ЕСА планира мисија за средба со Апофис во 2029 година- потпишани се договори од 90 милиони евра - Канал 5

Технологија

ЕСА планира мисија за средба со Апофис во 2029 година- потпишани се договори од 90 милиони евра

Европската вселенска агенција (ESA) потпиша договор со OHB Italia за развој на мисијата RAMSES (Брза мисија до Апофис за вселенска безбедност).

ЕСА планира мисија за средба со Апофис во 2029 година- потпишани се договори од 90 милиони евра

Мисијата ќе биде лансирана во 2028 година и ќе се сретне со астероидот Апофис пред неговото блиско приближување кон Земјата. Таа треба да обезбеди уникатни сознанија за својствата и однесувањето на астероидите, но исто така и да го зајакне капацитетот на Европа за планетарна одбрана.

Договорот од 81,2 милиони евра беше потпишан од ESA и OHB Italia во технолошкиот центар ESTEC на ESA во Холандија, со што официјално започна фазата на изградба, склопување и тестирање на вселенското летало RAMSES, соопшти ESA.

Ова следи по договорот потпишан во октомври 2024 година за почеток на подготвителните работи, со што вкупната вредност на мисијата ќе достигне околу 150 милиони евра.

„Со RAMSES, ESA ја зграпчува единствената можност во животот да го проучи астероидот Апофис додека лета покрај Земјата, продлабочувајќи го нашето разбирање за објектите во близина на Земјата и подобрувајќи ја нашата способност да ја заштитиме планетата“, рече Орсон Сатерленд, раководител на групата за проектот „Марс и пошироко“ на ESA, додавајќи: „Мисијата ја демонстрира извонредноста на европската индустрија и нашата посветеност на меѓународната соработка, истовремено поместувајќи ги границите на роботизираното истражување на вселената и инспирирајќи ги луѓето ширум светот.“

„Горди сме што ESA ни ја довери мисијата Рамзес“, рече Роберто Акети, извршен директор на OHB Italia. Со вклучувањето на OHB, мисијата RAMSES го користи богатството на искуство стекнато низ цела Европа за време на изградбата на Хера, првата мисија за планетарна одбрана на ESA, која ќе стигне до бинарниот астероиден систем Дидимос подоцна оваа година. Како и Хера, Рамзес ќе носи два сателити за поддршка (CubeSats) развиени од европската индустрија, дизајнирани да го прошират научниот дострел на мисијата надвор од Апофис.“

Втор договор вреден 8,2 милиони евра беше потпишан со италијанската компанија Tyvak International за изградба на еден од сателитите CubeSat, именуван Фаринела по италијанскиот планетарен научник Паоло Фаринела. Како и со главното вселенско летало Рамзес, ова е продолжение на претходниот договор од 4,7 милиони евра доделен за подготвителна работа минатата година.

Мисијата RAMSES, исто така, вклучува експертиза од надвор од Европа. Тоа е заедничка мисија помеѓу EСА и Јапонската агенција за истражување на вселената (JAXA). Придонесите на JAXA вклучуваат компоненти на вселенско летало како што се соларни панели и термална инфрацрвена камера, со потенцијално заедничко лансирање со мисијата Destiny+ на JAXA. Јапонските истражувачи исто така учествуваат во научните активности на мисијата.

Рамзес ќе се сретне со астероидот 99942 Апофис пред неговото неверојатно ретко и научно вредно прелетување покрај Земјата на 13 април 2029 година. Настанот ќе го донесе објектот широк 375 метри на растојание од околу 32.000 километри од нашата планета – помалку од една десетина од растојанието помеѓу Земјата и Месечината.

Научниците од целиот свет со нетрпение очекуваат да видат како обликот, ротацијата и структурата на астероидот ќе реагираат на гравитационите сили на Земјата за време на оваа ретка, но целосно безбедна средба. Сознанијата добиени од овој природен експеримент ќе го унапредат нашето разбирање за тоа како се однесуваат објектите во близина на Земјата под влијание на надворешни сили.

Тагови: мисија ЕСА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

МЗ: Ставен во функција еден од компјутерските томографи на Универзитетскиот институт за радиологија – Скопје

Министерството за здравство информира дека почнувајќи од денес е ставен во функција еден од компјутерските томографи на  Универзитетскиот институт за радиологија – Скопје и е достапен за извршување дијагностички прегледи.

МЗ: Ставен во функција еден од компјутерските томографи на Универзитетскиот институт за радиологија – Скопје

Со цел навремено обезбедување на здравствените услуги, Институтот започна со организирано повикување и закажување нови термини за сите пациенти чии прегледи беа привремено презакажани поради настанатата состојба.

За таа цел, организирана е работа во две смени, како и дополнителна работа во текот на претстојниот викенд, со цел во најкраток рок да се реализираат прегледите, согласно расположливите капацитети и утврдените медицински приоритети.

Во однос на компјутерскиот томограф, лоциран во хируршкиот комплекс и наменет првенствено за дијагностичка обработка на итни пациенти, сервисната постапка се уште е во тек и се очекува да заврши во најскоро време. Постапувањето со итните пациенти продолжува согласно воспоставената меѓуинституционална координација и организација за обезбедување континуитет на неопходните дијагностички услуги, односно итните пациенти се згрижуваат во ГОБ „8 Септември“ и Хируршката клиника „Св. Наум Охридски“ во Скопје.

Апелираме во јавноста да не се изнесуваат непроверени информации, со цел да не се нарушува довербата во здравствениот систем.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче ја прозва Петровска за криминал од 37 милиони евра и со тоа јавно потврди за криминалното владеење на СДС со државата

Филипче ја прозва Петровска за криминал од 37 милиони евра и со тоа јавно потврди за криминалното владеење на СДС со државата, Филипче нека даде одговори и за скандалите поврзани со него .

ВМРО-ДПМНЕ: Филипче ја прозва Петровска за криминал од 37 милиони евра и со тоа јавно потврди за криминалното владеење на СДС со државата

Венко Филипче дури откако почнаа внатрепартиските пресметки проговори за криминалот во СДС и конкретно ја прозва Славјанка Петровска во врска со наводите околу набавката на хеликоптери и договор за кој, според Филипче постоела разлика од дури 37 милиони евра.

Филипче со објавувањето на овој скандал јавно потврди за корупцијата и криминалното владеење на СДС.

Филипче почна да зборува за истрага и кривични дела, расфрла пердуви за криминал од 37 милиони евра и сега молчи и се крие.

Кога веќе Филипче почна да говори за криминалот и скандалите во СДС нека даде одговор и за тоа како добил златна виза за Дубаи, како добил автомобил од фирма која добива тендер за ископ на јаглен, треба да каже како менуваа ДУП во Дојран за изградба на фотоволтаична централа на фирма на неговиот брат и на братот на Заев.

Јавноста очекува одговори и за наводите што се појавуваат во јавноста за овие скандали.

Ако Филипче навистина сака да се бори против корупцијата, тогаш нека важи истото правило за сите и за политичките противници, и за неговите најблиски соработници, и за него самиот.

Затоа Филипче, ако почна да зборува за криминал и корупција во СДС нека бара истрага до крај. Филипче нека биде транспарентен и неселективен до крај.

Ако Филипче нема што да крие, тогаш нека одговори на сите прашања што јавноста со години ги поставува. Доста е со селективна транспарентност. Јавноста заслужува целосни одговори.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Арамијата Христијан повторно ѝ се заканува на СДСМ, стравот му влезе во коски

Во Брвеница синоќа не зборуваше премиер. Зборуваше човек што губи.

СДСМ: Арамијата Христијан повторно ѝ се заканува на СДСМ, стравот му влезе во коски

Паѓа ВМРО. Паѓа тој. Народот им ја зема довербата.

Паниката има име: Лаура Ковеши. Европско обвинителство. Истрага што не застанува пред презиме, функција и партиска книшка.

Сам призна дека води војна против СДСМ. Не против криминалот туку против единствената опозиција што го именува.

Војната ја води со цела екипа. Со Вучиќ, со Орбан, со нивните медиуми, со таканаречените новинари и лажни аналитичари. Ја води со Русија, со играчи на БИА, со Латас, со Ивона.

Со луѓе без морал. Со тендер-патриотите од ЗНАМ. Со руската Левица, анти-ЕУ, анти-НАТО, анти-Америка, што не влезе во салата и не гласаше за минимална плата од 600 евра. Ја води со Платформата, ЗНАМ 2.0, за 1,6 милиони.

Сателити. На далечинско. Не со народ.

Луксуз-патриоти со бугарски пасоши. „Институција“ со часовници од 60.000 евра и костим од 10.000. Народот нема за храна, нема за сметка. Тој има за се. Затоа таков говор во Брвеница и закана за втор круг.

Христијане. Ќе одговараш. Ти и целата банда. И тоа го знаеш. Затоа врескаш.

Затоа ти треба алиби. Затоа ти треба сателит, не глас.

СДСМ, заедно со народот, ќе ја врати власта во рацете на народот. Вистината стигна. Правдата доаѓа.

За Организираната криминална група ВМРО-ОКГ нема втор круг. Има прв круг - одговорност.

Скопје, 09.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер