Есенска чорба која ја грее душата, го зајакнува имунитетот и ја враќа енергијата, а готова е за 30 минути! - Канал 5

Рецепти

Есенска чорба која ја грее душата, го зајакнува имунитетот и ја враќа енергијата, а готова е за 30 минути!

Доволни се три состојки да направите здрав и вкусен оброк по напорниот ден.

Есенска чорба која ја грее душата, го зајакнува имунитетот и ја враќа енергијата, а готова е за 30 минути!

Во динамичното време во кое живееме, оваа чорба нè потсетува дека најубавите нешта се токму едноставните. Потребен ви е еден сад и неколку состојки за домот да ви замириса на есенска чорба која ја враќа насмевката и ја грее душата.

Она што оваа есенска чорба ја прави особено вредна е нејзиното богатство на хранливи материи важни за зајакнување на имунитетот.

Тиквата е вистински сојузник на имунитетот, содржи изобилство на бета-каротен кој во организмот се претвора витамин А, важен за зачувување на видот и здравјето на кожата. Освен тоа, таа е богата со антиоксиданси и нискокалорична, што ја прави идеален избор за лесен и хранлив оброк.

Морковот, исто така, изобилува со бета-каротен и растителни влакна. Познат е по своето благотворно дејство на кожата и видот, но и по тоа што го подобрува варењето.

Компирот, освен што на чорбата ѝ дава кремава текстура, богат е со драгоцени витамини и минерали како витамин Ц, Б6 и калиум, кои се важни за нивото на енергија и рамнотежа во организмот.

Овие состојки не само што даваат ситост, туку се вистинска хранлива бомба која го зајакнува имунитетот, го подобрува варењето и му помага на телото да се избори со воспаленијата, што е особено важно во преодниот есенски период, кога дополнителната заштита ни е најпотребна.

Состојки:

400 г. тиква (излупена и исечена на коцки)

2 моркова

3 средни компири

1 кромид

2 чешниња лук

1 лажица маслиново масло или путер

1 литар бујон

сол и бибер по вкус

прстофат мускатно оревче

1 лажиче ѓумбир (свеж или во прав, по желба)

Подготовка:

Излупете ја и исечете ја тиквата, морковите и кромидот. Лукот ситно исечкајте го. Во сад загрејте го маслото или путерот. Додајте го кромидот, лукот и динстајте 2-3 минути додека не омекне. Ставете го и морковот, компирот и тиквата. Кратко пропржете ги заедно за зеленчукот да пушти мирис. Истурете го бујонот, додајте зачини (сол, бибер, ѓумбир, мускатно оревче). Покријте го садот и варете на средна температура околу 20-25 мин., додека не омекнат состојките.

Тргнете го садот од оган и иситнете ги состојките со рачен миксер додека чорбата не добие кремаста структура. По желба додајте уште малку вода ако чорбата е прегуста, а потоа ставете си во чинија и додајте лажица павлака или грчки јогурт, наросете со семки од тиква и магдонос.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Принцови, принцези, актери, пејачи... Познати личности на финалето на Вимблдон

Финалето на Вимблдон во недела попладне привлече голем број холивудски ѕвезди и британски познати личности од А-листата.

Принцови, принцези, актери, пејачи... Познати личности на финалето на Вимблдон

Сите очи беа насочени кон Централниот терен, каде што Италијанецот Јаник Синер и Германецот Александар Зверев се соочија во напнат судир.

Кралското семејство во преден план

Меѓу многуте познати лица, особено се издвои принцезата од Велс, која блескаше во елегантен зелен фустан.

Таа пристигна на Вимблдон придружувана од своето семејство. Кејт беше придружувана од принцот Вилијам, принцезата Шарлот и принцот Џорџ, додека најмладиот син, принцот Луис, беше отсутен. Принцезата не ја симна насмевката од лицето, навидум невознемирена од моменталниот топлотен бран, додека принцот Џорџ се разладуваше во Кралската ложа со преносен вентилатор.

Принцезата, исто така, го носеше својот „брош Вимблдон“ во препознатливите бои на турнирот.

Мноштво познати лица

На кралското семејство во престижната ложа му се придружија и мноштво други ѕвезди. Актерката Никол Кидман (59) изгледаше шик облечена во бело одело, придружувана од Дама Ана Винтур. Сиена Милер (44) исто така беше видена во Кралската ложа во убав мини-фустан, додека актерите Бен Стилер и Рами Малек се прегрнаа топло по пристигнувањето. Поп-сензацијата Џенифер Лопез (56) ги пленеше погледите во тесна беж-фустан, која го дополни со елегантна шапка и високи потпетици.

Меѓу гламурозните гости беа водителката Тес Дејли (57) со нејзината ќерка Фиби (21), актерките Дејзи Едгар-Џонс (28), Лили Колинс (37) и Мариса Абела, легендарната Твиги (76) и Ники Хилтон (42). Актерот Том Хидлстон (45) избра стилски морнарски костум, Ендру Гарфилд бел костум од Ралф Лорен, а ѕвездата на „Adolescence“ Стивен Греам пристигна со сопругата Хана Волтерс.

Извор: Индекс.хр

Фото: Инстаграм

Тагови: Вимблдон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„BYD“ подготвува нов „ѕвер“ - ќе чини околу 40.000 евра

„BYD“ подготвува нов луксузен седан „Da Han“, кој ќе им се нуди на клиентите како целосно електричен модел или „plug-in“ хибрид.

„BYD“ подготвува нов „ѕвер“ - ќе чини околу 40.000 евра

Станува збор за автомобил кој користи иста платформа како и теренецот „Da Tang (Great Tang)“, и носи импресивни перформанси и многу брзо полнење на батеријата.

Електричната верзија добива батерија „Blade“ од втора генерација, која, според производителот, овозможува полнење од 10 до 97 проценти за само девет минути. Моделот ќе има управување на задните тркала, како и активна суспензија.

Со должина што е 6,6 сантиметри подолга од стандардниот „Mercedes-Benz S-Class“, „Da Han“ е меѓу најголемите луксузни седани на пазарот.

Основната електрична верзија користи еден електричен мотор сместен на задната оска кој развива 496 КС (370 kW), додека помоќната варијанта со погон на сите тркала има вкупна моќност од дури 764 КС (570 kW).

„BYD“ сè уште не го објави капацитетот на батеријата на електричната верзија, но наведува дека моделот со погон на задните тркала може да помине до 1.008 километри според кинескиот циклус на мерење „CLTC“.

Верзијата со погон на сите тркала има деклариран опсег од 880 километри. Треба да се напомене дека стандардот „CLTC“ дава пооптимистички резултати во споредба со европскиот „WLTP“ циклус.

„Plug-in“ хибридот користи 1,5-литарски турбо бензински мотор со 154 КС во комбинација со електричен мотор со 268 КС. Благодарение на „LFP“ батеријата со капацитет од 54 kWh, овој модел може да помине до 470 километри само на електрична енергија според кинеските мерења.

Според првичните информации, „BYD Da Han“ треба да има почетна цена од околу 41.000 евра.

Извор: Б92

Тагови: BYD

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Белата куќа повеќе нема да биде безбедна за Трамп“

Иранскиот пратеник Алаедин Боруџерди, член на Комитетот за национална безбедност на парламентот, изјави дека Белата куќа „веќе нема да биде безбедна“ за американскиот претседател Доналд Трамп.

„Белата куќа повеќе нема да биде безбедна за Трамп“

Боруџерди нагласи дека одмаздата за атентатот врз поранешниот врховен лидер Али Хамнеи станала „обврска“ за неговите следбеници и „сите слободни луѓе низ целиот свет“.

Тој додаде дека Трамп, израелскиот премиер Бенјамин Нетанјаху и „нивните агенти“ треба да очекуваат „слободните луѓе на светот да ја донесат раката на божествената одмазда“, додавајќи дека „ниту едно место во светот, дури ни Белата куќа, нема да биде безбедно“ за нив.

Тој исто така рече дека одмаздата станала „глобално движење“ наместо „ограничен одговор“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер