Во долгиот есеј објавен вчера од NY mag, 29-годишната манекенка и актерка напиша дека агентот ја испратил на неплатено снимање за списанието Дариус во домот на Ледер, а таму требало и да спие.
Кога дошла кај Ледер, Ратајковски открила дека ќе ја снима во долна облека, а за да изгледа зрело, прифатила чаша црвено вино што и ја понудил фотографот.
"Ме научија дека е важно да изгледам вредно и опуштено. Агентот постојано ми велеше:" Никогаш не знаеш со кого ќе снимаш после тоа", напишала Ратајковски.
По снимањето во долна облека, фотографот, наводно, и рекол: „Ајде да пробаме сега без облека“.
"Само што се соблеков, дел од мене згасна. Почнав да лебдам, гледав како се враќам во кревет. Застанав свртена со грбот, ги стиснав усните, размислував како гледам во камерата. Блесоците беа толку силни и пиев толку многу вино, што црните дамки пред моите очи стануваа се поголеми “, напиша таа.
Кога шминкерката заспала, Ратајковски признава дека се чувствувала многу будна, но и „многу, многу пијана“. Таа и Ледер се покриле со ќебе на каучот, а таа тврди дека тој потоа започнал да ја испрашува за нејзините момчиња и и ги триел нозете за да се стопли.
"Тој рече дека му се допаѓа тоа што го правам со нозете, јасно се сеќавам на тој момент. Мразев што тој коментираше за нешто што го правев за да се утешам. Повеќето од тоа подоцна ми беше магла, освен како се чувствував. Не се сеќавам дали се бакнувавме, но се сеќавам на неговите прсти одеднаш внатре во мене. Беше се посилен и посилен, ги туркаше како никој никогаш претходно да не ме допрел, ниту од тогаш. Навистина ме болеше.“, напишала таа.
Фотографиите што биле направени во тоа време, ги објавил Ледер во книгата „Ледер / Ратајковски колекционерско издание“ од 2016 година, а таа тврди дека издавачот „ Imperial Publishing“ немале право да ги користат тие фотографии. Портпаролот на издавачката куќа вчера изјави дека нејзините обвинувања се лажни.
"Ние сме длабоко потресени од последните (лажни) обвинувања на г-ѓа Ратајковски, кои ги упати во Њујорк магазин во желба за публицитет. Г-дин Ледер ги негира нејзините тврдења дека била" малтретирана ". Гротескно е тажно што е толку одмаздољубива што рутински лаже пред новинарите", рече портпаролот..
Ледер исто така негираше сè, велејќи дека нејзините обвинувања се „премногу ефтини и детски“.
"Дали сте свесни за кого зборуваме? Таа девојка во тоа време беше гола во магазинот „Treats!" и скокаше гола во видеото на Робин Тик. Дали навистина сакате некој да верува дека таа е жртва?" изјави тој за Њујорк магазин.
Неговиот портпарол тврди дека Ратајковски знае дека нема законска основа да се запре објавувањето на фотографиите и затоа го обвинил за сексуално злоставување.