Екатерини Сакеларопулу, новата претседателка на Грција - Канал 5

Екатерини Сакеларопулу, новата претседателка на Грција

По предлог на поранешниот премиер Алексис Ципрас, стана првата жена претседател на Советот на државата, по предлог на актуелниот премиер Кирјакос Мицотакис, стана првата жена претседател на Грција.

Екатерини Сакеларопулу, новата претседателка на Грција

Барањето за поништување на Договорот од Преспа; присуството на деца бегалци во училиштата; државјанство за децата родени во Грција од родители кои не се Грци; религијата во личните карти во Грција, се само дел од случаите разгледани од Советот на државата кои грчките медиуми ги поврзуваат со новоизбраната шефица на државата Екатерини Сакеларопулу, како од периодот додека беше претседателка на највисокото судско тело, така и претходно како член.

По предлог на поранешниот премиер Алексис Ципрас, стана првата жена претседател на Советот на државата, по предлог на актуелниот премиер Кирјакос Мицотакис, стана првата жена претседател на Грција. Шеесет и тригодишната Екатерини Сакеларопулу е неполитичка и непартиски личност, а од највисоката позиција во правниот систем, преминува на највисоката позиција во државата.

-За жените е тешко да стигнат на врвот на многу професии – феноменот „стаклен таван", е само една карактеристична реченица од говорот на Сакеларопулу од 16 јануари 2019 на тема „Жените на лидерски позиции".

Пред точно една година на настанот организиран на атинскиот Универзитет Пандио, а поканета во улога на претседателка на Советот на државата, Сакеларопулу, која успеа да ги урне бариерите, а можеби и стереотипите во Грција и да стане првата жена претседателка во историјата на земјата, детално говори за родовата нееднаквост и за тешкотиите со кои што се соочуваат жените во нивните кариери, споменувајќи конкретни примери од светот,

-„Мајко, во твојата соба оди си и твоите работи гледај си ги, разбојот, предалото (…) многуте зборови им одговараат само на мажите, а од сите најмногу мене, бидејќи јас, во овој дом владеам". Во „Одисеја" на Хомер, од пред речиси 3000 години, го наоѓаме, како што споменува, Мери Бирд, првиот запишан пример на оспорување на јавниот дискурс на жените, вели Сакеларопулу на почетокот на нејзиниот говор.

Во друг дел, пак, споделува конкретни податоци, дека во 2014 година само седум од 150 лидери на држави се жени, а од 192 премиери жени се само 11.

Освен неколку стручни говори, на настани и конференции посветени на правниот и судскиот систем, информативни натписи од медиумите за дел од случаите кои „поминале низ нејзини раце" и изборот за претседателка на Советот на државата, за Сакеларопулу, на интернет не може да се најдат дополнителни информации. Нема јавни политички настапи, нема коментари за политичката состојба во Грција во изминатите години, ниту пак јавно изразен став за партиите. Токму затоа, многумина во Грција сметаат дека одлуката на Мицотакис беше повеќе од правилна, а тоа, на некој начин се покажа и при гласањето во парламентот, кога Сакеларопулу беше избрана уште во првиот круг со повеќе од потребното двотретинско мнозинство и со поддршка од три партии.

Автор е на низа научни текстови, а во февруари минатата година излегува од печат научно истражување во кое заедно со уште неколку нејзини колеги, пишуваат за судскиот систем во Грција.

-Ефикасното функционирање на правдата е обезбедено и од страна на државата и од страна на судиите. Од страна на државата, со организација на правдата, обезбедување логистичка инфраструктура, почитување на судската независност и усогласеност со судските одлуки. Од страна на судиите, со строго почитување на судската етика, на одговорноста, на дисциплинската одговорност, почитувањето на судската традиција и зачувување на институционалната меморија, пишува Сакеларопулу во книгата „Правдата во Грција. Предлози современ судски процес".

Поништување на Договорот од Преспа еден од случаите на Сакеларопулу

Од ноември 1982 година започнува со работа во Советот на државата, а со текот на времето напредува во позициите, за на средината на октомври 2018, по предлог на тогашната влада на СИРИЗА, Екатерини Сакеларопулу да биде избрана за 22 претседател на Советот, со што станува и прва жена претседател на највисокото судско тело во Грција.

Советот на државата ги има речиси истите надлежности како и Уставниот суд кај нас. Станува збор за највисокиот суд за контрола и заштита на уставноста и законитоста.

Барањето за поништување на Договорот од Преспа; присуството на деца бегалци во училиштата; државјанство за децата родени во Грција од родители кои не се Грци; религијата во личните карти во Грција, се само дел од случаите разгледани од Советот на државата кои грчките медиуми ги поврзуваат со Сакеларопулу, како од периодот додека беше претседателка, така и претходно како член.

Пленумот на највисокото судско тело во Грција, под претседателство на Екатерини Сакеларопулу, беше повикан кон крајот на 2018 да одлучи по жалбите на грчките организации како за поништување на Договорот од Преспа, така и за испратените писма до НАТО и ЕУ од тогашниот министер за надворешни работи на Грција за наше членство во ЕУ.

-Со одлуките 2615-6/2018 на пленумот беа отфрлени како неприфатливи барањата за поништување на Договорот од Преспа и писмата на министерот за надворешни работи до НАТО и ЕУ издадени согласно договорот, соопштија на 19 декември 2018 од Советот на државата по разгледаните барања на грчката „Федерација на културните здруженија на Македонците" и "Пан- Македонските асоцијации на Македонците од дијаспората", за поништување на Договорот од Преспа.

Двете одлуки беа издадени со образложени дека не се во надлежност на Советот, туку се поврзани со надворешната политика на земјата.

Се оцени дека оспорените акти сами по себе се акти со кои управува политичката власт во областа на надворешната политика и се директно поврзани со управувањето со меѓународните односи на земјата. Според тоа, имаат владин карактер, не подлежат на ревизија за поништување од Советот на државата, соопштија од Советот во декември 2018.

Во однос на другите судски случаи, според медиумите во Грција, Сакеларопулу ѝ станала позната на јавноста уште пред 20-ина години кога силно поддржала промена на личните карти за да се укине праксата да биде заведена и религијата.

Новоизбраната грчка претседателка, го поддржала и законот на владата на Алексис Ципрас за правото, децата родени во Грција, кои го завршиле поголемиот дел од школувањето во земјата, да добијат грчко државјанство, иако нивните родители се странски државјани.

Како претседател на Советот на државата во 2018, Сакеларопулу, според написите во грчките медиуми, ги отфрлила обвинувањата на здруженијата на родители и старатели од повеќе делови на Грција, поради децата бегалци кои одат во истите училишта со нивните деца. Тогаш, највисокото судско тело, донело одлука дека интеграцијата на бегалците во училиштата е законска и неопходна.

Која е новата претседателка на Грција?

Екатерини Сакеларопулу е родена во 1956 година во Солун. Изреката „крушата под круша паѓа" целосно важи во случајот со новата грчка претседателка, со оглед на тоа дека татко ѝ бил потпретседател на Врховниот суд на Грција, а таа од студиите до сега е целосно посветена на правниот и судски систем.

Сакеларопулу го завршува Правниот факултет во Атина и целата кариера како правник, ја поминува во Советот на државата, каде што беше избрана за претседател за периодот 2018- 2023 година.

Автор е на научни текстови поврзани со уставното право и правото на животна средина.

Сакеларопулу говори англиски и француски јазик, разведена е со едно дете и живее во центарот на Атина.

Според медиумите во Грција, голем љубител е на животните, особено на мачките, голем борец за заштита на животна средина, но и жена која е доста активна на социјалните мрежи, односно на Фејсбук.

Кон крајот на април минатата година, Сакеларопулу, како претседателка на Советот на државата имаше протоколарна средба со Кирјакос Мицотакис, кој тогаш беше лидер на опозицијата.

Девет месеци подоцна како премиер ја предложи за претседател на Грција, предлог прифатен од 261 пратеник.

Новата претседателка на Грција на 13 март 2020 ќе положи свечена заклетва, а веднаш потоа ќе ја преземе функцијата од Прокопис Павлопулос.

Мандатот на претседателот во Грција трае пет години./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Џон Траволта проговори за љубовниот живот- прв пат по шест години од смртта на сопругата

Холивудскиот актер Џон Траволта (72) за прв пат отворено проговори за можноста повторно да ја пронајде љубовта, шест години по смртта на неговата сопруга Кели Престон. 

Џон Траволта проговори за љубовниот живот- прв пат по шест години од смртта на сопругата

Иако поминаа неколку години од семејната трагедија, актерот признава дека долго време е целосно посветен на своите деца и на тоа да им помогне да продолжат со животот без нивната мајка, објави ТМЗ.

Додека гостуваше во емисијата „Today“ што ја води Крег Мелвин, ѕвездата на филмовите „Brilliant“ и „Saturday Night Fever“ откри дека не ја затворил вратата за нова љубов и дека е подготвен да му даде на некого уште една шанса.

- Па, љубовта е сè, таа е дел од мојата личност. Дали сум отворен за неа? Да. Но, искрено, изминатите шест години беа посебно искуство, бидејќи морав да се грижам за мојот син, кој имаше само девет години кога тоа се случи, и за мојата ќерка Ели, која исто така беше помлада во тоа време. Сакав да им помогнам повторно да застанат на нозе и да се чувствуваат сигурно во врска со нивната иднина и сè што се случило, рече Траволта.

Шест години откако ја загуби сопругата, тој ги презеде обете родителски улоги

Кели Престон почина во јули 2020 година, на 57-годишна возраст, по двегодишна борба со ракот на дојка. Џон Траволта и таа беа во брак од 1991 година и имаа три деца заедно. Нивниот најстар син Џет почина во 2009 година, на само 16 години, додека сега ја имаат ќерката Ела Блу (26) и синот Бенџамин (15).

Актерот зборуваше и за тоа колку неговиот живот се променил по смртта на неговата сопруга, особено поради одговорноста што ја презеде за своите деца. Како што објасни, во еден момент морал да биде и мајка и татко.

- Кога едниот родител ќе замине, стануваш и мајка и татко. Го почувствував тоа многу силно, но само треба да се собереш, да ја држиш главата високо и да продолжиш понатаму. Полека стигнуваме таму, рече тој.

Додаде дека неговите деца секоја година подобро се справуваат со загубата на нивната мајка и дека забележува како тие повторно наоѓаат радост во секојдневниот живот.

- Тие се се посреќни и подобри секоја година. Добро ни оди, навистина добро ни оди, рече актерот.

Љубовна приказна што траеше речиси три децении

Џон Траволта и Кели Престон се запознаа во 1989 година, за време на аудиција за филмот „Експертите“, во кој подоцна глумеа заедно. Две години подоцна, тие се венчаа и останаа заедно до нејзината смрт во 2020 година.

Траволта ја објави веста за смртта на својата сопруга преку Инстаграм, со емотивна порака во која истакна дека таа ја изгубила двегодишната битка со ракот на дојка.

- Со тешко срце ве известувам дека мојата прекрасна сопруга Кели ја изгубила двегодишната битка со ракот на дојка, напиша актерот во тоа време.

Тој им се заблагодари на лекарите и медицинскиот персонал кои се грижеа за неа, како и на пријателите и членовите на семејството кои ја поддржуваа за време на нејзиното лекување.

- Кели засекогаш ќе биде запаметена по својата љубов и живот, рече Траволта.

Во тоа време, тој исто така објави дека ќе се повлече од јавноста за да биде со децата кои ја загубија својата мајка, барајќи разбирање за време на нивниот период на жалост. Шест години подоцна, неговата изјава за можноста за нова љубов покажува дека, иако не го заборава животот што го имал со Кели, не ја исклучува можноста повторно да пронајде емоционална блискост во иднина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Полицијата од регионот се здружи против интернет предаторите- извршени се претреси на 42 адреси, девет деца меѓу жртвите

Словенечката полиција претстави меѓународна криминална операција наречена „МОЗАИК 2026“, насочена кон истражување на сексуална злоупотреба на деца преку интернет.

Полицијата од регионот се здружи против интернет предаторите- извршени се претреси на 42 адреси, девет деца меѓу жртвите

Ова е продолжение на соработката на словенечката полиција со земјите од Западен Балкан и други земји, и четврта меѓународна операција спроведена под ова име, објавува словенечкиот 24 ур.

Во соработка со Европол, криминалните истражители идентификуваа осум осомничени, сите словенечки државјани, од подрачјата на полициските одделенија Љубљана, Ново Место, Марибор, Крањ, Мурска Собота и Целје.

„Кривичните истражители во овие подрачја собраа податоци што укажуваат на сомневање дека неколку словенечки државјани набавиле, поседувале и дистрибуирале материјал што прикажува сексуална злоупотреба на деца преку социјалните мрежи и платформи од типот „peer-to-peer“, изјави Роберт Текавец, началник на Одделот за малолетнички криминал при Управата за криминалистичка полиција при Генералната полициска управа.

Истрагата откри сомневања за неколку кривични дела поврзани со прикажување, производство, поседување и дистрибуција на порнографски материјал што прикажува сексуална злоупотреба на малолетници.

Фотографиите и снимките прикажуваат деца кои се жртви на сексуална злоупотреба од страна на возрасни.

Според досегашните сознанија, меѓу жртвите нема деца од Словенија.

Исто така, истрагата не покажа дека осомничените од Словенија самите сексуално злоупотребувале деца или произведувале таков материјал, рече Текавец.

Сепак, идентификацијата на жртвите останува една од важните задачи во продолжението на истрагата, бидејќи истражителите детално ќе го анализираат запленетиот материјал.

Осум осомничени, полицијата сè уште не ги гони

„Во соработка со Европол, кривичните истражители идентификуваа осум осомничени, сите од нив се словенечки државјани и доаѓаат од подрачјата на полициските одделенија Љубљана, Ново Место, Марибор, Крањ, Мурска Собота и Целје. Сè уште не се преземени никакви процедурални дејствија против нив“, додаде Текавец.

Кривичните истражители спроведоа осум претреси на станови и други простории во подрачјата на овие полициски одделенија. Во таа прилика беа запленети 177 електронски уреди, неколку други носители на податоци и голем број ЦД-а.

Полицијата, исто така, пронајде мала количина кокаин, метилон и три таблети екстази.

Во операцијата учествуваа 39 кривични истражители и полицајци. Истрагата сè уште не е завршена, бидејќи истражителите сè уште не ги анализирале податоците од запленетите уреди.

По завршувањето на истрагата, собраните докази ќе бидат доставени до надлежното окружно обвинителство. Предметните кривични дела се казнуваат со затворски казни од шест месеци до осум години.

Девет деца се идентификувани, истрагата продолжува

Полициски службеници од Унгарија, Хрватска, Србија, Црна Гора, Македонија, Босна и Херцеговина и Албанија, исто така, учествуваа во заедничката борба против сексуалната експлоатација на деца на Интернет.

Од 1 до 12 јуни беа спроведени 42 претреси на адресите на 48 осомничени, а беа идентификувани девет деца кои биле жртви на сексуална злоупотреба.

Поради големата количина на запленети електронски податоци, истрагата продолжува. Истражителите ќе го анализираат материјалот и ќе се обидат да идентификуваат повеќе деца кои се жртви на сексуална злоупотреба прикажани во видеата.

Досега нема информации што укажуваат на меѓународни врски меѓу осомничените, но кривичните истражители ќе продолжат да проверуваат дали постојат врски меѓу нив, нагласи Текавец.

Словенечката полиција веќе петта година спроведува оперативни активности во рамките на платформата EMPACT.

Во тој период, воспоставена е средина за заедничка истрага на вакви кривични дела, формирана е неформална мрежа на експерти и разменети се искуства, предизвици и алатки за поефикасно истражување на сексуална злоупотреба на деца на Интернет.

Полицијата ќе продолжи со овие активности и во иднина.

Како и во 2025 година, кривичните истражители од Секторот за криминална полиција на Полициската управа во Љубљана добија податоци за осомничените преку истражување на peer-to-peer мрежи наменети за размена на разни содржини меѓу корисниците.

„Врз основа на овие податоци, беше утврдено дека постојат основи за сомневање дека седум од осумте осомничени добиле материјал што прикажува сексуална злоупотреба на малолетници“, рече Примож Подбелшек, специјалист за виш криминален инспектор од Одделот за малолетнички криминал при Управата за криминална полиција.

Еден од осомничените ја користел социјалната мрежа Discord за дистрибуција на таков материјал.

Преку понатамошна истрага, истражителите собрале податоци врз основа на кои ги идентификувале сите осум осомничени.

„Сторителите мора да бидат свесни дека и тие и нивните уреди оставаат траги и податоци кога користат интернет, исто како што е случај со сторителите кои вршат криминални активности во реалниот свет“, нагласи Подбелшек.

Координирана меѓународна истрага

Координирана меѓународна криминална операција „МОЗАИК 2026“, насочена кон истражување на сексуална злоупотреба на деца преку интернет, беше презентирана на прес-конференција на Генералната полициска управа.

Операцијата беше спроведена во рамките на Европската платформа за борба против организираниот криминал (EMPACT).

Според полицијата, ова е продолжение на соработката на Словенија со земјите од Западен Балкан и други држави, и четврта меѓународна операција наречена „МОЗАИК“.

На конференцијата беа презентирани и резултатите од истрагите на претходните операции спроведени под ова име.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Се запали автомобил во подземниот паркинг на Кам мол во Ѓорче Петров- посетителите бегаат во паника

Пожар вечерва избувнал во подземниот паркинг на КАМ мол во скопската населба Ѓорче Петров, по што биле евакуирани сите посетители на трговскиот центар.

Се запали автомобил во подземниот паркинг на Кам мол во Ѓорче Петров- посетителите бегаат во паника

Според очевидци, со асистенција на полицијата, возилата едно по едно го напуштаат паркингот. На нив се забележуваат траги од чад, а чад излегува и од вентилацискиот систем на објектот.

На местото се присутни полициски екипи и пожарникари, а пред молот се собрани голем број граѓани.

Засега нема официјални информации за причините за избувнувањето на пожарот, ниту за тоа дали има повредени лица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер