ЕП одобри учество на канадски компании во набавка на воена опрема со заеми од ЕУ - Канал 5

Европа

ЕП одобри учество на канадски компании во набавка на воена опрема со заеми од ЕУ

Европскиот парламент денес одобри договор меѓу ЕУ и Канада.

ЕП одобри учество на канадски компании во набавка на воена опрема со заеми од ЕУ

Европскиот парламент денес одобри договор меѓу Европската унија и Канада за условите за учество на канадски правни лица и производи со потекло од Канада во набавката на воена опрема финансирана од Европската унија во рамките на инструментот Безбедносна акција за Европа (SAFE).

Кредитната линија „SAFE“ за заедничка набавка на воена опрема е дел од планот за вооружување на Европа, „ReArm Europe“. Договорот отвора можност канадските компании да учествуваат во набавката на воена опрема за која Унијата обезбеди заеми во вредност од 150 милијарди евра.

Новиот финансиски инструмент, „SAFE“, беше воспоставен минатата година и е наменет за зајакнување на европските одбранбени капацитети преку заедничка набавка. Следните земји-членки на ЕУ можат да учествуваат во заедничката набавка на опрема за зајакнување на одбранбените капацитети под истите услови како и земји-членки на ЕУ:

• Украина

• Земји од Европската економска зона (ЕЕА)

• Земји од Европскиот договор за слободна трговија (ЕФТА): Норвешка, Исланд и Лихтенштајн.

„SAFE“ е отворен и за земји-кандидатки и потенцијални земји-кандидатки кои потпишале безбедносно и одбранбено партнерство со ЕУ. Досега, Молдавија, Македонија и Албанија потпишаа вакви партнерства. Обединетото Кралство, кое исто така потпиша партнерство за одбрана, исто така ќе може да учествува.

„Канада станува првиот неевропски партнер што се приклучува кон рамката „Безбедносна акција за Европа“, изјави претседателот на Европскиот парламент откако европратениците го одобрија договорот. Европскиот парламент изјави дека склучувањето на договорот „SAFE“ ја зајакнува индустриската соработка во областа на одбраната и ја одразува заедничката желба за продлабочување на односите меѓу Европската Унија и Канада.

Тие особено сакаат да ги продлабочат односите во областа на безбедноста и одбраната и да поттикнат поблиско, избалансирано и заемно корисно партнерство меѓу двете страни. Договорот со Канада беше гласан „ЗА“ од 466 европратеници на пленарната седница во Стразбур, со 169 „ПРОТИВ“ и 14 „ВОЗДРЖАНИ“.

Извор: Индекс.хр

Тагови: ЕП ЕУ канада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец кој управувал возило со 2,13 промили алкохол и без возачка

Лишен од слобода скопјанец кој управувал возило со 2,13 промили алкохол во организмот и без возачка дозвола, возилото е одземено.

Лишен од слобода скопјанец кој управувал возило со 2,13 промили алкохол и без возачка

На 09.08.2026 во 00:01 часот на локалниот пат Илинден – Марино, полициски службеници од Мобилната единица за безбедност на сообраќајот на патиштата при Секторот за сообраќајни работи го лишиле од слобода Д.В.(41) од Скопје.

При извршената контрола било констатирано дека тој управувал патничко моторно возило „опел“ со скопски регистарски ознаки под дејство на алкохол, при што му биле измерени 2,13 промили алкохол во крвта, а управувал и без да поседува возачка дозвола.

За настанот е известен јавен обвинител, а возилото е одземено. По целосно документирање на случајот, против него ќе бидат поднесени соодветни пријави по член 297-а од Кривичниот законик.

Засилените сообраќајни контроли ќе продолжат и во наредниот период.

Апелираме до сите учесници во сообраќајот да ги почитуваат сообраќајните правила и прописи, со што заеднички ќе придонесеме за побезбедни патишта

Тагови: Алкохол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски ја жртвува водата на граѓаните за туѓи дата центри и сопствени тендери

Европа се соочува со суша, намалување на водните ресурси и пресушување на реките, што создава проблеми за енергетскиот сектор и го зголемуваат ризикот од недостиг на електрична енергија и нов раст на цените.

СДСМ: Мицкоски ја жртвува водата на граѓаните за туѓи дата центри и сопствени тендери

А Македонија веќе е зависна од увоз на струја, додека во над 50 населени места граѓаните се соочуваат со проблеми со загадена вода.

Токму во вакви услови, Мицкоски и ВМРО-ОКГ сакаат водата и струјата на граѓаните да ги продадат и да ги стават во функција на странски дата центри за сопствени тендерски профити.

Големите дата центри трошат огромни количини електрична енергија и чиста вода, додека економскиот бенефит во однос на бројот на нови работни места и даночните приходи може да биде ограничен.

Еден голем дата центар може да троши меѓу 1 и 3 милиони литри вода дневно – количина споредлива со дневната потрошувачка на град со 15.000 до 30.000 жители.

Владата на Мицкоски не успева да обезбеди доволно чиста вода за пиење за граѓаните, а сега сака огромни количини вода да стави под ризицик за комерцијални дата центри.

Огромна потрошувачка на вода носи ризик од притисок врз водоснабдувањето, а огромната потрошувачка на електрична енергија отвора ризик од дополнителен увоз и повисоки цени.

Колку дополнителна струја ќе биде потребна за планираните дата центри и колку од неа ќе мора да се увезува?

И уште поважно – кој на крајот ќе ја плати таа струја?

Повторно граѓаните преку повисоки сметки.

Нема одговор ниту на прашањето од каде ќе доаѓа водата за дата центрите.

Колкава ќе биде потрошувачката? Дали ќе има испуштање затоплена вода назад во реките и какви последици тоа може да има врз биодиверзитетот и животната средина?

Водата и струјата не смеат да станат скапа авантура од која ќе профитираат блиските до Мицкоски и ВМРО-ОКГ, а цената ќе ја плаќаат граѓаните.

СДСМ е против ставање на водата и електричната енергија на граѓаните под ризик заради бизнис интересите на власта.

Затоа бараме мораториум за изградба на нови комерцијални дата центри кои користат системи за ладење со испарување на вода.

Водата и струјата се стратешки ресурси на граѓаните, а не нов извор за тендерски профити на ВМРО-ОКГ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна хеликоптер во Бразил, има загинати (ВИДЕО)

Четири лица загинаа вчера во хеликоптерска несреќа во Рио де Жанеиро за време на 20-минутен панорамски лет во Националниот парк Тижука, објавија бразилските медиуми.

Се урна хеликоптер во Бразил, има загинати (ВИДЕО)

Пилотот и тројца колумбиски туристи загинаа, објави порталот „G1“.

Хеликоптерот се урна во тешко пристапна пошумена област.

Пожарникарите мораа да користат техники за пристап со јаже за да стигнат до местото на несреќата и да го изгаснат пожарот што избувна откако хеликоптерот се урна и ја зафати вегетацијата.

Тагови: Бразил хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер