Трамп со предупредување до Зеленски: Ќе мора да го прифатиш планот, зимата ќе биде студена - Канал 5

Свет

Трамп со предупредување до Зеленски: Ќе мора да го прифатиш планот, зимата ќе биде студена

Белата куќа го очекува одговорот на Зеленски, откако Трамп му даде рок да се изјасни до Денот на благодарноста.. 

Трамп со предупредување до Зеленски: Ќе мора да го прифатиш планот, зимата ќе биде студена

Расте притисокот врз украинскиот претседател Зеленски, кому американскиот претседател Трамп му даде рок до четврток да се изјасни за мировниот план од 28 точки, кој предвидува низа болни отстапки од Киев.. По вчерашното емотивно видео во кое кажа дека е пред тешка одлука да го загуби или достоинството или клучниот партнер, мислејќи на САД, денеска во ново видео обраќање Зеленски соопшти дека потпишал указ за формирање украинска делегација за учество во преговорите со САД, меѓународните партнери и претставниците на Русија за постигнување праведен и одржлив мир.

- Потпишав декрет во врска со составот на украинската делегација, ги одобрив сите релевантни директиви. Нашите претставници знаат како да ги заштитат украинските национални интереси и што точно е потребно за да се спречи Русија да изврши трета инвазија, изјави Зеленски.

Трамп претходно одговарајќи на прашања на новинарите, рече дека Зеленски ќе мора да го прифати планот и дека како што рече, треба да побрза со одлуката затоа што зимата ќе биде студена, а големите електрани во државата се нападнати.

-Имаме начин да постигнеме мир, односно мислиме дека имаме начин да постигнеме мир. Ќе мора да го прифати. Ќе мора да му се допадне, ако не му се допаѓа тие ќе мора да продолжат да се борат. Во даден момент ќе мора нешто да прифати нешто. Се сеќавате на она во Овалната соба, не толку одамна, му реков: „немате карти“, изјави Трамп.

Рускиот претседател Путин вчера начелно го прифати планот. Проширениот мировен план вклучува предлози што Киев претходно категорично ги одби—меѓу нив и предавање на целиот регион Донбас како и полуостровот Крим, кои ќе бидат дефакто признати како руски, вклучително и од САД. Фронтот, пак, во Херсон и Запорожје ќе се замрзне долж линијата на контакт. Се бара и драстично намалување на украинската армија. Агенцијата „Франс Прес“ пресмета дека ако биде прифатен планот, Русија без борба би добила приближно 2.300 квадратни километари, односно територија колку Луксембург.

Германски „Билд“ објави дека германскиот канцелар Фридрих Мерц е првиот лидер на ЕУ кој телефонски разговарал со Трамп, и му сигнализирал дека Европејците сакаат да се вклучени во преговорите. Мерц според информациите ќе го искористи самитот на Г20 за тесна координација со европските партнери.

Мировниот план се очекува да биде доминантна тема и на Дводневниот самитот на Г20 кој започна денеска во сенка на бојкотот на САД, отсуство на многу светски лидери и жестоките поделби околу Украина. Се очекува европските челници да изградат став. Трамп, како и шефовите на државите на Русија и Кина Владимир Путин и Си Џинпинг, се меѓу лидерите кои го откажаа своето учество на самит на Г20 за прв пат организиран на африканскиот континент.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Не е само „Volkswagen“: И моделите на овој бренд исто така може да имаат сериозен технички проблем

Германската управа за моторни возила (KBA) во петокот предупреди дека, покрај милиони возила на „Volkswagen“ и „Audi“ ширум светот, и околу 1,7 милиони возила на Шкода може да имаат потенцијално опасен дефект.

Не е само „Volkswagen“: И моделите на овој бренд исто така може да имаат сериозен технички проблем

Предупредувањето се однесува на потенцијално слаб шраф во механизмот за управување, кој е подложен на корозија. Во најлош случај, шрафот би можел да пукне, соопшти „KBA“.

Минатата недела, агенцијата објави дека сопствениците на 2,16 милиони возила на „Volkswagen“ – конкретно моделите „Tiguan“, „Touran“, „Golf Variant“, „Caddy“ и „Golf“ произведени помеѓу 24 септември 2013 и 1 јули 2024 година – треба да контактираат со сервисен центар за да се изврши проверка и евентуална замена на проблематичниот дел, пренесува „DPA“.

Истото важи и за моделот „Audi Q3“ произведен помеѓу 31 октомври 2017 и 23 мај 2024 година.

Истиот ден, групацијата „Volkswagen“ упати повик до сопствениците на овие возила да ги донесат на технички преглед.

Се чини дека и возилата на Шкода – кои исто така се дел од групацијата „Volkswagen“ – се погодени од истиот проблем со дефектниот шраф.

Истото важи и за засега неутврден број возила од шпанскиот бренд „SEAT“.

Меѓу моделите на Шкода, под лупа се „Kodiaq“, „Karoq“, „Octavia“ и „Superb“, соопшти „KBA“, без да прецизира датуми на производство.

Ова опфаќа околу 1,7 милиони возила ширум светот, вклучително и околу 370.000 во Германија.

Извор: Б92

Тагови: Volkswagen

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер