Фудбал

ФИФА ќе формира Европска премиер лига?!

Светската фудбалска асоцијација ФИФА со финаниска поддршка од 6 милијарди долари од американска банка сака да формира Европска Премиер лига во која ќе учестваат најдобрите клубови од Стариот континент.

Веста дека елитните европски клубови во соработка со ФИФА ќе формираат нова лига предизвика огромни реакции во светскиот фудбал.

Со овој потег светската куќа на фудбалот ФИФА сака да го намали влијанието Европската фудалска асоцијација УЕФА. Според „Скај Спортс“ новата лига би можела да започне во 2022 година.

Формирањето на Европската Премиер лига би значело „крај“ за Лигата на шампионите. Голем број на фудбалски гиганти од Европа се подготвени да бидат дел од новото натпреварување во кое се најавува дека би учествувале 16 или 18 клубови.

Листата на потенцијални тимови учесници е навистина импресивна: Барселона, Реал Мадрид, Атлетико мадрид, Ливерпул, Манчестер Јунајтед, Манчестер Сити, Челзи, Арсенал, Тотенхем, Јувентус, Баерн Минхен, ПСЖ .. се клубовите кои наводно добиле понуда за учество во Европската Премиер лига.

- Претседателот на УЕФА во неколку наврати истакна дека е против формирање на Суперлига. Принципите на солидарност, пласман, испаѓање и отворени лиги се нешто за што не може да се преговара. Тоа е она што го прави европскиот фудбал и затоа Лигата на шампионите е најдоброто натпреварување во светот. УЕФА и клубовите се посветени на тоа да не го уништат создавајќи Супер лига од 10, 12, па дури и 24 клуба кои на крајот би станале здодевни - објави УЕФА.

„Скај“ тврди дека веќе се обезбедени шест милијарди долари за новата лига и сигурно ќе биде интересно да се види дали големите клубови ќе се одвојат од УЕФА.

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

Свет

Аргентина бара партнерски статус во НАТО

Аргентина побара од НАТО да стане еден од глобалните партнери на тој безбедносен сојуз, изјави денеска министерот за одбрана Луис Петри во време кога неговата земја бара начин да ги зајакне врските со САД и Европската унија.

Аргентина во вторникот објави дека купува 24 американски борбени авиони Ф-16 од Данска, договор поддржан од Вашингтон.

Министерот Петри се сретна со заменик генералниот секретар на НАТО, Мирчеа Џоана и му врачи писмо во кое се изразува интересот на Аргентина да стане партнер на западната воена алијанса, објави министерот на X.

Според НАТО, глобалните партнери работат со членките на алијансата за споделување разузнавачки информации и учество во воени вежби.