Еуфоријата од празничните прослави и можните ризици, надлежните со апел – ако пиеш, не вози - Канал 5

Еуфоријата од празничните прослави и можните ризици, надлежните со апел – ако пиеш, не вози

Веселите, еуфорични и блескави предновогдишни забави, неретко знаат да добијат мрачна страна.. комбинацијата од алкохол и автомобил потсетува дека една погрешна одлука позади воланот може да заврши трагинчно.

Еуфоријата од празничните прослави и можните ризици, надлежните со апел – ако пиеш, не вози

Додека бројките од фаталните несреќи, најчесто предизвикани под дејство на алкохол предупредуваат, надлежните апелираат, ако не пиеш вози - ако пиеш, викни си такси.

-Да не дојде до некакви трагедии, апелираме и потсетуваме, доколку пиете, немојте да возите, ако испиете и една чашка, подобро е да се вратите со такси превоз или некој друг да ве врати, не ризикувајте, не се работи дали некој ќе ве казни или нема да ве казни, дали некој ќе види дека сте испиле или не сте испиле, туку вие да не се ставате во ситуација да ризикувате, да го ризикувате вашиот живот и животот на останатите. Апел до сите возачи, не возите додека пиете и не пијте додека возите. - Дејан Андоновиќ – РСБСП

Памет во глава, апелираат и граѓаните, велат изминативе години биле сведоци на секакви случки во сообраќајот предизвикани од алкохолот. Наместо еуфоријата, велат, возачите нека ги води помислата дека дома некој ги чека...

-Воопшто да не седнуваат позади волан, „лепо-фино“ има такси, безбедно да си стигнеш дома, бидејќи секогаш дома има некој што те сака и што те мисли./Да не пијат или да не возат, значи ризично е, видовме колку сообраќајки имаше поради тоа и памет во глава, го ризикуваат својот живот, а и животот на другите./ Ако пиеш, пиј, немој да возиш, ако возиш, немој да пиеш./ Пиев и јас, пиев порано многу, сега не сум консумирач на алкохол воопшто, веќе една година, не препорачувам да се консумира ниту капка алкохол, само лоши нешта се случуваат.

Во меѓувреме, голем дел од оние кои ги анкетиравме се уште размислуваат дали ќе бидат дел од предновогодишните забави. Некои велат таквите собиранки станале луксуз, за други пак е одлична можност за дружба.

-Генерално секое излегување сега е прескапо, не мора да значи дека е само околу Нова Година, но да, околу Нова Година има и влезници и покачување на цени и да, јас мислам дека е луксуз, особено за младите во Македонија./ И скапо и индивидуално јас, немам навика./ Кога ќе влезеш во ресторан, прво земи го менито, зошто ќе паднеш во несвест, а со пензијата моја може и да паднам во несвест, така што немам баш нешто услови да седнеме.

Да се вози внимателно и без алкохолот апелираат и од МВР кои посочија дека на улиците ќе има засилени полициски контроли. Тие воедно посочија и дека во тест-периодот на „Safe City“ веќе се забележува сериозен позитивен тренд каде возачите стануваат повнимателни, односно велат, драстично е намален бројот на прекрошоци.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Драма по финалето на Копа Судамерикана: Фудбалер на Бока се онесвести среде интервју!

 Фудбалерот на Бока Јуниорс, аргентинскиот репрезенативец, Леандро Паредес, се онесвести додека даваше изјава по победата над Атлетико Минеиро (2:0) во финалето на Копа Судамерикана.

Видео: Драма по финалето на Копа Судамерикана: Фудбалер на Бока се онесвести среде интервју!

Аргентинскиот репрезентативец разговараше со новинар од телевизијата „DSports“ кога одеднаш му се слоши, по што ја изгуби свеста и падна на земја.

Новинарот се обиде да го задржи, но не успеа, па присутните веднаш притрчаа да му помогнат на 32-годишниот играч за врска.

Паредес имаше потешкотии и за време на натпреварот поради високата температура и влажноста во Баранкиља, Колумбија, поради што во 58-мата минута побара да биде заменет.

Откако му беше укажана медицинска помош, капитенот на „Бока“ дојде при свест и замина во соблекувалната, а потоа, според аргентинските медиуми, беше пренесен во болница на дополнителни прегледи.

https://www.instagram.com/reel/DgCMIY8oLlc/?utm_source=ig_embed

Според првичните информации, причина за губењето на свеста би можел да биде пад на крвниот притисок предизвикан од исцрпеност и високи температури.

Инаку, со победата над бразилскиот претставник, „Бока“ го освои својот прв голем континентален трофеј по 18 години.

https://www.instagram.com/reel/DgBwjzDB4cS/?utm_source=ig_embed

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Историски меч за Виктор Вембањама во НБА

Ѕвездата на Сан Антонио, Французинот Виктор Вембањама испиша историја во НБА во текот на ноќта меѓу саботата и неделата.

Историски меч за Виктор Вембањама во НБА

Францускиот кошаркар Виктор Вембањама одигра фантастичен натпревар против Њу Орлеанс во ноќта меѓу саботата и неделата, при што забележа 50 поени, 18 скока, 4 украдени топки и 5 блокади! Тој стана првиот играч во историјата на НБА со ваква статистика, а ова „чудо“ од Франција е главна вест на речиси сите светски портали.

Вембањама им се придружи на Вилт Чемберлен, Ентони Дејвис и Боб Мекаду како четвртиот играч во историјата кој имал повеќе од еден натпревар со најмалку 50 поени, 15 скока и 5 блокади.

Како што веќе известивме, ова е првпат по 53 години некој да оствари 4 украдени топки и 5 блокади на еден НБА натпревар, покрај 50 поени и 15 скока.

Ова е вторпат во ноември Вембањама да постигне 50 поени на еден натпревар, бидејќи на 4 ноември против Далас тој веќе имаше 52 поени и 24 скока! Тогаш тој стана првиот играч по Боб Мекаду кој остварил 50 поени и 20 скока на еден НБА натпревар. Како играч на Бафало Брејвс (претходникот на ЛА Клиперс), Мекаду имаше 52 поени, 22 скока и 7 блокади!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ким Јонг Ун поставил услови за средба со Трамп?!

Администрацијата на американскиот претседател Доналд Трамп, за време на неговата неодамнешна турнеја низ Азија, сè до последниот момент инсистирала на организирање средба со севернокорејскиот лидер Ким Џонг Ун.

Ким Јонг Ун поставил услови за средба со Трамп?!

Сепак, тоа не се случи, изјави денес официјален претставник запознаен со преговорите.

Според официјални лица, двете земји ја разгледувале можноста за лична средба меѓу Трамп и Ким Џонг Ун, но Северна Кореја поставила услови што биле неприфатливи за САД, пренесува „Волстрит џурнал“.

Официјалниот претставник не наведе какви услови побарала Северна Кореја. Од друга страна, претставник на администрацијата на Трамп ги демантираше извештаите дека имало обиди за организирање средба со севернокорејскиот лидер.

Белата куќа, исто така, соопшти дека нема промена во нејзиниот постоечки став во однос на денуклеаризацијата на Северна Кореја. Кон средината на ноември, Трамп учествуваше на самитот на Асоцијацијата на нациите од Југоисточна Азија (АСЕАН) во Манила, како и на самитот на Азиско-пацифичката економска соработка (АПЕК) во Шенжен, Кина, каде што одржа историска трилатерална средба со кинескиот претседател Си Џинпинг и рускиот претседател Владимир Путин.

Обидите на администрацијата на Трамп да организира самит меѓу Северна Кореја и САД продолжуваат уште од минатата година, при што Трамп се обидел да стапи во контакт со Ким Џонг Ун преку постоечките телефонски мрежи и комуникациски канали, но никој не одговорил.

Потоа, Трамп му напишал писмо на севернокорејскиот лидер, но тоа не му било соодветно врачено. Според официјални лица, претставници на Белата куќа испратиле курир пред мисијата на Северна Кореја при Обединетите нации во Менхетен, Њујорк, за да му го предаде писмото директно на некој севернокорејски дипломат; сепак, дипломатот подоцна го оставил неотвореното писмо пред американскиот претставник во салата за состаноци на ОН.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер