Изложени ликовни творби од ученици по повод Националниот комеморативен ден на Израел- Јом Хашоa - Канал 5

Култура

Изложени ликовни творби од ученици по повод Националниот комеморативен ден на Израел- Јом Хашоa

Конкурсот беше распишан од Фондот на холокаустот на Евреите од Македонија и Меморијалниот центар на холокаустот на Евреите од Македонија, и се состои од три проекти - ликовен, литературен и дигитална содржина.

Изложени ликовни творби од ученици по повод Националниот комеморативен ден на Израел- Јом Хашоa

По повод одбележувањето на Националниот комеморативен ден на Израел - Јом Хашоа, кој е посветен на хероизмот во Варшавското гето, денеска во Меморијален центар на Холокаустот на Евреите од Македонија во Скопје е отворена изложба од ликовни творби на ученици кои учествуваа на наградниот конкурс „Холокаустот низ призмата на детските очи“. Учесниците низ своја призма создадоа дела поврзани со Холокаустот.

Конкурсот беше распишан од Фондот на холокаустот на Евреите од Македонија и Меморијалниот центар на холокаустот на Евреите од Македонија, и се состои од три проекти - ликовен, литературен и дигитална содржина.

Согласно одлуката од жири комисијата, првото место го освои Мартин Николовски, деветто одделение од основното училиште „Љубен Лапе“ од Скопје, чиј ментор е Сузана Михајловска. Второто место го освои Сара Гигова од основното училиште „Димитар Влахов“ од Штип, чиј менторот е Дејан Марков, а третото место го доби цртежот изработен од Илина Талеска, деветто одделение чиј ментор е Марга Масеска.

Како што изјави на отворањето на изложбата Жаклина Мучева, раководител на секторот за едукација на Фондот на холокаустот на Евреите во Македонија, повеќето од делата кои се изложени се поврзани со две книги кои што учениците ги читаат - „Ана Франк“ и „Момчето во пругасти пижами“.

Таа испрати апел до сите наставници оваа литература да ја прошират, бидејќи како што посочи, имаме содржини кои што можат да го збогатат знаењето на сите ученици.

-Оваа изложба ја отвораме традиционално и навистина сме горди на проектот бидејќи се она што го добиваме од учениците во основните училишта во нашата земја во овие 13 години, за нас е големо богатство. Децата низ својата призма, низ призмата на историјата и она што го учат на единствениот училишен час кој што го имаат на програмата за Холокауст и она што го учат овде во Меморијалниот центар преку поставката и работилниците кои што ги организираме за нив, навистина можете да видите дека создадоа дела кои што се излезени од детската имагинација, креативност, но и вештина и таленти, посочи Мучева.

Таа информираше дека оваа година добиле 90 трудови од повеќето училишта во нашата земја. Изложени се околу 50 цртежи кои се најдобри, според одлуката на жири комисијата. Сертификати ќе добијат сите учесници, и училиштата и менторите.

Маја Наноу, член на Управниот одбор на Еврејската заедница во обраќањето пред отворање на изложбата посочи дека Јом хашоа е ден на сеќавање на холокауст и хероизам. На овој ден Израел и сите Евреи во светот им оддаваат почит на шест милиони Евреи убиени од нацистичкиот режим на нацистичка Германија и нивните сојузници и соработници.

- На овој ден се сеќаваме и оддаваме почит на милионите животи загубени за време на Холокаустот, мрачно и нечовечко поглавје во историјата. Се сеќаваме на оние кои беа жртви на најгрозоморната нетолеранција, омраза и варваство, како и на актите на храброст и хуманост што произлегоа, од херојските напори на оние кои се спротивставија, до храбрите поединци кои ги ризикуваа своите животи за да ги спасат другите, наоѓајќи светлина во темнина, рече Наноу.

Таа напомена дека и нашата држава рамо до рамо со целиот прогресивен свет им оддава почит на своите 7.144 Евреи, жртви на нацизмот, депортирани во логорот на смртта во Треблинка.

-Македонија не ги заборави своите 7.144 убиени Евреи и почитувајќи ги највисоките светски стандарди во одбележувањето на холокаустот, изврши денационализација на еврејските имоти без правни наследници и ние заедно го изградивме овој Меморијален центар, рече Наноу.

Самоил Садикарио, член на еврејската заедница изјави дека ќе продолжат да го кажуваат наративот за Холокаустот, со цел да допре во свеста на луѓето.

-Изразувам големо жалење за сите холокаусти, еврејски и нееврејски, кои се случија на овој свет, многу животи отидоа само заради некои луди идеи што постоеја и се уште постојат. Во Македонија е можеби најрадикалниот Холокауст во однос на проценти. Поточно, 99 проценти од Евреите се депортирани во логорот Треблинка, но секако и во другите земји бројките се огромни, рече Садикарио.

Пред отворањето на изложбата, во Меморијалниот центар на Холокаустот на Евреите од Македонија Соломон Садикорио ги запали шесте меморијални свеќи. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Големо откритие на Марс: НАСА пронајде досега најубедлива трага за можен живот

Роверот „Персеверанс“ на НАСА откри сложени органски молекули во карпите на Марс, што научниците го сметаат за еден од најсилните индикации дека Црвената планета можеби некогаш била погодна за живеење. 

Големо откритие на Марс: НАСА пронајде досега најубедлива трага за можен живот

Иако ова не е доказ дека животот всушност постоел, откритието предизвика големо возбудување во научната заедница.

Органскиот јаглерод е пронајден во глинени карпи на локацијата „Брајт Ангел“ во долината Неретва, област каде што пред милијарди години течела река и се влевала во кратерот Језеро. Научниците веруваат дека водата можеби создала услови погодни за развој на живот.

Зошто е толку важно ова откритие?

Инструментот „Шерлок“, опремен со роверот „Персеверанс“, користел ултравиолетов ласер за да детектира макромолекуларен јаглерод во карпа наречена водопади Чејава. Она што е особено значајно е што органскиот материјал се наоѓа на површината на карпата, која успеала да се спротивстави на зрачењето и хемиската оксидација, процеси кои се многу ефикасни во уништувањето на ваквите траги на Марс.

Дополнително внимание е посветено на необичните дамки на карпите кои личат на обрасците што ги оставаат фосилизираните микроорганизми на Земјата.

„Ова би можело да биде најјасниот знак за живот што некогаш сме го пронашле на Марс“, рече Шон Дафи, поранешен вршител на должноста администратор на НАСА.

Ова не е прв пат органска материја да се најде на Марс. Роверот „Кјуриосити“ претходно регистрираше слични траги на локација оддалечена повеќе од 3.200 километри, дополнително зајакнувајќи ја претпоставката дека условите погодни за живот некогаш биле широко распространети низ голем дел од планетата.

За конечниот одговор ќе мора да се почека

Иако откритието претставува голем научен чекор, тоа сè уште не е доказ за постоење на древен живот. Органската материја може да се формира и преку природни геолошки процеси, што ќе бара детални лабораториски анализи на Земјата.

Како што објаснува истражувачот на Лабораторијата за млазен погон на НАСА, Кајл Укерт, инструментите на роверот не можат со сигурност да разликуваат дали пронајдената органска материја е формирана преку биолошки или неживи процеси. Затоа, дефинитивен одговор ќе биде можен само кога примероците ќе пристигнат во лабораториите на Земјата.

Тука се појавува нов проблем. Мисијата на НАСА за враќање примероци од Марс во моментов е ефикасно на чекање поради недостаток на средства, а нов план не се очекува до следната деценија. Во меѓувреме, Кина планира да ги врати своите први примероци од Марс на Земјата уште во 2031 година, па затоа би можела да направи едно од најголемите научни откритија во модерната историја ако биде првата што ќе потврди дека некогаш постоел живот на Марс.

Тагови: марс НАСА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Турист направи хаос на Родос: Се соблече гол на плоштадот, па се искачи врз амбулантно возило (ВИДЕО)

Турист предизвика необичен хаос во градот Фалираки, на Родос, еден од најубавите грчки острови.

Турист направи хаос на Родос: Се соблече гол на плоштадот, па се искачи врз амбулантно возило (ВИДЕО)

Тој одеше сосема гол по улица во центарот на градот пред да се качи врз амбулантно возило.

Грчкиот портал Прототема објави дека вработените во итната помош ја повикале полицијата за инцидентот. Туристот бил брзо приведен, а властите го сместиле во психијатриска установа.

По интервенцијата, туристот ќе биде прегледан и лекуван. Нема пријавени повреди во овој инцидент. Полицијата ги истражува околностите на инцидентот.

Тагови: Родос туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Новиот Ламборџини Урус пристигнува на 1 јули- хибрид со над 800 КС

Lamborghini ја најави претстојната премиера на новата, високо-перформансна верзија на Urus, која ќе биде претставена на 1 јули. 

Новиот Ламборџини Урус пристигнува на 1 јули- хибрид со над 800 КС

Производителот сè уште е доста таинствен, но вели дека „се оформува ново поглавје“ и најавува модел кој ќе комбинира „врвна иновација со чист адреналин“. Иако Lamborghini не ги открива деталите, се очекува дека станува збор за обновен Urus Performante, чии прототипови веќе се снимени неколку пати за време на тестирањето.

Детали од најавната фотографија

Италијанците најавија нова верзија на Urus, доаѓа нов модел Performante. Она што веќе е познато однапред, ултимативниот SUV има горен спојлер од јаглеродни влакна идентичен со оној на претходниот модел. На него му се придружува централно поставен спојлер, кој е значително поголем од претходно. Понатаму, забележливи се модернизираните задни светла и лажните отвори за воздух, слични на оние на Urus SE. Исто така, се гледа и она што изгледа како покрив од јаглеродни влакна.

Промени во дизајнот

Иако на најавената фотографија се гледа само дел од задниот дел, претходните шпионски фотографии покажаа дека кросоверот ќе добие еволутивно дизајниран преден дел со модифицирана решетка и решетки. Заедно со нив доаѓаат редизајнирани вшмукувачи за воздух и нов потпис на дневните светла. Може да се очекува и нов заден браник, дифузер и издувен систем.

Хибриден погон со повеќе од 800 КС

Додека претходниот Performante беше напојуван од 4,0-литарски двоен турбо V8 мотор со 666 КС (490 kW) и 850 Nm вртежен момент, фејслифтираниот модел ќе добие нов plug-in хибриден погонски склоп.

Се очекува да биде базиран на системот од моделот Urus SE, кој го комбинира гореспоменатиот V8 со батерија од 25,9 kWh и електричен мотор интегриран во осумстепен автоматски менувач. Ова му обезбедува на моделот SE вкупна моќност од 800 КС, електричен опсег од 56 километри и забрзување од 0 до 100 km/h за 3,4 секунди. Сепак, нема сомнение дека Performante ќе биде уште побрз, полесен и помоќен.

Карбонски влакна во борбата против масата

Иако plug-in хибридниот систем носи значително зголемување на масата, обемната употреба на јаглеродни влакна треба да го ублажи овој недостаток. Да ве потсетиме дека кај стариот модел, употребата на тој лесен материјал овозможи заштеда од 47 килограми.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер