Забава

Фараж : Меган му ја намали популарноста на принцот Хари

Лидерот на британската опозиција , Најџел Фараж ги критикуваше членовите на кралското семејство и рече дека популарноста на принцот Хари нагло се намалила откако ја сретнал Меган Маркл.

Фараж на конференција на десничарските партии во Австралија рече и дека се надева на долг живот на кралицата Елицабета II , поради ставовите на нејзиниот син Чарлс поврзани со климатските промени. Неговиот портпарол изјави дека ставовите на Фараж не биле кажани во официјалниот дел на конференцијата. Според британски гардијан , на медиумите не им бил дозволен простап на конференцијата во Сиднеј , но вчера се појавиле снимки од делови од говорот на опозицискиот лидер на Британија.

Во врска со принцот Хари рекол дека тој бил еден од најпопуларните претставници на кралското семејство во 100 тина години , се додека не ја сретнал Меган Маркл.

„Го имаме Хари, млад, храбар, огромен, маж, влегуваше во неволји, се забавуваше до бескрај несоодветно облечен, пиеше премногу и предизвикуваше секаков вид на реакции.И тогаш се запозна со Меган Маркл, и неговата популарност се стрмоглави ". рече Фараж .

Од партијата ,,Брегзит” не го коментираат однесувањето и изјавата на нивниот лидер , освен дека ваквиот коментар не бил воопшто важен во однос на крајната цел , а тоа е да се дојде до Брегзит.

Македонија

Денеска гласаат 68 штитеници од Домот за стари лица во Прилеп

Непречено се одвива гласањето на штитениците од Домот за стари лица „Киро Крстески – Платник“ во Прилеп за првиот круг од Претседателските избори. Правото на глас во Домот денеска го остваруваат 68 штитеници.

-Гласачкото место 1419 во Домот за стари лица „Киро Крстески-Платник“ е отворено од 7 часот и правото на глас ќе се остварува до 19 часот. Гласањето е непречено и се одвива без проблеми, изјави Магдалена Лазоска, претседател на избирачкиот одбор на ова гласачко место.

Своте право на глас го оствари и Благоја Богданоски, штитеник во Домот.

-Бев на гласање и го остварив своето право. Сѐ се одвива без проблеми и нема никакви притисоци од никого. Очекувам за нас мирни денови во Домот, подобри пензии и подобро да им биде на младите, рече Богданоски.

Од 68 штитеници во Домот кои денеска гласаат, 27 се од Прилеп, а останатите се од други општини.

Денеска во Прилеп гласаат и 291 немоќно и изнемоштено лице, како и 104 затвореници од прилепскиот затвор.

Македонија

До четврток облачно со дожд, од петок стабилизирање на времето

Во следните два дена ќе преовладува променливо облачно време со повремени врнежи од дожд. Во четврток врнежите локално ќе бидат поројни, проследени со појава на грмежи, а на повисоките планини ќе преминуваат во повремен слаб снег.

Како што најавуваат од УХМР од петок следува период на претежно стабилно и потопло време.

Времето денеска е облачно со повремени врнежи од дожд, наместа пообилни (над 20 l/m2) и поројни, проследени со ретки грмежи, особено во западните и јужните делови. Ќе дува слаб до умерен, а долж Повардарието и во источните делови повремено засилен ветер од југоисточен правец.

Максималната температура ќе биде во интервал од 10 до 16 степени.

Времето во Скопје облачно со повремени врнежи од дожд повремено поројни, а во делови од котлината со услови за појава на ретки грмежи. Ќе дува слаб до умерен јужен ветер. Tемпературата ќе се движи до 12 степени целзиусови.

Македонија

Зеленски: Рускиот напад врз ТВ кулата во Харков е дел од кампањата за заплашување

Руски проектил Х-59 вчера ја погоди ТВ кулата висока 250 метри.

Украинскиот претседател Володимир Зеленски рече дека рускиот ракетен напад со кој беше уништена телевизиската кула во Харков е дел од тековните напори на Кремљ да го заплаши населението на вториот по големина град во Украина, кој беше под интензивирани напади во последните неколку недели.

Целта на нападот беше „теророт да се направи видлив за целиот град и обид да се ограничи поврзаноста на Харков и пристапот до информации“, рече Зеленски во синоќешното обраќање.

Североисточниот дел на Харковската област се наоѓа на линијата на фронтот од околу 1.000 километри, каде што украинските и руските сили се борат повеќе од две години од инвазијата на Москва врз Украина. Линијата на фронтот не е многу променета во услови на војна на исцрпување, која главно се води со артилерија, дронови и во ровови.

Од крајот на март, Русија го засили притисокот врз Харков, очигледно за да го искористи недостигот на украински системи за противвоздушна одбрана. Руските единици ја погодија локалната електрична мрежа и гаѓаа станбени блокови.

Руски проектил Х-59 вчера ја погоди ТВ кулата висока 250 метри, речиси во средината, по што дел од неа се урна и дојде до прекин на програмата. /МИА

притисни ентер