Европските лидери се незадоволни од планот на Трамп- на Украина ѝ останува малку време - Канал 5

Свет

Европските лидери се незадоволни од планот на Трамп- на Украина ѝ останува малку време

Европските и другите западни лидери, кои се состанаа на маргините на самитот на Г20, се обидоа да договорат координиран одговор на барањето на американскиот претседател Доналд Трамп Украина да го прифати неговиот мировен план со Русија до четврток.

Европските лидери се незадоволни од планот на Трамп- на Украина ѝ останува малку време

Американскиот план, кој ги задоволува клучните руски барања, беше пречекан со умерени критики во многу европски престолнини, при што лидерите се борат да избалансираат пофалби за Трамп за обидот да ги прекине борбите, а воедно признаваат дека некои од условите од неговиот предлог се неприфатливи за Киев, пренесе Индекс.

Претседателот Володимир Зеленски рече дека Украина се соочува со избор - да го изгуби достоинството и слободата или поддршката од Вашингтон - во врска со мировниот план. Тој ги повика Украинците на единство и рече дека никогаш нема да ја предаде Украина.

Тој сигнал ги поттикна европските лидери да се соберат. На состанокот на Групата 20 најголеми економии во Јужна Африка, лидерите на Велика Британија, Франција, Германија, Јапонија, Канада, Италија, Шпанија, Норвешка, Холандија, Финска, Ирска, Европската комисија и Европскиот совет се состанаа за да разговараат за тактиките, велат изворите.

„Украина нема да биде пречка за мир“

Додека лидерите дебатираат за следните чекори, Украина објави дека ќе одржи разговори со високи американски претставници во Швајцарија за прекинување на руската инвазија на Украина, која сега е во четвртата година.

„Украина никогаш нема да биде пречка за мир, а претставниците на украинската држава ќе ги бранат легитимните интереси на украинскиот народ и темелите на европската безбедност“, според соопштението за медиумите на украинското претседателство.

Трамп вчера издаде ултиматум до Украина, велејќи дека Зеленски има рок до четврток да го одобри неговиот план од 28 точки, кој повикува Украина да се откаже од дел од територијата, да прифати ограничувања на својата војска и да се откаже од своите амбиции за членство во НАТО.

Рускиот претседател Владимир Путин го опиша планот како основа за решение на конфликтот, но Москва би можела да се спротивстави на некои од предлозите во планот, кој повикува на повлекување на своите сили од некои области што ги окупирала.

Тагови: Доналд Трамп украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Посебен режим на сообраќај поради Скопскиот маратон

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер