Фил Колинс и Оријана се запознаа на негов концерт во 1994 година. Се венчаа неколку години подоцна - во 1999-та. Се разведоа во 2006-та.
При разводот таа доби алиментација од 25 милиони фунти и веднаш се премажи со бизнисменот Чарлс Мејати со кој има 5 годишен син.
Но во 2014 година Оријана отишла на рутинска операција на грбот која се искомплицирала. Таа останала во болница со месеци, и се движи со помош на стап, како и Фил Колинс, а во најтешките денови токму тој бил покрај неа!
Сега Оријана и 65 годишниот Колинс се повторно заедно.
Во Мајами каде што живеат, нивните блиски очекуваат повторно да стапат во брак - но во тоа ги попречува горчливиот развод низ кој минува Оријана.
Таа всушност пред разводот потпишала договор до сопругот Чарлс според кој 6 милиони вредната куќа во Мајами останува негова, а 5 годишниот син е под негово старателство. Сега Оријана вели дека била изманипулирана и под тешки лекови кога се потпишала на договорот, и дека била под закани од страна на Чарлс дека ќе ја изложи на јавна критика како неодговорна мајка и „ќе отвори војна“ со неа - ако не потпише.
Како ќе заврши сето ова?
75 годишната мајка на Оријана вели дека повеќе го сака Фил, и објаснува „ не затоа што е милионер туку затоа што е добар сопруг и татко“.
Овој месец Фил Колинс ќе ја објави автобиографијата „Not Dead Yet“, и ќе ги реобјави своите 8 албуми. Човекот кој се бореше со алкохолизам и депресија, кој зад себе има 3 пропаднати бракови во автобиографијата порачува - уште не сум мртов!
/извор: Дејли меил