Европските држави со нови препораки за граѓаните кои патуваат во САД - Канал 5

Свет

Европските држави со нови препораки за граѓаните кои патуваат во САД

Франција, како и неколку други европски земји, со препораки до француските граѓани кои патуваат во САД. 

Европските држави со нови препораки за граѓаните кои патуваат во САД

Одлуката уследи по указот на американскиот претседател Доналд Трамп од 20 јануари дека во САД се признаваат само два пола – машки и женски, дефинирани при раѓање.

Германија, Данска, Финска, Холандија и Велика Британија минатата недела издадоа слични препораки до своите граѓани. Тие ги потсетуваат своите граѓани кои патуваат во САД строго да ги следат правилата за влез во таа земја за да избегнат да бидат вратени назад, па дури и да бидат уапсени.

Во препораката на Франција експлицитно не се спомнуваат француските трансродови лица, кои би можеле да бидат вратени назад на границата доколку во нивните пасоши е назначен полот „Х“ или ако го смениле полот.

- На патниците им се препорачува редовно да ја проверуваат веб-страницата на Амбасадата на САД во Франција и да контактираат со авиокомпанијата со која патуваат за да проверат дали има какви било промени и новоусвоени мерки“, се вели во препораката издадена од француското Министерство за надворешни работи.

Минатата недела Министерство за надворешни работи на Финска објави дека ако полот на пасошот на барателите за виза или електронско овластување за патување не се совпаѓа со нивниот пол при раѓањето, нивното овластување за патување или виза може да биде одбиено.

Додека Данска им препорача на граѓаните дека ако во пасошот имаат ознака „Х“ за полот или пак го смениле полот да ја контактираат амбасадата на САД пред да патувате за да ги потврдите важечките правила.

И МНР на Холандија ги предупреди ЛГБТ луѓето кои патуваат во САД дека треба да бидат свесни дека таму различни закони. Минатата недела и Германија им препорача на патниците, чиј пол е означен како „X“ во нивните лични документи, или чиј сегашен пол се разликува од нивниот пол при раѓање, да го контактираат со надлежното претставништво на САД во Германија.

Велика Британија ги предупреди своите граѓани да ги почитуваат сите правила за влез во САД или ризикуваат апсење. /МИА

Тагови: САД Европа патување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер