ЕУ очекува целосно нов Кривичен законик - Канал 5

Македонија

ЕУ очекува целосно нов Кривичен законик

Потребен е нов Кривичен законик усогласен со европското законодавство и реформа во правосудството кои се од пресудна важност, а за кои сите политички и судски актери треба да дејствуваат како еден, порача евроамбасадорот Михалис Рокас .

ЕУ очекува целосно нов Кривичен законик

Потребен е нов Кривичен законик усогласен со европското законодавство и реформа во правосудството кои се од пресудна важност, а за кои сите политички и судски актери треба да дејствуваат како еден, порача евроамбасадорот Михалис Рокас на денешната дебата за очекувањата од новите измени на КЗ кои влегоа во собраниска процедура. Неказнивоста мора да заврши, потребни се независни истраги и судски постапки против висока корупција, злоупотреби на функции и јавни набаки, а последиците од измените на КЗ во 2023-та мора да се корегираат, кажа Рокас.

-Бевме вчудоневидени кога видовме дека покрај штетата што овие измени ја направија иако лидерите на партиите рекоа дека тоа е грешка но толку време помина, речиси, две години, оттогаш ниту Владата, ниту Парламентот презедоа било какви мерки. И покрај фактот што беа поканети од Уставниот суд во март да ги преиспитаат тие одредби. Од наша страна, ЕК препорачува дека Македонија треба да донесе нов Кривичен законик којшто ќе биде усогласен со европското законодавство и светските стандарди, изјави Рокас.

Претседателот на Уставниот суд Дарко Костадиновски е задоволен што Собранието ја испочитувало нивната одлука во рокот од шест месеци да ги стави новите измени на КЗ во редовна постапка. Сега на потег е Собранието, а додека новите измени не бидат донесени, Уставен нема да ја коментира нивната содржина, посочи тој.

-Тој закон направи непоправлива штета на нашиот уставно-правен поредок. Бевме одговорни им дадовме рок од шест месеци. Тој рок го продолживме за уште неколку месеци и конечно во Парлементот стигнаа односно на некој начин Парламентот постапи во согласност со нашата одлука. Предложените измени сега во моментот се ставени во редовна постапка, тоа беше дел од нашата суштина. Ние ќе треба да слушнеме експертска, стручна дебата, треба да видиме пратениците дали повторно ќе штитат некого или ќе го артикулираат интересот на сопстевните граѓани, изјави Костадиновски.

Сепак, дел од експертите и обвинителите не се оптимисти дека предложените мови измени на КЗ ќе дадат некакви особени резултати во борбата против криминалот и корупцијата.

-Очекувам од Уставниот суд посебно кога постојат индиции дека овие измени од далеку се гледа дека се дадени про форма само за да се задоволи нешто за да се купи време, за да с еизигра собраниската процедура, дајте да направиме надвор од оние рамки за да воспоставиме конечно ред и дисциплина во државата, кажа обвинителката Ленче Ристовска.

Универзитетскиот професор Денис Прешова смета дека Уставен требало да оди со порадикална одлука и да донесе поништувачка одлука.

-Уште поспорно според мене е дали навистина овие одредби што сега се предложени се идентични и се позајмени од тоа што е дел од поголемиот пакет од новиот КЗ. Доколку не е така тогаш е проблематично. Уште една работа не заборавајте дека и да ги донесат новите измени за делата кои се сторени во овој период ќе важат претходните измени. Затоа јас сметам дека е исправно да се оди на едно порадикално решение, изјави професор Денис Прешова.

Новите законски измени за КЗ засега не се знае кога ќе се најдат на дневен ред во Собранието. Паралелно, министерството за правда подготвува нов Кривичен законик кој во моментов се усогласува со четири нови ЕУ директиви.

YouTube video

Тагови: кривичен законик

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кевин Костнер „уловен“ со 31 години помлада девојка

Нова романса на повидок, холивудски актер виден со жена помлада од него за 31 година

Кевин Костнер „уловен“ со 31 години помлада девојка

Холивудската ѕвезда, актерот Кевин Костнер поттикна гласини за романса откако е фотографиран со 40-годишната Џенифер Милбурн.

71 годишниот Кевин Костнер предизвика нови гласини за романса откако беше фотографиран со Џенифер Милбурн (40), животен тренер од Колорадо.

Ѕвездата на филмот „Танц со волците“ е фотографиран со Милбурн во Санта Барбара, Калифорнија, а според „Дејли мејл“, тие изгледале многу блиски.

Костнер и Милбурн биле забележани и во локалниот супермаркет „Албертсонс“, каде што, според очевидци, купувале житарици, сок од грејпфрут, стекови и зеленчук.

Милбурн потекнува од Аспен, Колорадо, каде што Костнер го поседува пространиот ранч „Данбар“. Кога новинарите стапиле во контакт со неа и ја прашале дали е во врска со актерот, таа наводно го прекинала разговорот.

По разводот од Кристин Баумгартнер во 2023 година – по 18 години брак – актерот постојано се поврзуваше со други жени.

Во 2024 година се појавија гласини дека е во врска со Џенифер Лопез, откако двајцата беа забележани заедно во продавницата „Кемо Сабе“ (Kemo Sabe) во Аспен; сепак, се покажа дека нивната средба немала романтичен карактер.

Подоцна, во 2025 година, Костнер беше поврзуван со Кели Нунан Горс, поранешната сопруга на милијардерот Алек Горс. Во тоа време, извор изјави за „Ас викли“ (Us Weekly) дека тие уживаат во приватна и неформална врска.

Тагови: Кевин Костнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Моќна Барселона – најдобриот старт во историјата на клубот

Фудбалерите на шпанскиот шампион Барселона блескаат на почетокот на новата сезона и имаат седум победи на исто толку натпревари.

Моќна Барселона – најдобриот старт во историјата на клубот

Гигантот од Ноу Камп, врза шест победи во Ла Лига и забележа уште една во Лигата на шампионите.

Досега, најдобрите учиноци беа остварени во сезоните 1929/30, 1960/61 и 2018/19, кога Каталонците забележаа шест победи по ред.

Овие седум победи под водство на Ханси Флик ѝ овозможија на Барселона да стекне убедлива предност во Ла Лига, со три бода предност пред Реал Мадрид.

Тие исто така поставија рекордни бројки во однос на постигнатите голови – 33 на седум натпревари, што претставува просек од пет гола по натпревар.

Тимот постигна „само“ два гола на натпреварот против Билбао, четири против Леванте, по пет против Елче, Рајо, Валенсија и Фејенорд, па дури и седум против Расинг.

Во моментотв Барса е и единствениот тим без пораз во Ла Лига по првите шест кола. До поразот од Севиља во средата, таков учинок имаше и Депортиво.

Тагови: БАРСЕЛОНА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Скопје или див запад? (ВИДЕО)

Деца јаваат коњ на улица Скупи во Скопје, и во еден момент едно од децата паѓа.

Скопје или див запад? (ВИДЕО)

На социјалната мрежа Фејсбук е објавена видеоснимка на која се гледаат малолетни деца како јаваат коњ по фреквентна улица, без надзор од возрасно лице и без соодветна безбедносна опрема.

На снимката се забележува и момент во кој едно од децата паѓа од коњот. Засега нема информации за состојбата на детето, ниту дали при падот се здобило со посериозни повреди.

Случајот отвора прашања за безбедноста на децата и одговорноста на возрасните, особено имајќи предвид дека станува збор за улица на која се одвива јавен сообраќај.

Дополнително, се поставува прашањето дали ваквото однесување претставува сериозен ризик за учесниците во сообраќајот и кој би сносел одговорност доколку дојде до сообраќајна несреќа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер