Македонија

Еврокомесарката за проширување на почетокот на јули доаѓа во посета на Македонија

Дококлку опозицијата повика на предвремени парламентарни избори, ќе прифатиме и ќе победиме, но СДСМ се кријат и бегаат од ново изборно соочување, смета премеирот Христијан Мицкоски.

Тој и денес го повтори ставот дека сметаат оти парламенарните избори треба да се одржат во редовниот термин 2028-та, но дека на половина од мандатот мора да се подготвени за изборно соочување во било кое време. Сепак вели власта нема да биде таа која ќе иницира предвремени избори.

„Ние сме добиле мандат од граѓаните за 4 години и ние сакаме да одиме на редовни парламентарни избори на пролет во 2028-ма. Но доколку сме предизвикани се разбира ние мора да сме подготвени како секоја сериозна политичка опција. Во нашиот случај, кај нас во државата имаме опозиција која има 4-5 луѓе, јас би ги нарекол политички камикази коишто излегуваат во јавнсота навредуваат и изнесуваат куп невистини и мислат дека ако ги растурат пердувите дека дел ќе останат несобрани и некој ќе им поверува. Еве им можност да покажат ајде да видиме ако сте толку силни па да видиме што и како ќе биде. Ако бидеме предизвикани одиме на предвремени и ќе победиме“– Христијан Мицкоски, претседател на влада

Во меѓувреме власта ќе се фоксуира на најавената владина реконтрукција. Разговорите со колационите партнери ќе стартуват од четврток, веднаш по одбележувањето на 36-тата годишнина на ВМРО-ДПМНЕ. Партискиот роденден ќе биде на 17-ти јуни на стадион во Струмица. Премеирот Мицкоски смета дека во вода паѓаат и обвинуавњата од опзоициската СДСМ дека власта ја носи државата кон изолација и дека ваквите тврдења ги демантираат низата посети на високи државници и европски функионери во земјава. Потврди и дека на почетокот на идниот месец Македонија ќе ја посети и еврокомесарката за проширување Марта Кос.

„Според опозицијата Владата била изолирана, а како таква изолирана јас во рок од два месеци остварив билатерална средба со турскиот претседател, францускиот претседател и германскиот канцелар. На билатерална посета беше хрватскиот премиер, јас бев на билатерална посета со австрискиот канцелар и во Скопје беше претседателот на Европскиот совет, сето тоа за само два месеца“- Христијан Мицкоски, претседател на влада

Посетата на Кос во земјава доаѓа по една година. Таа во редовна посетата на Македонија, како дел од балканата турнеја беше и лани на 1-јули. Тогаш освен со премиерот Христијан Мицкоски, еврокомесарката за проширување се сретна и со опозицискиот лидер Венко Филипче.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево и топло

Времето денес ќе биде сончево и топло со мала до умерена локална облачност.

Попладне ќе биде нестабилно со пороен дожд, грмежи и засилен ветер. Наместа процесите ќе бидат поинтензивни во форма на невреме со силен ветер, пороен дожд, грмежи и појава на град. Ќе дува умерен, повремено засилен ветер од северен правец. Минималната температура ќе биде во интервал од 13 до 21, а максималната ќе достигне од 28 до 35 степени.

Во Скопје, сончево и топло со мала до умерена облачност. Во делови од котлината ќе има услови за краткотрајно невреме проследено со пороен дожд, силен ветер, грмежи и можна појава на град. Ќе дува слаб до умерен ветер од променлив правец. Минималната температура ќе се спушти до 20, а максималната ќе достигне до 35 степени.

Денес претпладне ќе биде сончево и топло, а во попладневните часови ќе има појава на нестабилност проследена со засилен ветер, пороен дожд и грмежи. Локално процесите ќе бидат во форма на невреме со силен ветер, пороен дожд и појава на град. До почетокот на следната седмица времето ќе биде сончево и топло со мала до умерена локална облачност. Во петок ќе дува засилен до силен ветер, претежно од северен правец.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски ќе присуствува на промоција на комунални возила

Денес претседателот на Владата на Република Македонија, Христијан Мицкоски, ќе присуствува на промоција на комунални возила, на паркингот пред спортскиот центар „Борис Трајковски“.

Предвидено е премиерот Мицкоски да даде изјава за медиуми.

Тагови: Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Без вода делови од Центар

Една информација за граѓаните од централното градско подрачје.

Без вода денеска од 8:30 часот ќе останат корисниците на потегот од Градски Парк до владата, како и од булеварот „Илинденска“ до градскиот стадион, а од 9 часот и дел од корисниците на булеварот „Гоце делчев“, дел од објектите на Македонската телевизија и населбата Крњево. Како што соопшти регионалниот центар за управување со кризи на Град Скопје, прекинот со водоснабдување е поради уличен дефект на водоводна мрежа на улицата „Коле Неделковски“ бр. 5 во Општина Центар, и дефект на приклучна цевка на улицата „Дана Стуцки“ бр. 18, исто така во Општина Центар..

Тагови: вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.