Еминем ги критикуваше оние кои не носат маски

Американскиот рапер Еминем денес упати остри критики до луѓето кои одбиваат да носат маска за лице додека случаите на заразени од коронавирус се во пораст ширум светот.

„ Половина од нас одат наоколу како да е зомби апокалипса, другата половина не сака да носи маска и само се исмева и така на крајот се заразуваат“, наведе Маршал Метерс, попознат како Еминем.

Како пример колку вирусот лесно се шири, Еминем наведе дека постои можност некој да се зарази преку користење на иста кошничка во продавница.

Евакуирана e фабриката во која што се произведува вакцината на Астра Зенека

Фабриката во Велс која што ја произведува вакцината на AstraZenecа против ковид-19 е евакуирана откако добиле сомнителен пакет, објави компанијата што управува со фабриката.

" Wockhardt UK во Рексам доби сомнителен пакет утрово. Сите релевантни служби се известени и работат на тоа", соопшти компанијата.

„Според препораката на експертите, делумно ја евакуиравме фабриката додека ги чекаме резултатите од истрагата. Безбедноста на нашите работници и продолжувањето на производството се од најголема важност“.

Би-Би-Си претходно објави дека екипа со експлозиви е испратена во фабриката, пренесува Ројтерс.

СДСМ: Со најтранспарентна реформа во образованието се поправа хаосот што го остави ВМРО-ДПМНЕ

ВМРО-ДПМНЕ по 11 години владеење, остави хаос во образованието и го доведе на дното на сите ранг листи, според домашните и меѓународни истражувања.

Токму затоа нужно е неопходна реформа на образованието, создавање на современо образование за секое дете, која ќе ја движи државата напред и ќе го враќа достоинството на наставниот кадар.

Ова е најтранспрентната реформа во образованието досега, во која се консултираат сите засегнати страни и се разгледуваат сите ставови и мислења за еднаш засекогаш образованието, од кое зависи иднината на државата, да се постави на здрави темели.

ВМРО-ДПМНЕ имаше доволно време да направи нешто добро за образованието, за младите генерации, а наместо тоа носеше политики преку ноќ на штета на наставниците, учениците и образовниот систем.

А знаејќи колку им се политиките штетни и несоодветни, ВМРО-ДПМНЕ плаќаше професори и организираше контрапротести на кои се бранеа нивните погубни политики.

ВМРО -ДПМНЕ непотребно шират дезинформации за реформата во образованието и ги плашат учениците, наставниците и граѓаните.

Центар за комуникации со јавноста на СДСМ

Пациентка се заканувала на вработени во штипската Клиничка болница

Штипјанка агресивно се однесувала и упатувала закани кон вработени во Клиничката болница во Штип. Инцидентот бил вчера пријавен, по што полицијата од слобода ја лишиле 46 – годишната С.Р од Штип.

Надлежните од СВР Штип велат дека по комплетирање на случајот против С.Р ќе биде поднесена соодветна кривична пријава. Директорот на Клиничка болница-Штип, Ален Ѓеорѓијев за МИА го потврдува инцидентот и вели дека се случил на одделот за рендген.

Што се однесува за соостојбата со Ковид центарот, таа е нормализирана. Во моментов имаат 27 слободни кревети, на Инфективното одделение се лекуваат 32, а на одделот за Анестезиологија тројва потешки пациенти. На кислородна поддршка имаат вкупно 25 пациенти.

притисни ентер