во меѓувреме. Ја разбирам неговата реакција во однос на тоа прашање поради тоа што тоа доведе до една таква непријатна ситуација, која што не беше ниту намерна, ниту тенденциозна. Но како и да е поразговаравме и по расчистувањето на тоа недоразбирање сепак Оливер Спасовски ќе остане координатор на пратеничката група на СДСМ, истакна Филипче.

Поранешниот министер за внатрешни работи Спасовски, во емисијата „Тема на денот “ на ТВ Сител рече дека има вистина во тоа дека понудил оставка во моментот кога требало да се поднесе резолуцијата до Собранието за Бугарија. Тој додаде дека е точно дека барал да биде сменет од функцијата координатор на СДСМ, но тоа било за предлогот на партијата за стратегија на црвени линии во спорот со Бугарија со усвојување на истата во Парламентот. Тој бил против таков чекор од партијата.

Како што најави Филипче во текот на следната недела ќе заседаваат партиските тела и ќе бидат назначени двајца нови потпретседатели, а ќе има измени и во извршниот одбор.

Во однос на последните случувања на реалација влада - правосудство, Филипче рече дека начинот на комуникација на власта и зборовите кои ги користи се несоодветни и недолични и смета дека тоа е еден од начините да се направи дефокус од вистинските работи, кои Владата треба да ги прави, а како што рече, не ги прави.

-А тоа се реформите. Никој во ниту еден сегмент не бара дополнителни пари без реформи, не, луѓето бараат реформи, бараат подобар систем, тоа го бараат граѓаните, сакаат да живеат во подобар систем, во држава со подобра јавна администрација, обвразование, судство, тоа го бараат судиите. Ако за првпат во историјата се обединиле сите судии да се обраќаат кон премиерот, извинете кабаетот е кај него. Дали во секој систем и во сите групи и во сите институции има луѓе, кои што на некој начин со своето несоодветно однесување и постапки прават терет врз целиот тој сегмент, да има секаде, но мнозинството луѓе, значајно мнозинство луѓе бараат систем, реформи, прогрес и преку тоа повисоки примања и тоа е нашиот пат, начинот за излез од оваа ситуација во која не стави Владата, а таа е тешка периферија на Балканот. Да резимирам сметам дека приоритет треба да бидат реформите во правосудството, преку кои ќе се постигнат две работи - подобар систем, поголема функционалност и поголеми примања за сите кои работат таму, тоа е начинот како ќе се зголеми довербата во правосудството, нема друго нема волшебно стапче, како што нема во ниту еден сегмент, рече Филипче.

Според него има стагнација во сите сегменти, во преден план се ставени бизнис интереси на мала група луѓе и од утре, како што рече, партијата почнува со серијал прес-конференции за скандали.

Филипче: Владата на Мицкоски создаде хаос во пензисикиот систем, пензиите ги доведе во ризик

Претседателот на Социјалдемократскиот сојуз на Македонија, д-р Венко Филипче на денешната прес-конференција нагласи дека за година и пол владата на Мицкоски направи хаос во Фондот за ПИОМ со што во ризик ја доведе исплатата на пензиите. Затоа, како што кажа Филипче, Мицкоски се обидува со бесрамни лаги и манипулации да ја препише вината за хаосот во пензискиот фонд што тој го направи, на СДСМ.

„Такво политичко лицемерие до сега не сме виде виделе и тоа е обидот на премиерот Мицкоски таа криза која што самиот ја создаде и измамата која што ја направи кон пензионерите сега да ја препише на СДСМ. Велат дека СДСМ сакал преку судството да ги намали пензиите на пензионерите. Ваква лага одамна не сме слушнале. И сакам јасно да им порачам на пензионерите, хаосот којшто се случува во пензискиот систем, нестабилноста на пензискиот фонд којашто ВМРО-ДПМНЕ ја создаде за само година и пол владеење, неизвесноста за тоа дали ќе има зголемување на пензиите во следниот период, како и неизвесноста дали воопшто ќе има исплата на редовни пензии следните месеци- се е резултат на лошите политики, на лагите, на манипулациите на премиерот Мицкоски и владата на ВМРО-ДПМНЕ, ЗНАМ и ВЛЕН“, рече Филипче.

При тоа, Филипче потсети дека СДСМ повеќепати предупредуваше дека е потребно власта да се придржува до законското решение кое што беше донесено во времето на владата на СДСМ, кое што предвидуваше правично зголемување на пензиите и одржливост на Фондот за ПИОМ.

„Тоа законско решение беше логично, обезбедуваше доволна сума на пари за континуирано зголемување на пензиите согласно зголемувањето на трошоците за живот, согласно растот на минималната плата, согласно инфлацијата, за да пензионерите живеат достоинствени денови, така како што заслужуваат пензионерски, поради тоа што целиот живот плаќале придонеси во пензискиот фонд.Што ние направивме,50% усогласување со инфлацијата, 50% усогласување со платите. А сега владата донесе несоодветно решение и ќе видиме сега, според одлуката на Уставниот суд, многу веројатно противуставно решение“ рече Филипче.

Тој додаде дека доколку власта го продолжеше законското решение на СДСМ, сега над 92% од пензионерите ќе добиеа поголемо зголемување од овие 1.000 денари со решението на владата на премиерот Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.