Македонија

Фидани: Недостасуваа судии и немаше услови предметот за „Пулс“ да се работи во судот во Кочани

Недостатокот на судии во кочанскиот основен суд но и анализата на состојбите во другите судови се главната причина скопскиот Кривичен суд да се определи за надлежен во постапување по предметот за трагедијата во дискотеката Пулс во Кочани.

Недостатокот на судии во кочанскиот основен суд но и анализата на состојбите во другите судови се главната причина скопскиот Кривичен суд да се определи за надлежен во постапување по предметот за трагедијата во дискотеката Пулс во Кочани, образложи претседателот на Врховен Африм Фидани. Највисокиот суд во земјава ја донесе одлуката по барање на штипска Апелација откако претходно кочанскиот суд побара изземање.

-Што се однесува до Основниот суд Кочани, каде јас бев исто така одговорен и подобро ги знаев околностите таму, недостасуваат човечки ресурси, пред сѐ судии. Штипска Aпелација направи и анализа за состојбата со другите судови со проширена надлежност на подрачјето на штипска Апелација. Ги анализиравме сите аспекти и ценевме дека најцелисходно би било предметот да се прати во Основниот кривичен суд во Скопје,- изјави – Африм Фидани – Претседател на Врховен суд.

Претседателот на судскиот совет Александар Камбовски пак очекува судската постапка да биде ефикасно спроведена.

-Очекувам ефикасно и ефективно да се спроведе постапката и да добијат и граѓаните и државата и сите ние да добиеме едно правично и фер судење во кое се надеваме тој што треба да одговара, ќе одговара, ако некој е погрешно обвинет, да биде ослободен,- изјави – Александар Камбовски – Претседател на Судски Совет.

Предметот со обвинението и доказите за пожарот во дискотеката Пулс вчера беше доставен до Кривичниот суд во Скопје и ќе биде распределен на совет за оценка на обвинение. Одлуката за трагедијата во Кочани да се суди во Скопје доаѓа во време кога кривичниот суд доби и нов в.д претседател откако досегашниот претседател Иван Џолев беше избран за судија во скопска Апелација. До изборот на нов пртеседател со судот ќе раководи судијката Данела Димовска која беше единствен предлог од координаторот за тој суд, Данка Ристова. По кратката расправија во советот околу тоа дека процедурата за избор е спорна заради начинот на оценувањето и неусогласеност на законите, со 10 гласа за и два против, Даниела Димовска беше избрана за в.д претседател на Кривичен.

Тагови: Основен кривичен суд Скопје Судски совет

Фудбал

Европскиот шампион со најголема зароботка на Светското клупско првенство

Финалистите на Светското клупско првенство ПСЖ и Челзи се екипите кои најмногу заработија од ова натпреварување. Приближно нивната заработка е 100 милиони евра, а победникот ќе има и повеќе сметајќи го и бонусот за постигнатите резултати.

Европскиот првак ПСЖ има загарантирани 97,4 милиони евра, а финалистот Челзи 95,4. Во случај на триумф на лондонскиот клуб ќе има уште 10 милиони евра.

Реал Мадрид кој беше полуфиналист има заработка од 74,6 милиони евра, додека вториот полуфиналист дека доаѓа од зона со понизок рејтинг (јужноамериканската) и освои 54,5 милиони евра.

На листата на заработки потоа следуваат: Баерн - 52,3; Манчестер Сити 46,3; Борусија Дортмунд 46,2; Палмеирас 36,1; Интер 32,9 и Ал Хилал 31,1 милиони евра. /МИА

Тагови: ПСЖ Челзи

Технологија

Откриена комета - три милијарди години постара од Сончевиот Систем

Мистериозно меѓуѕвездено летечко тело е откриено од научниците од Универзитетот Оксфорд минатата недела, и веројатно се работи за комета што е три милијарди години постара од нашиот Сончев Систем.

Ова би можело да биде најстарата комета некогаш забележана, проценуваат астрономите.

Кометата, научно именувана „3-И / Атлас“ (3I/Atlas), првпат е забележана на 1 јули од телескопот „Атлас“ во Чиле, кога беше оддалечена околу 670 милиони километри од Сонцето. Во мигов, телото може да се види само со помош на многу моќни телескопи и е речиси исто толку далеку од Земјата колку и Јупитер, според првичните наоди претставени денеска на националниот состанок на Кралското астрономско друштво на Велика Британија во Дархам. Ова е само трет вакв откриен објект со потекло вон нашиот планетарен систем.

- Сите сме многу возбудени за „3-И / Атлас“... Брзината на кометата посочува дека е стара повеќе од седум милијарди години и дека можеби е најзначајниот „меѓуѕвезден посетител“ досега, изјави астрономот Метју Хопкинс.

Научниците веруваат дека, бидејќи „3-И / Атлас“ веројатно се обликувал околу постара ѕвезда, таа комета е составена од голема количина воден мраз. Ова значи дека како што се приближува кон Сонцето подоцна оваа година, топлината од нашата ѕвезда ќе ја загрее површината на телото, па така би можело да се создаде и карактеристичната светлечка опашка зад него.

Тагови: комета

Тенис

Прво финале за Синер на Вимблдон

Ова беше петта последователна победа на Синер во мечевите со Ѓоковиќ.

Најдобриот светски тенисер Јаник Синер од Италија успеа да се избори за своето прво финале на Вимблдон откако во второто годинашно полуфинале го совлада седумкратниот победник на Вимблдон, Србинот Новак Ѓоковиќ. Синер мечот го доби со 3:0 во сетови (6:3; 6:3 и 6:4) за 1 час и 55 минути игра.

Во првите два сета Синер беше доминантен. Во првиот сет имаше два брејка, а во вториот еден и двата сета ги доби идентично со 6:3. Нешто повеќе неизвесност имаше во третиот сет. Ѓоковиќ поведе со 3:0 во гемови и пропушти брејк топка за 4:0. На тоа возврати Синер, кој ја поврати играта од првите два сета и поведе со 5:3 во гемови, а потоа ја искористи четвртата меч топка за 6:4 во гемови и конечни 3:0 во сетови.

Ова беше петта последователна победа на Синер во мечевите со Ѓоковиќ.

Во неделното финале Синер ќе игра против Карлос Алкараз, кој со 3:1 во сетови го совлада Тејлор Фриц. /МИА

Тагови: Вимблдон Јаник Синер