Елен Деџенерис уживала да им дава откази на вработените - Канал 5

Шоу биз

Елен Деџенерис уживала да им дава откази на вработените

Приказните за тоа како познатата холивудска добра душа ,Елен Деџенерис ги малтретирала своите вработени предизвикаа голем скандал, а во медиумите постојано се појавуваат нови сведоштва.

Елен Деџенерис уживала да им дава откази на вработените

Ако им се верува на обвинувањата на поранешна вработена, таа не само што продолжила да ги угнетува вработените во студиото, туку и ги малтретирала оние што работеле во нејзината вила.

Поранешната вработена за Дејли Меил тврди дека Елен „уживала да ги отпушта“ поради најмали грешки и наводно им поставувала бизарни стапици за да им ја открие грешката.

Нејзините вработени биле отпуштени поради банални грешки, како што се послужување храна во погрешен сад, оставање на саламура на погрешно место или пената на кафето не била како што мислела дека треба да биде.

Елен, тврди поранешната вработена, дури и поставила стапици. На пример, оставање кутија со кибритчиња во шкаф или под перница за да провери дали чистачите го исчистиле секој дел од просторот.

Вработените, вели таа, ретко останувале кај неа повеќе од неколку месеци, а во една прилика го отпуштила управителот на куќата по само два часа. Мајстори, чистачи и чувари не биле подготвени да прифатат работа кај неа.

"Верувам дека секој ја покажува својата вистинска личност дома. По сè што сте чуле за нејзиното однесување на работа, можете само да замислите како се однесувала дома, каде што никој не ја гледа. Понекогаш ќе ни викаше, но полошо за нас ни зборуваше со понижувачки тон. Се однесуваше кон нас како да не сме никој и ништо. Таа намерно ќе те измачуваше и мораше да ја слушаш затоа што си платена за тоа. Елен е најлошата личност што сум ја сретнала. Таа уживаше да им дава откази на луѓето “, заклучи поранешната вработена.

Патем, откако во јавноста се појавија приказните за тоа како се однесувала кон вработените во нејзината емисија, Елен јавно се извини.

Меѓу другото, таа рече дека и е жал ако ненамерно повредила некого и дека не е злобна, но дека има лоши денови.

"Јас не сум злобна, само сум интровертна. Имам лоши денови, а понекогаш и добри денови. Сега ми е јасно дека персоналот на сетот може да го протолкува тоа на сите видови начини и дека може да испаднам злобна и непријателска", рече Елен.

Да потсетиме, во март започна скандалот што може да ја чини кариера најпопуларната водителка на светот.

На 20 март се појави твит и нејзината внимателно изработена претстава на симпатичен комичар почна да се распаѓа.

Некогаш недопирливата дива на ток-шоу започна борба во виорот на обвинувања за расизам, злоупотреба, сексуално вознемирување и генерално токсична атмосфера што владеела зад камерите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тајфун и свлечиште направија хаос во Кина- има загинати и повредени, спасувачите во трка со времето (ВИДЕО)

Жителите на градот Гаопинг во кинеската покраина Џијангси се разбудија во хаос. 

Тајфун и свлечиште направија хаос во Кина- има загинати и повредени, спасувачите во трка со времето (ВИДЕО)

Во лизгање на земјиште предизвикано од обилните дождови загина најмалку едно лице, а 11 се водат како исчезнати, соопштија локалните власти.

Во раните утрински часови, лизгањето на земјиштето затрупа неколку згради и оштети 12 куќи, додека спасувачките екипи се бореа да пронајдат преживеани, објави кинескиот државен радиодифузер CCTV.

Трагичните сцени се резултат на тајфунот Саудел и студениот фронт што донесе обилни дождови и поплави во покраината Сечуан. Жителите беа заробени, патиштата беа оштетени, а клучните јавни услуги беа сериозно нарушени.

Гаопинг е погоден од екстремните временски услови што ја погодија Кина во последните месеци, особено во планинските области.

Тајфунот Саудел, 18-ти што ја погоди Кина оваа година, дополнително ја влоши ситуацијата кога во четвртокот по трет пат стигна до копното во округот Џијангпу, предизвикувајќи евакуација на десетици илјади луѓе поради предупредувања за силни ветрови и обилни дождови. Во соседната покраина Џијангси, тајфунот погоди 128.500 жители во 53 окрузи, принудувајќи речиси 8.700 луѓе да се евакуираат.

Тагови: Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар во хотел во Истанбул, евакуирани се голем број луѓе

Денеска во хотел во истанбулската населба Бакиркој избувна пожар, а пожарникарите евакуираа голем број луѓе кои биле во зградата.

Пожар во хотел во Истанбул, евакуирани се голем број луѓе

Пожарникарите реагираа на местото на пожарот, а операцијата за гаснење е во тек, објави Хуриет.

Засега нема информации за повредени.

Бакиркој е општина на европската страна од Истанбул, на брегот на Мраморното Море.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Дрога е пронајдена кај кампери во Галичник, уапсени се петмина

Лишени од слобода пет лица во Галичник, при претрес во шаторите каде престојувале пронајдена марихуана, кокаин, таблети, следува пријава.

Дрога е пронајдена кај кампери во Галичник, уапсени се петмина

На 04.09.2026 во периодот од 19:20 до 20:45 часот, во с. Галичник на местото викано „Стопанче“, полициски службеници од ОВР Гостивар и ПО Маврово, во рамки на оперативна акција, лишија од слобода пет лица, А.Ј. (32), М.М. (38), К.С. (45) и В.В. (44) од Скопје, како и Р.Т. (38) од Куманово.

При претрес во шаторите каде престојувале лицата, пронајдени и одземени се повеќе пакувања со марихуана, бела прашкаста и грутчеста материја, халуциногени печурки и таблети.

Лицата се задржани во ПС Гостивар за понатамошна постапка и по документирање на случајот ќе следува соодветен поднесок, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер