Неколку европски земји објавија ограничувања на употребата на AstraZeneca кај помладите луѓе поради појавата на ретки тромбови, претежно кај жени на возраст под 60 години во рок од две недели по вакцинирањето.
Сепак, Европската агенција за лекови (ЕМА) се воздржува од давање препораки, велејќи дека земјите треба сами да го проценат ризикот со оглед на локалните услови, кои многу варираат во блокот.
„Ние се обидуваме да обезбедиме што повеќе информации за идентификуваните придобивки и ризици и врз основа на тоа и состојбата со пандемијата во секоја земја-членка - стапка на инфекција, достапност на различни вакцини - земјите-членки можат да донесат различни одлуки за тоа со што да вакцинира“, рече ЕМА Емер Кук на брифингот.
Кук рече дека ризикот од смртта од ковид-19 е „многу поголем“ отколку ризикот од смрт од ретките несакани ефекти.
„Многу е важно да користиме вакцини и да ја победиме оваа пандемија“, рече Кук.
Сабине Штраус, претседателка на Комитетот за безбедност на ЕМА, рече дека несаканите ефекти не се неочекувани.
До 4 април, ЕМА добила извештаи за 169 случаи на ретки тромбови во мозокот или тромбоза на церебралниот венски синус (ЦВСТ) на 34 милиони дози администрирани во Европската економска област (ЕЕА), додаде Штраус.
Три случаи на тромбоцитни крвни згрутчувања, исто така, се пријавени по вакцинирањето со Џонсон и Џонсон, изјави официјалниот претставник на ЕМА за анализа на податоци, Питер Арлет. Експерти за Ројтерс изјавиле дека е рано да се каже дали случаите се поврзани со вакцината.
„АстраЗенека“ соопшти дека работи со европски и британски регулатори за размена на информации за нивната вакцина „ковид-19“, откако регулаторите објавиле дека згрутчувањето на крвта во мозокот треба да се наведе како редок несакан ефект на вакцината.
„И едното и другото мислење потврди дека вакцината нуди висока заштита од сета сериозност на ковид-19 и дека придобивките сè уште ги надминуваат ризиците“, соопшти АстраЗенека.
"Сепак, тие дојдоа до заклучок дека постои можност овие настани да се поврзани со вакцината и побараа да ги наведат како исклучително редок несакан ефект. AstraZeneca активно работи со регулаторите за да направи измени во информациите за производот", се додава во соопштението .