Балкан

Еуроњуз Србија: Почнува Самитот на ЕУ - на маса е договорот меѓу Белград и Приштина од Охрид

Како што јави Еуроњуз Србија од Брисел, високиот претставник на ЕУ за надворешна политика и безбедност, Жосеп Борел, ќе ги извести лидерите на земјите-членки за тоа како поминале разговорите.

Во Брисел почнува дводневниот Самит на ЕУ, а една од темите на разговор меѓу европските претставници ќе биде и разговорот во Охрид меѓу српскиот претседател Александар Вучиќ, косовскиот премиер Албин Курти и европските посредници. Се очекува да биде донесен заклучок во кој двете страни се повикуваат „брзо и со добра волја“ да ги исполнат своите обврски, соопшти од Брисел Еуроњуз Србија.

Нацрт-заклучоците се подготвени од претседателот на Европскиот совет, Шарл Мишел, во тесна соработка со членот на Европскиот совет кој ја претставува земјата-членка која претседава со Советот на шест месеци и со претседателот на Европската комисија.

-Европскиот совет го поздравува постигнатиот договор во дијалогот под покровителство на ЕУ за Имплементацискиот анекс на Договорот за патот кон нормализирање на односите меѓу Косово и Србија и ги повикува двете страни брзо и со добра волја да ги спроведат своите обврски, се вели во нацрт-заклучоците од самитот на ЕУ.

Во документот, кој има 27 точки, точката 25 е посветена на дијалогот меѓу Белград и Приштина, во делот што се однесува на „Други прашања“, а е посветен на надворешните односи на ЕУ.

Како што јави Еуроњуз Србија од Брисел, високиот претставник на ЕУ за надворешна политика и безбедност, Жосеп Борел, ќе ги извести лидерите на земјите-членки за тоа како поминале разговорите.

Борел во изминатите неколку дена ги извести министрите за надворешни работи на земјите членки за дијалогот, а она што може да се слушне во Брисел е дека отсега приоритет ќе биде да се инсистира на имплементација на договореното, што е извесно по овој совет, и тоа од Белград и Приштина нема да го бараат само лидерите на ЕУ, туку и сите лидери на земјите-членки. На овој начин уште поцврсто ќе се инсистира Белград и Приштина веднаш да почнат да го исполнуваат договореното.

Како што јави дописникот на МИА од Белград, во интервју за Еуроњуз Србија, специјалниот пратеник на Европската унија за дијалог, Мирослав Лајчак, истакна дека не постои точен редослед по кој ќе се исполнат обврските од договорот, но дека секако е важно да се тргне со имплементација чекор по чекор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Втората вечер од патувачкиот фестивал на македонски филм во Сплит посветена на етнолошките филмови на Вера Кличкова

Македонскиот КИЦ и Кинотека втората вечер од патувачкиот фестивал на македонски филм во Сплит ја посветија на етнолошките филмови на Вера Кличкова

Во рамките на второто издание на патувачкиот Фестивал на македонски филм, синоќа во Сплит се одржа втората вечер на Фестивалот посветена на етнолошките филмови на Вера Кличкова. Беа прикажани филмовите – „Мариовска свадба", „Велигденски обичаи" и „Русалиски обичаи во Гевгелија".

Краток вовед во филмовите дадоа вишиот филмолог Дамјана Ивановска Патчева и филмскиот техничар и продуцент Тихомир Кашмицовски од Кинотека на Македонија, приближувајќи ѝ ја на публиката важноста на зачувувањето на етнолошкиот филм како дел од филмското наследство.

Денес Фестивалот продолжува со Трибина насловена „Дијалог на кадри – улогата на Кинотеката на Македонија во заштитата на филмското наследство и меѓународната промоција на македонската кинематографија" во просториите на Македонското културно друштво „Македонија" Сплит, која се одржува во рамките на манифестацијата „Денови на македонскиот филм". Вечерта продолжува со проекцијата „Македонски оскаровци" при што ќе бидат прикажани филмовите „Дае" („Мајка") на режисерот Столе Попов и „Медена земја" на Тамара Котевска во кинотеката на Центарот за култура „Златна врата".

Македонскиот КИЦ во Загреб и оваа година патувачкиот Фестивал на македонски филм го организира во партнерство со Кинотеката на Македонија и хрватската мрежа на независни киноприкажувачи, како дел од сопствената годишна програма поддржана од Министерството за култура и туризам. Фестивалското издание во Сплит се одржува во соработка со Македонското културно друштво „Македонија" Сплит и Центарот за култура „Златна врата".

Во текот на месеците септември и октомври, во знак на одбележување на 35 години независност, Фестивалот на македонски филм продолжува во 11 градови низ Хрватска.

Тагови: Вера Кличкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Не може да има 5,5 милиони евра за прослави, да има за владин вион а да нема пари за 600 евра минимална плата

Додека Мицкоски ужива во луксуз со часовници од 60.000 евра, костуми од 5.000 евра македонските работници евдај врзвуваат крај со крај и не можат да го преживеат месецот.

Цените на храната и горивата се до плафон а минималната плата од околу 26.000 денари е недоволна за достоинствен живот.

Синдикална кошничка е 70.000 денари, месечните трошоците со кирија или станбен кредит надминуваат 90.000 денари.

Сегашната минимална плата покрива само 31% од основните месечни трошоци на едно семејство а речиси цела минимална плата, околу 25.000 денари, е потребна само за храна и безалкохолни пијалаци.

Кога на тоа ќе се додадат околу 7.000 денари за училишен прибор, 5.000 денари за превоз, 6.000 денари за облека и дополнителните трошоци за здравство, јасно е дека работничките семејства не можат да врзат крај со крај.

Затоа СДСМ по третпат го поднесе Предлог-законот за зголемување на минималната плата на 600 евра, односно 36.960 денари.

600 евра е минимум потребна плата за македонските работници да можат да живеат од сопствениот труд.

Пари има, но власта ги троши за погрешни работи.

Не може да има 5,5 милиони евра за прослави, да има 100 милиони евра за владин авион, мебел, службени автомобили и привилегии за функционерите, а да нема пари за работниците.

Власта нека скрати од сопствениот луксуз и нека ги насочи парите кон зголемување на платите и заштита на животниот стандард.

Минималната плата од 600 евра затоа што работниците заслужуваат достоинствен живот, а не секојдневна борба за преживување.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Фудбалерот Даниел Николовски загина во сообраќајна несреќа

Тажната вест ја утрово ја потврди Фудбалскиот клуб Тетекс од Тетово.

„Во раните утрински часови, во сообраќајна несреќа, животот го загуби нашиот Даниел Николковски.

Со голема жал и длабока болка ја споделуваме веста дека на 12.09.2026 година го загубивме нашиот Даниел.

Даниел беше дел од младинските категории на ФК Тетекс, а својата љубов кон клубот ја продолжи и како дел од сениорскиот тим.

Ќе остане запаметен како дел од нашето Тетексово семејство и засекогаш ќе биде дел од историјата на нашиот клуб.

На неговото семејство, најблиските и сите кои го познаваа, ФК Тетекс им упатува најдлабоко сочувство.

Почивај во мир, Даниел. 🕊️

Летај високо, ангелу.“- стои во објавата.

Тагови: Даниел Николовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.