Балкан

Експерти: Косово може да загуби 500 милиони евра од санкциите од ЕУ, штети и по правниот систем

Предвидувањата на експертите се дека покрај штетите на економијата, и правниот систем ќе претрпи големи загуби, со оглед дека Европската Унија е главен донатор на полето на реформите во судството.

Околу 500 милиони евра се претпоставува дека ќе загуби Косово од мерките кои ги презеде меѓународната заедница, поради одбивањето на Владата на Албин Курти да ги исполни барањата на меѓународните партнери за смирување на состојбите во северно Косово, пишува денеска приштинскиот портал „Економиа онлајн“.

Предвидувањата на експертите се дека покрај штетите на економијата, и правниот систем ќе претрпи големи загуби, со оглед дека Европската Унија е главен донатор на полето на реформите во судството.

Претседателот на Косовската алијанса на бизнисите (АКБ), Агим Шахини вели дека предвидувањата се оти до крајот на годинава косовската економија ќе загуби над половина милијарда евра.

Според челникот на АКБ, меѓународниот фактор е „косопственик на ослободувањето и осамостојувањето“ на Косово.

- Косово минува низ време кое никој не можеше да замисли дека ќе дојде, дека по ослободувањето ние ќе се соочиме со санкции против Косово од пријателите кои се косопственик на ослободувањето и осамостојувањето на земјата и ова е резултат на еден притисок кој се врши врз косовските институции за прифаќање на едно барање за стабилизација на северот на државата. Во таа смисла, тие мерки се казнени за Владата, но ќе страдаат и граѓаните и бизнисите. Од мерките за Договорот за стабилизација и асоцијација, или запирањето на ИПА-фондовите, сето тоа ќе го почувствуваме сите ние, посебно извозните бизниси и производители и штетата може да биде над 500 милиони евра, вели Шахини, нагласувајќи дека тоа е „најголемата штета која може да му се нанесе на Косово во оваа ситуација“.

Според него, санкциите кон Косово се последица на „грешките што ги направија косовските институции“, со одлуките за промена на српските со косовски регистарски таблички и за одржување градоначалнички избори во општините во северно Косово без учество на тамошното мнозинско српско население.

- Првите чекори кои можам да речам дека беа погрешни се со обидот да се прошири суверенитетот преку табличките, што е право на Косово, но не беше моментот. Вториот момент е кога Косово одржа избори на север без присуството на Србите и против нивната волја. Ние сме демократска држава и во демократија треба да владее мнозинството таму каде што живее, а не малцинството врз мнозинството, изјави Шахини.

Тешки последици, според адвокатот Ардиан Бајрактари, ќе претрпи и косовскиот правен систем, со оглед дека ЕУ е главниот донатор на реформите на полето на правдата.

- Веднаш треба да се каже дека ЕУ е еден од главните донатори во поддршката на реформските процеси, со акцент на полето на правдата, но не само тоа. Во тој правец, нормално дека таквите најави се мошне разочарувачки сигнал за местото и за патот по кој ние како држава настојуваме да стасаме до евроатлантските структури, изјави Бајрактари за „Економиа онлајн“.

Тој се надева дека „на крајот ќе дојде момент кога косовските институции ќе рефлектираат (за ситуацијата), и покрај фактот дека од законски и уставен аспект имаат право да преземаат такви дејствија за ширење на суверенитетот на целата територија на Република Косово“.

- Она што фактички го бараат меѓународните партнери е (косовските власти) да бидат во координација и да соработуваат со нив во вакви ситуации, изјави Бајрактари.

Како што јави дописникот на МИА од Приштина, на крајот на јуни ЕУ објави дека воведува привремени казнени мерки кон Косово, поради тоа што Владата на Албин Курти не ги презеде мерките кои ги побара европскиот блок за деескалација на состојбата на север.

Во тој дел од Косово, населен со мнозинско српско население, настанаа тензии од крајот на мај годинава, кога новите градоначалници Албанци во тамошните четири општини влегоа во општинските згради со помош на полициски специјалци, наспроти отпорот и протестите на српското население.

ЕУ ја суспендира работата на сите работни групи за Договорот за стабилизација и асоцијација, како и поканите за учество на Косово на средби на високо ниво.

Од Брисел нагласуваат дека тие мерки се привремени и дека можат да се укинат доколку Владата на Курти ги преземе бараните дејствија за смирување на ситуацијата. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Мицкоски ја носи Македонија до рекордни 12 милијарди евра долг

Претседателот на СДСМ, д-р Венко Филипче, на денешната прес конференција во македонското Собрание предупреди дека Владата на Христијан Мицкоски со новото задолжување ја носи државата кон рекордно ниво на јавен долг од речиси 12 милијарди евра.

„Колку треба да биде очаен човек да каже дека расте бруто домашниот производ, а при тоа, секојдневно, брутално и сè повеќе ја задолжува земјата? Затоа што, ако економијата добро работи, тогаш ќе се задолжуваме со помалку пари и вкупниот долг ќе се намалува, а нема да се зголемува“, рече Филипче.

Тој посочи дека Владата планира ново задолжување од 1,3 милијарди евра, кое, како што рече, го нема во ребалансот на Буџетот.

„Дали со тоа планираат да го прекршат Законот за буџет? Еве го документот кој што поминала информација и потреба за задолжување на земјава со нови 1,3 милијарди евра. Повторувам, 1,3 милијарди евра. Нов долг. Со кој што вкупниот долг, со кои пари, ќе порасне на земја на досега рекордни, никогаш достигнати, скоро 12 милијарди евра“, рече Филипче.

Филипче потенцираше дека само за нешто повеќе од две години власта на Мицкоски создава речиси 4 милијарди евра нов долг.

„Планира ново задолжување од 1 милијарда и 300 милиони евра. До сега, буџетот го наследија во 2024 година со толкуто 8,5 милијарди евра. Толку беше долго заклучен со последната влада на СДСМ. И имаме нови 2,5 милијарди евра, само до сега, и дополнителни нови 1,3 милијарди евра. Скоро 4 милијарди евра. Нов долг. За само 2 години и неколку месеци од владата на Христијан Мицкоски“, рече Филипче.

Со новото задолжување долгот ќе достигне околу 65% од БДП.

„Оваа власт едноставно ниту има капацитет, ниту стратегија, ниту план, ниту желба да направи нешто добро за граѓаните. Само брутално задолжување“, рече претседателот на СДСМ.

Филипче го отвори и прашањето за унгарскиот кредит од една милијарда евра и истрагата поврзана со заемот.

„Заемот кој што е сега предмет на истрага, заемот поради којшто сега цела Европа и цел свет знае дека владата, на чело со Христијан Мицкоски, е под истрага и се сомневаат во нелегални процеси“, рече Филипче.

Тој праша и каков ефект од тие пари почувствувале граѓаните.

„Каде се парите од унгарскиот кредит? Што видовме ние од унгарскиот кредит? Што видоа граѓаните? Им се подобрел стандардот. Имаше ли зголемување на платите? Имаше ли некакви мерки граѓаните да ги надминат овие тешки денови“, рече Филипче.

Во услови на растечки трошоци за живот, СДСМ повторно ќе го поднесе во Собранието Законот за зголемување на минималната плата.

„Бараме минималната плата да се качи на 36.000 денари, односно 600 евра, со што барем некако, ќе закрпат граѓаните, стандардот ќе им се подобри, ќе можат да се консолидираат семејните буџети во пресрет на тешките есенски месеци“, рече Филипче.

СДСМ предлага и субвенционирање на придонесите за приватните компании за разликата што ќе произлезе од зголемувањето на минималната плата, со цел растот на платите да не претставува дополнителен товар за компаниите, се наведува во партиското соопштение.

Технологија

„Sony“ им плаќа милиони на гејмерите: Еве кој ги добива парите

Играчите на „PlayStation“ добиваат поврат на парите поради цените на игрите.

„Sony“ се согласи да им плати речиси 8 милиони долари на играчите на „PlayStation“ кои платиле повисоки цени за одредени дигитални игри.

Изминатите неколку месеци беа жариште на дебата за сопственоста на дигитални игри, при што гејмерите се обидуваа да обезбедат заштита на нивните права. По ова прашање беа поднесени неколку тужби против различни компании.

Ова вклучува тужба за одлуката на „Sony“ од 2019 година да им забрани на трговците на мало од трети страни да продаваат индивидуални кодови за преземање игри. Како резултат на тоа, гејмерите мораа да купуваат директно од „Sony“ неколку години, наместо преку Амазон или друг трговец на мало.

Во тужбата се тврди дека потегот на „Sony“ ги принудил клиентите да купуваат исклучиво преку нив, што довело до повисоки цени. Иако „Sony“ негира какво било кривично дело и судот не пресуди за ова прашање, брендот „PlayStation“ се согласи на вонсудска спогодба од околу 8 милиони долари.

Според веб-страницата „PSNDigitalGamesSettlement“, играчите кои ги исполнуваат условите ќе го добијат својот дел од исплатата во форма на кредит на нивната „PSN“ сметка, без да мора да преземат никаква акција.

Меѓутоа, ако ја деактивирале својата сметка, можат да побараат исплата преку чек. Крајниот рок за поднесување барања преку чек беше 27 август, но постои можност за барање продолжување со правна помош.

Дополнително, за да има право на исплата, корисникот мора да биде жител на Соединетите Американски Држави и да купил една од игрите наведени во судските документи помеѓу 1 април 2019 година и 31 декември 2023 година.

Извор: Б92

Тагови: Sony

Македонија

МВР со засилени контроли- казнети 189 пешаци

Засилени контроли за прекршоци сторени од пешаци – констатирани 189 прекршоци .

На 02.09.2026 година, во периодот од 10:00 до 15:00 часот, на територијата на целата држава, Секторот за сообраќајни работи при Министерството за внатрешни работи спроведе акциска контрола насочена кон прекршоци сторени од пешаци. При спроведената контрола, констатирани се вкупно 189 прекршоци. Најголем број прекршоци се констатирани на подрачјето на СВР Штип – 57, СВР Битола и СВР Струмица по 32 и СВР Тетово со 27 прекршоци.

Од вкупниот број констатирани прекршоци, 159 се однесуваат на небезбедно преминување на улица, односно преминување надвор од обележан пешачки премин или на место кое не е предвидено за преминување на пешаци. За сите констатирани прекршоци преземени се соодветни мерки согласно законските прописи.

Во текот на контролата констатирани се и 134 прекршоци од друг вид. Министерството за внатрешни работи продолжува со спроведување на засилени сообраќајни контроли со цел зголемување на безбедноста на сите учесници во сообраќајот. Апелираме до пешаците да ги почитуваат сообраќајните правила и прописи, улиците да ги преминуваат исклучиво на обележани пешачки премини или на други места предвидени за безбедно преминување и со своето однесување да придонесат за поголема безбедност во сообраќајот, соопштија од МВР.