Ерменскиот премиер му понуди на врховниот патријарх да му го покаже половиот орган, го обвини дека има тајно дете - Канал 5

Свет

Ерменскиот премиер му понуди на врховниот патријарх да му го покаже половиот орган, го обвини дека има тајно дете

„Врховниот патријарх тајно има дете и мора да се повлече“, а „премиерот е предавник на својата држава и исто така мора да се повлече“.

Ерменскиот премиер му понуди на врховниот патријарх да му го покаже половиот орган, го обвини дека има тајно дете

Патријархот, верува дека премиерот има обрежан пенис, а вториот го негира тоа и јавно му го нуди својот полов орган на увид на својот противник. Вака изгледаат последните денови во Ерменија, во кои премиерот Никол Пашинјан и Карекин II, Врховниот патријарх-католик на сите Ерменци, започнаа „света војна“, објави Јутарњи.

Всушност - иако моралните и канонските прашања лежат на површината на конфликтот - во неговата суштина е изборот на стратешкиот пат на развој на Ерменија, и се чини дека Католикосот и неговиот тим, ориентирани кон Русија, засега губат, и покрај фактот дека Ерменската апостолска црква (ААЦ) е симбол на национално единство и обединува 92 проценти од сите Ерменци.

Премиерот го обвинува Карекин за кршење на заветот за целибат и духовен пад на Црквата, а во контраофанзива, раководството на ААЦ го обвинува Пашинјан за предавство на националните интереси и кршење на Уставот. Сè започна со говорот на Карекин II на 28 мај на конференција во Швајцарија насловена како „Верска слобода: Зачувување на ерменското духовно, културно и историско наследство во Арцах (ерменското име за Нагорно-Карабах)“.

Католикосот изјави „во име на ерменскиот народ“ дека „Азербејџан, со воена поддршка на Турција, извршил злосторство: Арцах бил окупиран, а неговото ерменско население било целосно протерано“. Тој изостави да спомене дека пред тоа, кога биле посилни, Ерменците ги протерале Азербејџанците таму. Тоа беше шлаканица во лицето на Пашинјан, кој се обидува да избегне нова војна со Азербејџан, свесен дека Ерменија ќе биде поразена.

Затоа Пашинјан веднаш го нападна Карекин и зборуваше за запоставената состојба на ерменските цркви, кои се претвориле во „шкафови што се користат за складирање градежни материјали“. Доколку црквата ја водеше верник, заклучи Пашинјан, таквото сквернавење не би било дозволено.

Го обвини поглаварот на црквата за кршење на целибатот

Кулминацијата на конфликтот се случи на 9 јуни, кога Пашинјан објави дека „Карекин II го прекршил заветот за целибатот што доброволно го зел врз себе и има дете“. Според црковните канони, Карекин не можел да биде епископ, надбискуп, не можел да биде избран и не може да остане католикос. Повикувајќи го католикосот доброволно да поднесе оставка, Пашинјан иницираше создавање координирана група за организирање на повторниот избор на поглаварот на ААЦ, со цел „заштита на духовната чистота на Црквата“.

Врховниот духовен совет на Ерменската апостолска црква одговори со соопштение дека во Ерменија се води „антицрковна кампања“, а изјавите и барањата на шефот на владата го кршат Уставот, „ги газат основните човекови права, ги навредуваат религиозните чувства на верниците и се кријат зад лаги“. Советот смета дека целта на Пашинјан е „да го компромитира гласот на црквата“, која смета дека правата на ерменскиот народ во Карабах се прегазени.

А потоа, во среда, властите го уапсија Баграт Галстанјан, епископ на Ерменската апостолска црква, жесток противник на премиерот Пашинјан. Пред една година, Галстанјан се етаблираше како шеф на опозицијата во земјата, дури успеа да изведе 100.000 луѓе на улиците на Ереван и да ја нападне владата. Политички активниот архиереј помпезно изјави дека е подготвен да го жртвува својот висок ранг „на олтарот на татковината“ и да предводи преодна влада. Тој и антивладините демонстранти побараа оставка од премиерот на земјата, крај на процесот на демаркација со Азербејџан и се спротивставија на префрлањето на некои гранични територии на Баку. Демонстрациите се одржаа од мај до јуни, а потоа продолжија во октомври. Органите за спроведување на законот тврдат дека членовите на движењето предводено од надбискупот ги стекнале „потребните средства и алатки“ за извршување терористички напади и преземање на власта. Тие, исто така, формирале 200 до 250 ударни групи од до 25 лица, составени од поранешни воени и полициски службеници, се вели во соопштението на Истражниот комитет. На својата Фејсбук страница, Никол Пашинјан изјави дека агенциите за спроведување на законот спречиле голем план на „криминалното олигархиско свештенство“ за дестабилизација на ситуацијата во земјата и преземање на власта.

Ерменската апостолска црква е најстарата национална црква во светот, бидејќи Ерменија беше првата земја во светот што го прогласи христијанството за своја официјална религија. Евангелието лично им го донеле на Ерменците светите апостоли, ученици на Исус, Јуда и Тадеј, кои Ерменија ги почитува како свои светци-заштитници. Ерменската црква припаѓа на православниот круг на цркви, но на таканаречените претхалкедонски цркви, кои ги признаваат само првите три општи христијански собори. Тоа се Никејските, Цариградските и Ефеските собори, кои се признати од католичката и сите православни цркви.

„Католикот на сите Ерменци“, чија целосна титула е „Врховен патријарх и католикос на сите Ерменци“, е предводен од Карекин II (вистинско име: Ктриј Нерсесјан), 132-риот католикос од 1999 година.

Премиерот понуди да го покаже полниот орган

Токму нему оваа недела Пашинјан му понуди да ги му го покаже својот полов орган, откако портпаролот на католикосот, Зарех Ашурјан, го обвини на Фејсбук во понеделник дека е обрежан, споредувајќи го со Јуда и имплицирајќи дека не е христијанин.

„Верувам дека нашата Отпадничка Апостолска Црква мора веднаш да се исчисти од оние лажни верници кои се предавници на нацијата, го обесчестиле споменот на своите предци, го прекршиле заветот за крштевање и го замениле печатот на Светиот Крст со знакот на обрежување“, напиша Ашурјан.

Во објава на социјалните мрежи во вторник, Пашинјан повторно му се обрати на Карекин Втори со неговото световно име, велејќи дека е „подготвен да ги угости Ктриџа Нерсисјан и неговиот портпарол Ашуркан и да го докаже спротивното“ кога станува збор за обвинувањата дека бил обрежан.

Постои уште еден лајтмотив во овој конфликт. Додека Пашинјан се обидува да ја оддалечи Ерменија од руското влијание, Ерменската Апостолска Црква е под силно влијание на Руската православна црква речиси еден век. На пример, сегашниот Католикос и многу архиепископи на ААЦ го добиле своето теолошко образование на теолошките академии на Руската православна црква, бидејќи Ерменската црква немала своја академија за време на советската ера.

Тагови: патријарх полов орган

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Евровизија за првпат се одржува во Азија, ќе се натпреваруваат претставници од 11 земји

Евровизија за првпат се одржува во Азија, ќе се натпреваруваат претставници од 11 земји. Во натпреварот ќе учествуваат претставници од Бангладеш, Бутан, Камбоџа, Лаос, Малезија, Монголија, Непал, Филипините, Јужна Кореја, Тајланд и Виетнам.

Евровизија за првпат се одржува во Азија, ќе се натпреваруваат претставници од 11 земји

Најголемиот и најдолготрајниот меѓународен музички натпревар, „Евровизија“, за првпат се проширува на азискиот континент; неговото прво издание ќе се одржи во сабота, 14 ноември, во Бангкок, главниот град на Тајланд, со учество на претставници од 11 земји.

„Евровизија Азија“ се одржува во годината кога „Евровизија“ ја одбележува својата 70-годишнина, што претставува прво големо проширување на овој музички настан на друг континент, пренесува Би-Би-Си (BBC).

На натпреварот ќе учествуваат претставници од Бангладеш, Бутан, Камбоџа, Лаос, Малезија, Монголија, Непал, Филипините, Јужна Кореја, Тајланд и Виетнам.

Организаторите најавија дека изведувачите ќе пеат на десет локални јазици, како и на англиски јазик, со цел да се прикаже јазичната, културната и музичката разновидност на азискиот континент.

Финалето ќе се одржи во „One Bangkok Forum“, а програмата – која ќе трае приближно два и пол часа – ќе започне во 14:30 часот по средноевропско време.

Домаќини на натпреварот ќе бидат тајландските телевизиски личности Вуди Милинтачинда и Синди Бишоп, а меѓу најавените специјални гости се победничката на Евровизија 2026, DARA, како и тајландскиот пејач и актер Џеф Сатур.

Победникот ќе биде одреден преку комбинација од гласовите на стручното жири и публиката, при што секоја од овие групи ќе учествува со 50 отсто во вкупниот резултат.

Гледачите од земјите учеснички нема да можат да гласаат за својот претставник, а процесот на гласање ќе биде отворен и за публиката од остатокот на светот.

Бодувањето ќе се одвива според добро познатиот евровизиски систем, кој вклучува доделување на најмногу 12 поени за најуспешните песни. Натпреварот ќе се емитува бесплатно преку официјалниот YouTube канал на Евровизија.

Тагови: Евровизија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео-фото: Салма Хајек има 60 години и изгледа подобро од кога било.

Жешката Мексиканка, Салма Хајек и на почетокот на седмата деценија од животот воодушевува со својот изглед и природни бујни облини. 

Видео-фото: Салма Хајек има 60 години и изгледа подобро од кога било.

Кога Салма Хајек во раните 1990-ти години пристигнала во Лос Анџелес во Мексико веќе уживала статус на телевизиска ѕвезда. Во Холивуд, сепак, тоа не значеше речиси ништо.

Напротив, раководните лица од филмските студија ѝ рекоа дека е родена во „погрешна земја“, дека нејзиниот акцент ќе ја спречи некогаш да стане главна актерка и дека, штом ќе проговори, ќе ја потсети американската публика на домашните помошнички.

Со текот на годините, Хајек во неколку наврати јавно зборуваше за овие разговори.

На 2 септември таа наполни 60 години. Зад неа се номинација за „Оскар“, значајна холивудска кариера, сопствена продукциска куќа, култни филмови и речиси четири децении во текот на кои таа постојано успеваше да ги надмине очекувањата на филмската индустрија.

Она што е особено интересно е тоа што нејзината приказна сè уште не се претворила во ретроспектива. Само еден ден пред нејзиниот 60-ти роденден, Хајек беше фотографирана во Њу Џерси, на сетот на филмот „Grown Ups 3“, заедно со Адам Сендлер.

Салма Хајек е родена на 2 септември 1966 година во Коацакоалкос, во мексиканската држава Веракруз. На 22-годишна возраст, таа ја добила главната улога во теленовелата „Тереза“, што ја направи едно од најпрепознатливите телевизиски лица во земјата.

Таа можеше сосема комотно да ја продолжи кариерата што веќе ја имаше изградено. Наместо тоа, во 1991 година одлучила да се пресели во Лос Анџелес, иако нејзиниот англиски јазик сè уште не бил доволно добар за работа во американската филмска индустрија. Почнала да посетува часови по јазик и глума, практично почнувајќи од нула.

Јазичната бариера не бил единствениот проблем. Хајек подоцна раскажа дека постојано ѝ велеле оти ниту исклучителниот актерски талент, ниту убавината не можат да го променат фактот дека Холивуд не е подготвен да ѝ додели главна улога – како хероина, адвокатка или деловна жена – на Латиноамериканка со акцент.

Во еден случај, режисерот Иван Рајтман дури не ѝ дозволи ни да оди на аудиција за главната женска улога покрај Харисон Форд во филмот „Шест дена, седум ноќи“, бидејќи ликот не бил замислен како Латиноамериканка. Улогата на крајот ѝ припадна на Ен Хеч.

Хајек уште многу рано сфати уште една работа: филмската индустрија можеби не ја замислувала Мексиканката како главен лик, адвокатка или деловна жена, но ја замислувала како егзотична убавица. Наместо да се преправа дека тој стереотип не постои, таа одлучи да го искористи како влезница.

Подоцна објасни дека свесно усвоила крајно сензуален имиџ, бидејќи тоа бил просторот што Холивуд ѝ го нудел во тоа време, а потоа се обидувала да внесе хумор, интелигенција и карактер во своите улоги, дури и кога сценариото не го барало тоа. Пресвртницата се случи кога Роберт Родригез ја избра за филмот „Десперадо“.

Актерка, продуцентка, режисерка, една од првите големи мексикански ѕвезди во модерниот Холивуд, активистка која со години ја поддржува борбата против насилството врз жените – Салма Хајек изгради кариера многу поширока од онаа што индустријата првично ѝ ја намени.

Денес, заедно со нејзиниот сопруг Франсоа-Анри Пино, таа е вклучена и во иницијативите на фондацијата „Керинг“ (Kering Foundation), која собира средства за организации што се борат против родово заснованото насилство.

Убавина и искуство Па така, можеби најмалку интересниот факт во врска со нејзиниот 60-ти роденден е тоа колку добро изгледа.

Тагови: Салма Хајек

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Златан потрошил девет милиони евра на црква: ѝ ја подарил на својата мајка

Еден од најдобрите светски фудбалери во последните две децении, Швеѓанецот со потекло од Балканот, Златан Ибрахимовиќ во текот на својата кариера, стекна огромно богатство и се здоби со статус на една од најголемите фудбалски ѕвезди.

Златан потрошил девет милиони евра на црква: ѝ ја подарил на својата мајка

Еден од најдобрите светски фудбалери во последните две децении, Швеѓанецот со потекло од Балканот, Златан Ибрахимовиќ во текот на својата кариера, стекна огромно богатство и се здоби со статус на една од најголемите фудбалски ѕвезди, сепак, како што често се истакнува, тој никогаш не го заборави своето тешко детство, ниту семејството кое се соочи со бројни животни предизвици.

Неговата мајка, Јурка Гравиќ, зазема посебно место во неговиот живот. Според медиумските извештаи, Златан ѝ подарил нешто навистина извонредно на својата мајка – ѝ купил црква во Шведска, чија вредност изнесува 9,24 милиони евра.

Покрај црквата, тој ѝ купил стан на мајка си во Новаља, а обезбедил и луксузен имот за својата сестра, Санела.

Овие гестови често се наведуваат како доказ за неговата посветеност кон семејството, кое – и покрај неговата светска слава и успех – останало негов најголем приоритет.

Зад животот што го води Златан денес, стои тешка семејна историја. Неговата мајка, Јурка – која потекнува од селото Пркос во околината на Задар во Хрватска – заминала за Германија на само 17-годишна возраст, во потрага по подобар живот. Како што своевремено раскажа нејзиниот брат, Гојко Гравиќ, таа токму таму ги добила ќерките Моника и Виолета, со својот прв сопруг.

Откако тој брак завршил, таа се омажила за таткото на Златан, Шефик Ибрахимовиќ – познат како „Кинко“ – фолк-пејач од Бијелина. Тие добиле две деца, Златан и Санела, но семејството подоцна се соочило со бројни тешкотии.

По вториот развод, Јурка живеела со своите деца во Малме, каде што животот бил сè, само не лесен. Златан во неколку наврати зборувал за своето растење во сиромаштија, истакнувајќи дека токму тие искуства го научиле да го цени она што го има денес. „Растев во сиромаштија, но тоа ме научи да го ценам она што го имам денес. Семејството за мене отсекогаш било на прво место“, изјавил фудбалерот.

Денес, Ибрахимовиќ поседува бројни недвижнини, вклучително и вила во Калифорнија – проценета на околу 1,5 милиони евра – која располага со тениски терен и базен. Во приватниот живот, тој ужива во времето поминато со својата сопруга Хелена, која е 11 години постара од него. Исто така, не е многу познато дека неговиот татко, Шефик Ибрахимовиќ, бил фолк-пејач кој настапувал низ цела поранешна Југославија. Тој дури му посветил и песна на својот син, насловена „Злато, Златане“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер