ЕУ ги прошири санкциите кон Русија и Белорусија поради хибридни активности - Канал 5

Свет

ЕУ ги прошири санкциите кон Русија и Белорусија поради хибридни активности

Советот на ЕУ денеска донесе одлука за додавање на уште 12 поединци и два субјекти на листата на санкционирани поради поврзаност со манипулација со информации и кибернапади од страна на Русија.

ЕУ ги прошири санкциите кон Русија и Белорусија поради хибридни активности

Советот на ЕУ денеска донесе одлука за додавање на уште 12 поединци и два субјекти на листата на санкционирани поради поврзаност со манипулација со информации и кибернапади од страна на Русија, како и за проширување на опсегот на режимот на казнени мерки против Белорусија, со што се опфаќаат и нејзините хибридни активности против земјите членки на ЕУ.

Советот реши на листата на санкционирани поради активности поврзани со манипулација со информации, странско мешање и злонамерни кибер активности од страна на Русија против ЕУ и нејзините земји членки и партнери, да бидат вклучени неколку надворешно-политички аналитичари ангажирани во институции, тинк-тенкови и универзитети тесно поврзани со Кремљ, како и влијателни лица кои промовираат проруска пропаганда, теории на заговор за руската инвазија на Украина и антиукраински и анти-НАТО наративи. Дел од овие лица се поранешни воени или полициски офицери од Западна Европа.

Исто така, санкции се воведени и кон организацијата Меѓународно движење на русофилите, поради глобално ширење на дестабилизирачки наративи во име на руската Влада, како и кон 142-от Баталјон за електронско војување со седиште во Калининград, кој е одговорен за попречување на системите за комуникација и електронски напади поврзани со неодамнешните случаи на дефекти на ГПС сигналот во неколку земји членки на ЕУ.

На листата се додадени и членови на одделите за кибер активности на руската воена разузнавачка агенција ГРУ, вклучени во онлајн напади врз украински владини организации и упади во системи на земјите членки на ЕУ и сојузниците на НАТО, со цел прибирање чувствителни информации и дестабилизирање на нивната политичка ситуација.

Со денешната одлука на оваа листа на санкционирани поради дестабилизирачките активности на Русија сега се наоѓаат вкупно 59 физички лица и 17 субјекти.

Советот на ЕУ, дополнително го прошири и обемот на режимот на санкции кон Белорусија, со овозможување за воведување казнени мерки кон поединци, субјекти или тела вклучени или поврзани со белоруските активности за поткопување или загрозување на демократијата, владеењето на правото, стабилноста или безбедноста на ЕУ и нејзините земји членки.

Конкретен повод за оваа одлука се неодамнешните упади на метеоролошки балони од Белорусија во воздушниот простор на Литванија.

Со ова се овозможува воведување санкции кон оние кои планираат, насочуваат, поддржуваат или олеснуваат манипулација со информации и странско мешање, активности насочени против демократските институции, економските активности или услугите од јавен интерес на ЕУ и нејзините земји членки, како и неовластени упади на територијата на блокот и оштетување или уништување на критичната инфраструктура.

Покрај ова, Советот реши и да ја продолжи важноста до 10 јануари 2027 година на санкциите против Венецуела воведени поради поткопување на демократијата и владеењето на правото, континуираните кршења на човековите права и репресијата.

На санкционираните им се замрзнати средствата во ЕУ, а на граѓани и компании од блокот им е забрането да им ставаат на располагање средства, финансии или други економски ресурси. Дополнително на санкционираните физички лица им е забрането патување, влез или транзит низ територијата на ЕУ.

Тагови: ЕУ русија санкции

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кевин Костнер „уловен“ со 31 години помлада девојка

Нова романса на повидок, холивудски актер виден со жена помлада од него за 31 година

Кевин Костнер „уловен“ со 31 години помлада девојка

Холивудската ѕвезда, актерот Кевин Костнер поттикна гласини за романса откако е фотографиран со 40-годишната Џенифер Милбурн.

71 годишниот Кевин Костнер предизвика нови гласини за романса откако беше фотографиран со Џенифер Милбурн (40), животен тренер од Колорадо.

Ѕвездата на филмот „Танц со волците“ е фотографиран со Милбурн во Санта Барбара, Калифорнија, а според „Дејли мејл“, тие изгледале многу блиски.

Костнер и Милбурн биле забележани и во локалниот супермаркет „Албертсонс“, каде што, според очевидци, купувале житарици, сок од грејпфрут, стекови и зеленчук.

Милбурн потекнува од Аспен, Колорадо, каде што Костнер го поседува пространиот ранч „Данбар“. Кога новинарите стапиле во контакт со неа и ја прашале дали е во врска со актерот, таа наводно го прекинала разговорот.

По разводот од Кристин Баумгартнер во 2023 година – по 18 години брак – актерот постојано се поврзуваше со други жени.

Во 2024 година се појавија гласини дека е во врска со Џенифер Лопез, откако двајцата беа забележани заедно во продавницата „Кемо Сабе“ (Kemo Sabe) во Аспен; сепак, се покажа дека нивната средба немала романтичен карактер.

Подоцна, во 2025 година, Костнер беше поврзуван со Кели Нунан Горс, поранешната сопруга на милијардерот Алек Горс. Во тоа време, извор изјави за „Ас викли“ (Us Weekly) дека тие уживаат во приватна и неформална врска.

Тагови: Кевин Костнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Моќна Барселона – најдобриот старт во историјата на клубот

Фудбалерите на шпанскиот шампион Барселона блескаат на почетокот на новата сезона и имаат седум победи на исто толку натпревари.

Моќна Барселона – најдобриот старт во историјата на клубот

Гигантот од Ноу Камп, врза шест победи во Ла Лига и забележа уште една во Лигата на шампионите.

Досега, најдобрите учиноци беа остварени во сезоните 1929/30, 1960/61 и 2018/19, кога Каталонците забележаа шест победи по ред.

Овие седум победи под водство на Ханси Флик ѝ овозможија на Барселона да стекне убедлива предност во Ла Лига, со три бода предност пред Реал Мадрид.

Тие исто така поставија рекордни бројки во однос на постигнатите голови – 33 на седум натпревари, што претставува просек од пет гола по натпревар.

Тимот постигна „само“ два гола на натпреварот против Билбао, четири против Леванте, по пет против Елче, Рајо, Валенсија и Фејенорд, па дури и седум против Расинг.

Во моментотв Барса е и единствениот тим без пораз во Ла Лига по првите шест кола. До поразот од Севиља во средата, таков учинок имаше и Депортиво.

Тагови: БАРСЕЛОНА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Скопје или див запад? (ВИДЕО)

Деца јаваат коњ на улица Скупи во Скопје, и во еден момент едно од децата паѓа.

Скопје или див запад? (ВИДЕО)

На социјалната мрежа Фејсбук е објавена видеоснимка на која се гледаат малолетни деца како јаваат коњ по фреквентна улица, без надзор од возрасно лице и без соодветна безбедносна опрема.

На снимката се забележува и момент во кој едно од децата паѓа од коњот. Засега нема информации за состојбата на детето, ниту дали при падот се здобило со посериозни повреди.

Случајот отвора прашања за безбедноста на децата и одговорноста на возрасните, особено имајќи предвид дека станува збор за улица на која се одвива јавен сообраќај.

Дополнително, се поставува прашањето дали ваквото однесување претставува сериозен ризик за учесниците во сообраќајот и кој би сносел одговорност доколку дојде до сообраќајна несреќа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер