Фановите убедени дека Џеј Ло и Бен Афлек намерно се скарале поради реклама за Супер Боул(ВИДЕО) - Канал 5

Шоу биз

Фановите убедени дека Џеј Ло и Бен Афлек намерно се скарале поради реклама за Супер Боул(ВИДЕО)

Откако беше објавена хит рекламата во која се караат Џенифер Лопез и Бен Афлек за време на синоќешниот Супер Боул, фановите се убедени дека парот ја лажирал својата борба на Греми наградите за промотивни цели.

Фановите убедени дека Џеј Ло и Бен Афлек намерно се скарале поради реклама за Супер Боул(ВИДЕО)

Потсетете се дека во рекламата за најпопуларните американски крофни, Џеј Ло и Бен се караат откако таа ќе открие дека Афлек работи во ресторанот на Данкин, а потоа му вели: „Земи ми глазирана!“

Рекламата стана хит на социјалните мрежи, но фановите сега се прашуваат дали нивната караница за Греми била исценирана.

Да потсетиме, Греми се одржа пред една недела, а на Твитер почна да кружи видео од незгоден момент меѓу нив. На видеото се гледа како Афлек ѝ шепоти нешто на уво, а таа нервозно гестикулира. Џенифер тогаш нешто му одговорила, а Бен потоа се повлекол, а тие целосно се смириле кога виделе дека камерата ги снима.

Целата работа отиде дотаму што се јави еден читател на усни кој тврдел дека знае за што зборуваат.

"Престани. Обидисе да бидеш пофин. Изгледај мотивирано", наводно му рекла Џенифер на Бен. Тоа е, барем така тврди анонимен читател за Дејли Меил, а наводно, Афлек ѝ одговорил само кратко: „Можеби ќе го направам“.

„Ова би можело да ја објасни кавгата на Греми“, напишал еден обожавател откако ја видел рекламата за Супер Боул и не е единствениот кој е убеден дека тоа е ПР трик.

„Повеќе се забавуваше работејќи во Данкин отколку да биде со неа на Греми!“ се пошегувал еден твитерџија, додека друг додал: „Во оваа реклама тој изгледаше најсреќно што некогаш бил откако се венчале. Но, тоа е глума...“

Но, дури и да е „местенка“, сепак не го објаснува видеото на Бен со изговори за алкохолот што стана вирален хит. Доколку, се разбира, не се планира нова реклама.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сергеј Трифуновиќ и неговата сопруга приведени по инцидент во продавница?

Актерот Сергеј Трифуновиќ и неговата сопруга Исидора Мијановиќ наводно се нашле во центарот на инцидент во познат белградски трговски центар, што ја принудило полицијата да интервенира. 

Сергеј Трифуновиќ и неговата сопруга приведени по инцидент во продавница?

Драмата се одвивала во популарна продавница кога во Исидора се посомневало обезбедувањето, кое потоа сакало да ја претресе, пишува Телеграф.

Нејзиниот сопруг Сергеј, јавуваат српските медиуми, реагирал бурно на ова и не им дозволил да ги претресат нејзините работи, што ескалирало во вербален конфликт. Обезбедувањето потоа повикало полициска патрола која го однела парот во полициската станица.

Таа се огласи откако ја напуштила полициската станица

Исидора подоцна сама ја напуштила полициската станица, додека Сергеј, како што се испоставило, си заминал порано. Таа накратко им се обратила на собраните новинари пред станицата.

„Само дојдов да ги земам документите“, рекла кратко, одбивајќи да биде снимена, пренесува Телеграф.

Фото: ВИ

Тагови: инцидент Сергеј Трифуновиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Кина отвора мегацентар за вештачка интелигенција. Ќе троши два гигавати (ВИДЕО)

Кина отвори индустриски парк за вештачка интелигенција во северниот регион Внатрешна Монголија, за кој инвеститорот тврди дека е најголем во светот.

Кина отвора мегацентар за вештачка интелигенција. Ќе троши два гигавати (ВИДЕО)

Комплексот „Envision Galaxy Campus“, сместен во градот Уланкаб, започна со работа во четврток. Компанијата за зелена технологија „Envision Group“ вели дека е најголемиот поединечен центар за податоци со вештачка интелигенција во светот во однос на капацитетот за обработка на токени, објави „Global Times“.

Капацитет и технички спецификации

Новиот комплекс е исто така најголемиот индустриски парк за вештачка интелигенција во Кина, со планиран капацитет од два гигавати. Зафаќа површина од 120.000 квадратни метри и е дизајниран да ја поддржи компјутерската моќ до еден милион единици за графичка обработка (GPU) кои можат да работат истовремено.

Зелена енергија и глобална иницијатива

Компанијата вели дека повеќе од 80 проценти од електричната енергија потребна за работа на центарот доаѓа директно од обновливи извори. Проектот е водечки развоен напор како дел од иницијативата „Mission Gobi“. Со оваа иницијатива, „Envision“ планира да изгради пет гигавати капацитет за зелено пресметување со вештачка интелигенција во пустински и сушни региони низ целиот свет до 2030 година. Планот комбинира големи центри за податоци со обновливи извори на енергија и системи за складирање.

Извор: Индекс.хр

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ги комбинира минатото и иднината: V12 хибрид инспириран од една од најголемите икони.

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ја претстави специјалната серија „Revuelto Miura 60° Homage“, која ја одбележува 60-годишнината од лансирањето на легендарниот модел „Miura“.

Премиерата ќе се одржи за време на настанот „Monterey Car Week“, а производството ќе биде ограничено на само 99 примероци.

Специјалното издание е развиено од одделот „Ad Personam“, одговорен за персонализација на возилата.

На клиентите ќе им бидат понудени девет бои на каросеријата инспирирани од оригиналната „Miura“, со контрастни детали во златна или сива боја, ексклузивни тркала и значки „Miura 60“ на праговите.

Внатрешноста има седишта со мотиви инспирирани од оригиналната „Miura“, дополнителен кожен тапацир, вез „Miura 60“ и плочка што потврдува дека е еден од само 99 произведени автомобили.

Нема промени под хаубата. „Revuelto Miura 60° Homage“ е напојуван од познатиот „plug-in“ хибриден систем кој комбинира атмосферски 6,5-литарски V12, три електрични мотори и осумстепен менувач со двојна спојка.

Вкупната моќност е 1.015 КС (747 kW), што му овозможува на овој хипер автомобил да забрза од 0 до 100 км/ч за само 2,5 секунди, додека максималната брзина надминува 350 км/ч.

Компанијата вели дека специјалната серија претставува комбинација од богатата историја на брендот и модерните опции за персонализација по кои е познат „Lamborghini“ денес.

Извор: Б92

Тагови: Lamborghini

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер