Филипче: СДСМ не бега ниту од една расправа, нека се закаже расправа за било која трагедија - Канал 5

Македонија

Филипче: СДСМ не бега ниту од една расправа, нека се закаже расправа за било која трагедија

Судењето за Кочани е тест за целото општество и мора да се води кристално чисто, а СДСМ не бега од ниту една расправа и го прифаќа барањето од ВМРО-ДПМНЕ анкетната комисија во Собранието.

Филипче: СДСМ не бега ниту од една расправа, нека се закаже расправа за било која трагедија

Судењето за Кочани е тест за целото општество и мора да се води кристално чисто, а СДСМ не бега од ниту една расправа и го прифаќа барањето од ВМРО-ДПМНЕ анкетната комисија во Собранието покрај за Кочани, да биде проширена и за другите трагедии како модуларната болница и Дурмо турс, изјави лидерот на СДСМ, Венко Филипче.

Откако пратениците од СДСМ вчера во Собранието ја доставија иницијативата за основање анкетна комисија на која освен нивните, потпишани се и пратениците од Левица, Филипче вели доколку има и други иницијатива за надзорна расправа тие ќе ги поддржат со цел да да се дојде до вистината. Филипче реагираше и на изјавите на премиерот Мицкоски кој ја обвини СДСМ дека води „некрофилска политика“.

- Ова не е ново, го говори подолг временски период. И таа реторика на навреди покажува само една работа, тоа е фрустрација од неуспешните обиди да вистината или некои блиски луѓе на ВМРО-ДПМНЕ се заштитат од истрагата. Ние не бегаме од ниту една расправа. Нека се закаже за било која трагедија, за било кој случај. Ние сме тука да дебатираме на било која тема во било кој формат така како што тоа го нудат институциите. Очекуваме да се слушне сечиј глас, ова е барање пред се на родителите, мислам дека заслужуваат тоа барање да им се оствари. Да не се занемари можноста на Собранието за тие алатки за коишто се нудат. На крајот на краиштата немаме што да изгубиме, изјави Филипче.

Откако дел од неговите сопратијци јавно го повикаа за одговорност за лошите и резултати на партијата сомневајќи се за некаков скриен договор со ВМРО-ДПМНЕ, Филипче негира дека постои било каков таен или полутаен договор со владејачката партија, а опозициската реторика на СДСМ според него е заслуга за изгубените гласови на ВМРО-ДПМНЕ.

- Сакам многу јасно да демнатирам дека има било каков договор скриен, таен, полутаен договор за било што со ВМРО-ДПМНЕ. Не може да има договор со луѓе што прашуваат колку чинат животите на децата во Кочани. Не може да има договор со луше коишто кажуваат дека сега не време за реформи туку на војни, изјави Филипче.

Филипче упати критики и за реформите во правосудството, а власта според него манипулира со прашањето за повисоки плати на судиите и обвинителите наместо да го зајакне правосудсниот систем и судската независност.

YouTube video

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Посебен режим на сообраќај поради Скопскиот маратон

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер