Македонија

Филипче: Публикациите укажуваат дека кај пациентите на респираторни машини смртноста е околу 98 проценти

Министерот за здравство Венко Филипче на денешната прес-конференција наведе дека публикациите покажуваат дека смртноста кај пациентите кои се поставени на респираторна машина, како последица од корона вирусот, е околу 98 проценти.

На новинарското прашање во однос на смртноста, земајќи во предвид дека во соседните земји е значително помала, и дали се штитат болничките капацитетите и пациентите се оставаат на домашно лекување, Филипче нагласи дека болничките капацитети се подготвени и за третман на најтешките форми на болеста.

– Болничките капацитети се подготвени, тие не се ни преполнети, подготвени се и за третман на најтешки форми на болеста. Смртноста е некаде во светските рамки, околу четири проценти во нашата земја и во неколку наврати досега коментиравме дека станува збор за болест којашто во онаа најтешка форма, кога се пацинетите на респираторна машина, публикациите укажуваат дека смртноста е околу 98 проценти значи тоа е вирус, болест, којашто ги напаѓа сите органи. Во онаа најтешка манифестација на болеста и покрај сите преземени мерки за жал за пацинетите не може да се направи ништо, истакна министерот за здравство.

Околу тоа дека во медиумите пристигнуваат реакции оти на Онкологија во скопската клиника нема лекови и се чека повеќе часови за третман, односно за тоа како се третираат лицата кои имаат други заболувања, а не корона вирус, Филипче нагласи дека апсолутно одговорно тврди оти нема никакво одлагање или чекање во однос на пацинетите кои треба итно да се третираат.

– Освен хроничните интервенции кои можат да се одложат без компликација на здравствената состојба, согласно мислењето на стручниот колегиум, сето друго се одвива нормално. Ова секако дека е под максимална контрола и во рамките на координацијата којашто ние секојдневно ја имаме со директорите на клиниките. Претпоставувам дека за дел од услугите за кои сега во овој момент нешто повеќе се чека е евентуално заради евалуација дали станува збор за пациенти коишто се позитивни на корона вирусот или не. Апсолутно одговорно тврдам дека нема никакво одлагање или чекање во однос на пацинетите кои треба итно да се третираат, истакна министерот.

На прашањето дали ќе биде затворен одделот за гинекологија во кумановската болница, Филипче одоговори дека во периодот којшто претстои болницата ќе биде целосно функционална.

– Денеска во кумановската болница на увид и разговор со директорката и шефовите на сите одделенија беа државниот секретар во Министерството за здравство и претседателот на Комисијата за заразни болести со цел да се организира работата во оној дел кадешто имаме дијагностицирани нови лица, вработени во болницата, а коишто биле во самоизолација досега заради контакт со претходно дијагностицираните од болницата. Во таа смисла направен е целосен распоред во болницата во Куманово и во периодот којшто претстои ќе биде целосно функционална. Доколку се наметне потреба од растеретување на болницата заради поголем број на пацинети тие ќе бидат упатувани во институциите во Скопје, рече Филипче.

Околу тоа, дали се знаат сите контакти на фризерот од Кочани што почина пред неколку дена како последица од Ковид-19, министерот нагласи оти верува дека интервјута ги дале податоците.

– Доколку некој се сомнева дека е дел од некаков ланец на можен пренос на болеста може во кое било време да го алармира Центарот за јавно здравје, посочи Филипче.

Македонија

Одбележана 23-та годишнина од смртта на припадникот на безбедносните сили, Роберт Петковски

Со положување свежо цвеќе пред спомен плочата во Бунарџик, општина Илинден ја одбележа 23-та годишнина од трагичната смрт на Роберт Петковски, кој како припадник на Министерството за одбрана, трагично загина во Вејце, на 28 април 2001 година.

Како што информираат од Општината, свежо цвеќе положиле членовите на семејството на Роберт Петковски, претставници на општина Илинден предводени од градоначалникот, Александар Георгиевски, припадниците на специјалната единица „Волци“, претставници на месната заедница и жители на Бунарџик.

Во чест на трагично загинатиот припадник на безбедносните сили, кој бил член на фудбалскиот клуб „Бунарџик“, а под покровителство на градоначалниот Георгиевски, се одржува традиционален меморијален турнир во фудбал.

Фудбалскиот натпревар се одиграл на ново реконструираното фудбалско игралиште во Бунарџик, кое го носи името „Роберт Петковски“ каде Општина Илинден изврши целосна замена на асфалтниот слој, поставено лед осветлување, заштитна ограда, нови голови, клупи, корпи за отпадоци и партерно уреден простор.

Македонија

Павле Трајанов реизбран за претседател на Демократски сојуз

Павле Трајанов денеска на конрес е реизбран за претседател на Демократски сојуз.

На конгресот на кој присуствуваа над 400 делегати и гости, беше избран Централен совет на партијата од 80 члена. Меѓу приоритетите, Трајанов нагласи дека се неопходни коренити уставни измени, односно нов Устав, зашто како што рече, амандманите на актуелниот го блокираат развојот и демократијата.

На седмиот Конгрес на Демократски сојуз на кој присуствувале над 400 делегати и гости бил избран Централен совет на ДС од 80 члена, а за претседател реизбран Павле Трајанов

Како што информираат од ДС, Конгресот усвоил и повик до граѓаните да се вклучат во промените, во кои меѓу другото стои дека се неопходни темелни реформи и кадровска обнова.

- Македонија е заглавена во политичко мочуриште, неопходни се темелни реформи и кадровска обнова доколку сакаме да се придвижат напред сите процеси. На овие избори се одлучува за тоа дали ќе се вградат во системот вредности кои независно од власта ќе гарантираат изградба на пристојна и модерна европска држава, држава на слободни и креативни граѓани, горди на самите себе и на државата на која и припаѓаат и ја градат. Македонија мора да успее, тоа е наша должност и завет пред идните генерации. Да се биде или не, за тоа одлучувате Вие граѓаните! Излезете на гласање и определете ја иднината на Македонија, демократска, слободна, силна и почитувана од сите, соопштуваат од ДС.

На Конгресот, Трајанов нагласил дека на претстојните претседателски и парламентарни избори ќе се одлучува за тоа дали ќе опстоиме како самостојна, суверена и независна држава, дали ќе се случат промени кои значат градење на демократска и европска држава или ќе тонеме во корупција, деструкција и разградување на темелните вредности.

Трајанов зборувал и за приоритетите на Демократскиот сојуз, меѓу кои посебно ги посочил коренити уставни промени, односно нов Устав, донесување на нова стратегија за борба против тешките облици на криминал и високата корупција и донесување на Законот за формирање на независна Агенција за борба против овој вид на криминал, деблокирање на евроинтеграциските процеси преку градење на широк политички и граѓански консензус околу следните работи, реформирање на системот за безбедност, слободна пазарна економија, бесплатно здравство и образование и создавање услови за младите да останат во Македонија.

Тој ги повикал делегатите на конгресот, членовите и симпатизерите на Демократскиот сојуз, како и сите граѓани, да излезат масовно на 8 Мај и да гласаат за претседателскиот кандидат Гордана Силјановска Давкова, и за кандидатите за пратеници од коалицијата „Твоја Македонија“ предводена од ВМРО-ДПМНЕ.

Македонија

ВМРО-ДПМНЕ и „Вреди“ најавија постизборна коалиција

На десет дена пред парламентарните избори лидерот на ВМРО-ДПМНЕ Мицкоски најави постизборна колиција со албанската опзозиција „Вреди“. 

И двете страни ја потврдуваат заложбата за формирање на идната влада, доколку резултатите од првиот круг претседателски се пресликат и на парламентарните избори на 8-мај.

Отворена врата во коалицијата Мицкоски остава и за Движењето ЗНАМ, со чиј лидер Максим Димитриевски биле во комуникација, и чии гласови ги очекува на контото на Силјановска Давкова во вториот круг од претседателските избори.

Според Мицкоски условите за избор на претседател во Собранието и гаранции за уставните измени, не се барања на Вреди, туку само на ДУИ.

За уставните измени како можен услов за постоизборна колилиција помеѓу ВМРО-ДПМНЕ и Вреди денеска избегна да одговори и Изет Меџити, кој порача дека нема дилема кој ќе ја предводи идната влада.

Вчера пак лидерот на интегративците Ахмети порача дека не може Мицкоски и ВМРО-ДПМНЕ да одлучуваат дали ДУИ ќе оди во опозиција, туку дека за тоа одлучува народот.

притисни ентер