Од затворските ќелии, во групи со полициска придружба и во комбиња ги носеа во кантината каде си ја исполнија граѓанската должност.

Во групи од по 10 лица, затворениците еден по еден застанаа пред избирачкиот одбор да си го земат своето ливче и да си го остварат правото на глас на еден ден пред изборите.

Во овој затвор правото на глас денеска го остваруваат 887 гласачи од 80 општини, а до 11 часот демократското право го оствариле 250 лица. Од одборот велат гласачкото место почнало со работа во 7 часот, а се затвора во 19 часот, а објаснија и како се одвива процесот.

-Дојдовме вчера, дистрибуиран е со асистенција од полиција, во посебна просторија беше заклучен материјалот, како го оставивме, така го затекнавме, ги наместивме материјалите и почнавме. Ние ги прашуваме дали сакаат и за едните и за другите избори, тие си ги земаат двете ливчиња, кој сака гласа, кој сака го остава празно или ко пречрктува,- изјави Зоран Петровиќ – Член на избирачки одбор - КПД Идризово.

Во останатите затвори во земјата, гласаа над 1200 затвореници, а според информациите, секаде гласањето се одвива без никакви проблеми.

-Го отворивме точно на време, во 7 часот имаме 206 гласачи и по двата избирачки списока, за претседателски и парламентарни избори и досега има излезеност,- Адријана Хаџи Николова – член на избирачки одбор – КПД Штип.

Својот глас денеска го даваат и болните и немоќни лица во домашни услови, поради не можноста да се појават на гласачките места. Ширум земјава од нив 11.095 се пријавиле дека ќе гласаат на претседателските, додека пак 11.197 ќе гласаат на парламентарните избори.

Митра Арсова од Штипско за прв пат во своите 81 година нема да гласа на избирачко место, но вели, демократскиот процес мора да се испочитува, па дури и во домашни услови..

Треба да се излезе на гласање, се знае гласање е, треба да се излезе.

Денес ја спроведуваме постапката за гласање на болни и изнемоштени лица на избирачко место 228 на железничка станица, по избирачки список имаме тројца болни и изнемоштени лица и веќе за голем дел од нив е извршено гласањето,- Избирачки одбор – Штип.

Денека се гласа и во домовите за возрасни, каде 534 лица пријавиле дека ќе гласаат на двојните избори. Во тек е и гласањето на дијаспората, таму гласот ќе го дадат 2569 лица кои имаат право да гласаат само на претседателските избори... За парлемнатраните нема да гласаат бидејќи немаше доволно пријавени за да се исполни условот од изборниот закон.

Клубот од Мадрид предвреме си ја обезбеди титулата освојувајќи 87 бода по 34 кола во Ла Лига.

Претходно се дозна дека Реал Мадрид побарал доделувањето на наградата да не се одржува на стадионот на Гранада против која ќе игра на 11 мај во дуел од 35. коло.

Кралската шпанска фудбалска федерација (РФЕФ) одлучи да му го додели трофејот на Реал во базата на клубот в недела. Ќе го достави претседателот на организацијата, Педро Роча.

Реал се согласи на ваков чин, а потоа планира да организира свечени настани. /МИА

По повод одбележувањето на Националниот комеморативен ден на Израел - Јом Хашоа, кој е посветен на хероизмот во Варшавското гето, денеска во Меморијален центар на Холокаустот на Евреите од Македонија во Скопје е отворена изложба од ликовни творби на ученици кои учествуваа на наградниот конкурс „Холокаустот низ призмата на детските очи“. Учесниците низ своја призма создадоа дела поврзани со Холокаустот.

Конкурсот беше распишан од Фондот на холокаустот на Евреите од Македонија и Меморијалниот центар на холокаустот на Евреите од Македонија, и се состои од три проекти - ликовен, литературен и дигитална содржина.

Согласно одлуката од жири комисијата, првото место го освои Мартин Николовски, деветто одделение од основното училиште „Љубен Лапе“ од Скопје, чиј ментор е Сузана Михајловска. Второто место го освои Сара Гигова од основното училиште „Димитар Влахов“ од Штип, чиј менторот е Дејан Марков, а третото место го доби цртежот изработен од Илина Талеска, деветто одделение чиј ментор е Марга Масеска.

Како што изјави на отворањето на изложбата Жаклина Мучева, раководител на секторот за едукација на Фондот на холокаустот на Евреите во Македонија, повеќето од делата кои се изложени се поврзани со две книги кои што учениците ги читаат - „Ана Франк“ и „Момчето во пругасти пижами“.

Таа испрати апел до сите наставници оваа литература да ја прошират, бидејќи како што посочи, имаме содржини кои што можат да го збогатат знаењето на сите ученици.

-Оваа изложба ја отвораме традиционално и навистина сме горди на проектот бидејќи се она што го добиваме од учениците во основните училишта во нашата земја во овие 13 години, за нас е големо богатство. Децата низ својата призма, низ призмата на историјата и она што го учат на единствениот училишен час кој што го имаат на програмата за Холокауст и она што го учат овде во Меморијалниот центар преку поставката и работилниците кои што ги организираме за нив, навистина можете да видите дека создадоа дела кои што се излезени од детската имагинација, креативност, но и вештина и таленти, посочи Мучева.

Таа информираше дека оваа година добиле 90 трудови од повеќето училишта во нашата земја. Изложени се околу 50 цртежи кои се најдобри, според одлуката на жири комисијата. Сертификати ќе добијат сите учесници, и училиштата и менторите.

Маја Наноу, член на Управниот одбор на Еврејската заедница во обраќањето пред отворање на изложбата посочи дека Јом хашоа е ден на сеќавање на холокауст и хероизам. На овој ден Израел и сите Евреи во светот им оддаваат почит на шест милиони Евреи убиени од нацистичкиот режим на нацистичка Германија и нивните сојузници и соработници.

- На овој ден се сеќаваме и оддаваме почит на милионите животи загубени за време на Холокаустот, мрачно и нечовечко поглавје во историјата. Се сеќаваме на оние кои беа жртви на најгрозоморната нетолеранција, омраза и варваство, како и на актите на храброст и хуманост што произлегоа, од херојските напори на оние кои се спротивставија, до храбрите поединци кои ги ризикуваа своите животи за да ги спасат другите, наоѓајќи светлина во темнина, рече Наноу.

Таа напомена дека и нашата држава рамо до рамо со целиот прогресивен свет им оддава почит на своите 7.144 Евреи, жртви на нацизмот, депортирани во логорот на смртта во Треблинка.

-Македонија не ги заборави своите 7.144 убиени Евреи и почитувајќи ги највисоките светски стандарди во одбележувањето на холокаустот, изврши денационализација на еврејските имоти без правни наследници и ние заедно го изградивме овој Меморијален центар, рече Наноу.

Самоил Садикарио, член на еврејската заедница изјави дека ќе продолжат да го кажуваат наративот за Холокаустот, со цел да допре во свеста на луѓето.

-Изразувам големо жалење за сите холокаусти, еврејски и нееврејски, кои се случија на овој свет, многу животи отидоа само заради некои луди идеи што постоеја и се уште постојат. Во Македонија е можеби најрадикалниот Холокауст во однос на проценти. Поточно, 99 проценти од Евреите се депортирани во логорот Треблинка, но секако и во другите земји бројките се огромни, рече Садикарио.

Пред отворањето на изложбата, во Меморијалниот центар на Холокаустот на Евреите од Македонија Соломон Садикорио ги запали шесте меморијални свеќи. /МИА