Кон крајот на јули, компанијата проценила приходи од продажбата на вакцините од 33,5 милијарди долари.
Фајзер сега очекува да испорача 2,3 милијарди дози од вакцината оваа година, 200 милиони повеќе отколку што очекувале во јули, според договорите потпишани до средината на тој месец. Тие потврдиле дека планираат да произведат три милијарди дози оваа година.
Разликата во производството и испораката ќе биде забележана во приходите следната година, забележуваат тие, проценувајќи го директниот приход од продажбата на вакцини во 2022 година на 29 милијарди долари, според договорите потпишани до средината на октомври.
Тие додаваат дека ќе продолжат со преговорите со владите за потенцијални дополнителни нарачки следната година.
Тие проценуваат дека во 2022 година ќе произведат четири милијарди дози вакцини и ќе испорачаат 1,7 милијарди од нив, според договорите потпишани до средината на минатиот месец.
Вкупниот приход оваа година се проценува на 81 до 82 милијарди долари. Во јули, тие го процениле на 78 до 80 милијарди долари.
Компанијата забележува дека ќе продолжи со преговорите со владите за потенцијални дополнителни нарачки во 2022 година.
Во периодот од јули до септември, благодарение на вакцината, компанијата повеќе од двојно ги зголемила приходите во однос на истиот период минатата година, пред регистрацијата на вакцината, на 24,1 милијарди долари.
Приходите од вакцината против Ковид-19 биле 13 милијарди долари помеѓу јули и септември.
Нето добивката скокнала на 8,1 милијарди долари во летниот квартал, од 1,46 милијарди долари во истиот период минатата година. Со исклучок на еднократните ставки, прилагодената добивка се зголемила повеќе од двојно, на 7,68 милијарди долари.
Трошоците за истражување и развој се зголемени за 50 отсто, на 3,44 милијарди долари, како дел од соработката со биофармацевтската компанија Арвинас за лек против рак на дојка.