Свет

ЕУ воведува нови рестриктивни мерки против Белорусија

Европскиот совет денеска усвои рестриктивни мерки насочени кон белоруската економија, поради вмешаноста на белорускиот режим во воените операции на Русија против Украина.

Овие општи мерки имаат за цел да потврдат неколку рестриктивни мерки кои се веќе во сила против Русија и да се справат со прашањето за заобиколување на санкциите поради високата интеграција меѓу руската и белоруската економија, соопшти Европскиот совет.

Мерките што беа договорени денеска ќе влијаат на различни сфери на белоруската економија, како што се трговијата, транспортот и услужниот сектор, се наведува во соопштението за печатот објавено на веб-страницата на Советот на ЕУ.

Конкретно, новите ограничувања забрануваат увоз на злато, дијаманти, хелиум, јаглен и минерални производи, како и сурова нафта од Белорусија во ЕУ. Исто така, ќе запре и транзитот на стоки и технологија со двојна намена низ постсоветската република.

ЕУ го продолжи ограничувањето за превоз на стоки со патен транспорт, вклучувајќи приколки и полуприколки регистрирани во Белорусија. /МИА

Свет

Турција одбила да се приземји авион од Израел- сакале итно да слетаат поради болен патник

Авион на израелската авиокомпанија Ел Алџет, на пат од Варшава кон Тел Авив, принудно слетал во Анталија, Турција, поради здравствен проблем на еден патник.

По кратка консултација со докторот, одлучено е авионот да се приземји во Анталија, што наводно Турците го одбиле.

Според податоците на Flight Radar, авионот бил пренасочен кон Родос за да наполни гориво, пренесува Bild.

Од почетокот на војната против Хамас, откажани се сите директни летови од Израел до Турција.

Турција во мај објави дека ќе го запре целиот извоз и увоз од Израел најрано до 26 октомври 2024 година.

Инаку, турската авиокомпанија беше една од водечките во Израел по број на патници, но од 10 октомври ги откажа своите операции во таа земја.

Македонија

Средба на министерот Тошковски со американската амбасадорка Агелер

Министерството за внатрешни работи во следниот период ќе биде фокусирано na борбата против организираниот криминал и корупцијата, како приоритет што е еден од главните столбови на владината програма.

Министерството за внатрешни работи во следниот период ќе биде фокусирано na борбата против организираниот криминал и корупцијата, како приоритет што е еден од главните столбови на владината програма, истакна министерот Панче Тошковски на денешната работна средба со амбасадорката на Соединетите Американски Држави, Анџела Агелер.

Тој изрази благодарност за поддршката што Владата на Соединетите Американски Држави постојано и ја дава на земјава, конкретно на Министерството за внатрешни работи во јакнење на капацитетите и сите процеси кои се спроведуваат преку проектите наменети за полицијата, со акцент на обуки на персоналот и набавка на опрема.

Амбасадорката Агелер му се заблагодари на министерот Тошковски за континуираната одлична соработка на двете држави во повеќе сфери од општествениот живот, пренесувајќи ја заложбата на американската амбасада и Владата на САД за поддршка и соработка и во наредниот период.

Македонија

Со два хеликоптера на МВР е изгаснат пожарот во крушевско (ВИДЕО)

Два хеликоптера од Одделот за воздухопловни единици, денеска го изгаснаа шумскиот пожар кој попладнево изби во атарот на крушевското село Пуста Река, информираат од МВР.

- По добиено барање од ЦУК, на пожарот двата хеликоптера исфрлија над 40 тона вода и во координација со пожарникарите, пожарот е целосно изгаснат, соопштија од полицијата.

притисни ентер