Живот

Екс француска министерка го обвини Надал дека користел допинг, сега ќе плати оштета од 12000 евра

Еден од најдобрите светски тенисери во историјата Рафаел надал го доби судскиот спор против поранешната француска министерка Роселин Башело, која го обвини дека користел допинг.

Француската министерка Башело во едно интервју изјавила дека од јавноста било сокриено тоа дека Рафаел надал бил допингуван во 2012 година, кога паузирал поради , како што изјавила таа , наводна повреда на коленото.

-Знам што е правата вистина . Кога ќе видите дека некој тенисер не игра неколку месеци, тогаш тоа воглавно е поради допинг, изјавила Башело за „Ас“.
Надал на оваа изјава на француската министрека одговорил со тужба во која барал оштета од 100 000 евра, поради навреда на угледот, но судот одлучил Башело да му исплати „само“ 12000 евра.

Шпанскиот тенисер при поднесување на тужбата против француската министерка најави дека парите добиено од оштета ќе ги уплати во хуманитарни цели.

Свет

Во Кенија по поплавите се трага по најмалку 91 лице

Службите за вонредни ситуации на Кенија денеска трагаат по најмалку 91 лице исчезнато во поплавите што ја погодија земјата, јавија светските агенции, цитирајќи го Министерството за внатрешни работи.

Најмалку 46 лица го загубија животот изутрината во одрон и поплава во градот Маи Махиу во централна Кенија, соопшти Министерството.

Преживеаните во Маи Махиу рекоа дека водата однела куќи, автомобили и железнички линии.

Уште 53 лица се водат како исчезнати во Маи Махиу, соопшти Министерството за внатрешни работи, а 76 лица се водат како исчезнати, соопшти Црвениот крст на Кенија.

Најмалку 169 луѓе загинаа во Кенија како последица на обилните дождови и поплавите минатиот месец. Повеќе од 185.000 се раселени, покажуваат владините бројки.

Регион

Вучиќ: Една третина од новата српска влада ќе биде составена од нови луѓе

Една третина од новата српска влада ќе биде составена од нови лица, изјави српскиот претседател Александар Вучиќ во обраќањето до нацијата, цитирано од српската јавна телевизија РТС.

Вучиќ изрази надеж дека владата ќе биде формирана во следните два дена и рече дека повеќе од 30 отсто од неа ќе бидат „целосно нови луѓе“. Останатите ќе бидат луѓе кои покажале резултати во претходниот период.

На 17 декември 2023 година во Србија се одржаа предвремени парламентарни избори, а локални избори во Белград и во 64 други градови и општини. Коалицијата околу владејачката Српска напредна партија на Вучиќ освои 129 места, додека опозициската коалиција Србија против насилството стана втора сила во парламентот со 65 места.

Српскиот претседател ја потврди и посетата на неговиот кинески колега Си Џинпинг на Белград, која ќе се одржи на 7 и 8 мај.

Вучиќ посочи дека во Србија ќе се реализираат проекти за забрзан технолошки развој во области каде земјата нема доволно знаење, како роботика, сателитски технологии, летечки автомобили.

Македонија

Сајкоски од Мечкин Камен: Од симболот на македонската борба ве повикувам да се обединиме

Од симболот на македонската борба ве повикувам да се обединиме против криминалот и корупцијата за да донесеме подобар живот.

Почитувани граѓани на Крушево, македонски граѓани. Ве повикувам тука од симболот на македонската борба, од симболот на македонскиот непокор, од Мечкин Камен. Ве повикувам од местото каде што македонските граѓани се обединија против неправдата, се обединија против тиранијата се обединија за да имаат подобар живот. Денес, тука од Мечкин Камен сакам да порачам до сите граѓани на Крушево, да се обединиме повторно. Да се обединиме против сиромаштијата, против неправдата. Да се обединиме во борбата против криминалот и корупцијата и заедно на 8 мај да излеземе во што поголем број, да дадеме поддршка за кандидатите на листата на пратеници на ВМРО-ДПМНЕ и коалицијата, за бројот 2. Да дадеме поддршка за луѓето коишто знаат и коишто можат да испорачаат. Да донесеме голема победа. Победа на ВМРО-ДПМНЕ и коалицијата Твоја Македонија, победа за македонските граѓани, за подобра инфраструктура, за подобар развој, за економија онаква каква што посакуваме, за судство што суди и да имаме правна држава. Затоа, мора сите да излеземе во што поголем број и да дадеме силна поддршка. Развојот зависи од нас. Затоа ве повикувам повторно, почитувани крушевчани, излезете масовно на 8 мај и подржете ја.

против криминалот и корупцијата за да донесеме подобар живот

Почитувани граѓани на Крушево, македонски граѓани. Ве повикувам тука од симболот на македонската борба, од симболот на македонскиот непокор, од Мечкин Камен. Ве повикувам од местото каде што македонските граѓани се обединија против неправдата, се обединија против тиранијата се обединија за да имаат подобар живот. Денес, тука од Мечкин Камен сакам да порачам до сите граѓани на Крушево, да се обединиме повторно. Да се обединиме против сиромаштијата, против неправдата. Да се обединиме во борбата против криминалот и корупцијата и заедно на 8 мај да излеземе во што поголем број, да дадеме поддршка за кандидатите на листата на пратеници на ВМРО-ДПМНЕ и коалицијата, за бројот 2. Да дадеме поддршка за луѓето коишто знаат и коишто можат да испорачаат. Да донесеме голема победа. Победа на ВМРО-ДПМНЕ и коалицијата Твоја Македонија, победа за македонските граѓани, за подобра инфраструктура, за подобар развој, за економија онаква каква што посакуваме, за судство што суди и да имаме правна држава. Затоа, мора сите да излеземе во што поголем број и да дадеме силна поддршка. Развојот зависи од нас. Затоа ве повикувам повторно, почитувани крушевчани, излезете масовно на 8 мај и подржете ја.