Европол: Поголемиот дел од хакерските напади со барање откуп се извршени од Руси - Канал 5

Свет

Европол: Поголемиот дел од хакерските напади со барање откуп се извршени од Руси

Во 80 проценти од хакерските напади со барање откуп станува збор за Руси, изјави денеска Едвардс Шилерис од Центарот за кибер криминал при Агенцијата за полициска соработка на ЕУ, Европол. 

Европол: Поголемиот дел од хакерските напади со барање откуп се извршени од Руси

При денешното сослушување во Комитетот за граѓански слободи, правда и внатрешни работи на Европскиот парламент, Шилерис призна дека повеќето од овие сторители се владини службеници.

Според него, до неодамна постоеше разлика помеѓу државни и приватни хакери, но ова се промени со напредокот на дигитализацијата. Експертот истакна дека активностите за хакирање најчесто се организирани, со повеќе учесници, а оние што крадат податоци обично немаат друга цел освен профит.

На онлајн платформите каде што не може да се утврди идентитетот на корисниците, се продаваат кориснички податоци, кои можат да се злоупотребат повеќе од еднаш, објасни тој.

Според него, податоците од кредитните картички можат да се купат за пет евра, што овозможува пристап до износи од неколку илјади евра.

Експертот забележа дека компанијата што е хакирата вообичаено губи неколку милиони евра за да ја надмине штетата. Тој извести дека има значително зголемување на измамите со користење на технологијата „deep fake“, кога, на пример, се упатуваат телефонски повици до некого со цел да се измами и се користи глас што наликува на глас на познаник.

Шилерис рече дека во 99 проценти од случаите, кражбата на податоци можела да се спречи со користење на „силни“ лозинки.

Според него, приватните компании, исто така, можат да ги подобрат системите за заштита на базите на податоци со повеќе инвестиции, но засега се обидуваат да понудат евтини услуги на пазарот, а тоа е на сметка на безбедноста.

Тагови: Европол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи  ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам. 

Центарот на градот е исполнет со навивачи, Скопје живее во фудбалски ритам

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес. 

Лишен од слобода велешанец, пронајдена дрога и пари, следува пријава

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер