МакедонијаЕК не ги открива причините за бугарската блокада на акцискиот план за малцинства Македонските власти ги консултирале Европската комисија, Советот на Европа и сите засегнати страни при изработката на Акцискиот план за малцинствата, велат од Комисијата за Канал 5. Оттаму додаваат дека документот без кој Македонија и да ги донесе уставните измени, нема да може да го отвори првиот преговарачки кластер, поминал и низ јавна расправа, а земјите-членки имале можност да достават забелешки на нацрт-верзијата. Сепак, не појаснуваат дали има блокада или противење од некоја земја-членка во текот на процесот, туку за ставовите на поединечните држави упатуваат да се побараат информации директно од нив. Токму на таа тема, Канал 5 веќе испрати и прашање до бугарското МНР за појаснување каде според нив е застојот за документот, но одговор не добивме. -Можеме да потврдиме дека властите на Македонија се консултираа со Комисијата, Советот на Европа и други релевантни засегнати страни, при подготовката на Акцискиот план за малцинствата и заедниците. Властите на Македонија спроведоа јавни консултации за документот. Во овој процес на консултации, земјите-членки имаа можност да ги достават своите коментари во врска со нацртот. Кога станува збор за ставот на поединечните земји-членки, ве упатуваме да се обратите директно до засегнатите земји-членки.- Европска Комисија Шефовите на дипломатии на Македонија и Бугарија утре во Софија ќе учестуваат на состанокот од процесот за соработка во југоисточна Европа. Сепак од македонското МНР велат дека засега нема план за билатерална средба меѓу нив нив. Такво нешто пак, најави претседателката Гордана Сиљановска Давкова која посочи за сите отворени прашања на релација Скопје-Софија очекува утре да разговара со бугарската колешка Јотова. Прашан пак за средбата, премиерот Мицкоски посочи дека не му е позната евентуалната содржина, но нагласи дека владата има план и стратегија и работи на нивно исполнување. -Јас навистина не знам што би можел да очекувам, како човек очекувам да имаме добрососедски односи со сите соседи, како претседател на влада ќе сторам се што е во наша моќ, прво да го заштитам интересот на граѓаните, да го заштитам идентитетот и интересот на државата, и второ нормално да градам добрососедски односи со сите наши соседи на основа на принципот на двонасочна улица, затоа што за секоја работа во животот треба најмалку двајца.- Христијан Мицкоски – Претседател на владата Најавената средба Сиљановска – Јотова на маргините на процесот за соработка во југоисточна Европа во Софија доаѓа по самитот Еу-Западен Балкан во Тиват каде една од главните теми беше нон-пејперот на германскиот канцелар Мерц и францускиот претседател Макрон во кое побараа постепена интеграција и забрзано проширување на Европската Унија. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиКако уникатниот локалитет „Куклица“ станал предмет на узурпација? 15:14Тошковски: Во план се законски измени за управување со електричните тротинети11:18Маленко: Груевски за Унгарија не избега од дома, туку од Охрид15:00Продолжува судењето за пожарот во дискотеката „Пулс“09:00Филипче: Социјалдемократија не ја мери државата по висината на говорницата, туку по квалитетот на живот18:16
Филипче: Социјалдемократија не ја мери државата по висината на говорницата, туку по квалитетот на живот18:16
ЕвропаУнгарските пратеници се откажаа од 40 проценти од нивните платиУнгарските пратеници се согласија со 40-процентно намалување на нивните плати, со цел да се намали притисокот врз јавните финансии и да се покаже политичка одговорност.Одлуката беше донесена со акламација, односно за неа гласаа сите 189 присутни пратеници на седницата на парламентот. Од следниот месец нивната основната бруто плата ќе изнесува 3.690 евра. Според владејачкото мнозинство, заштедите од мерката ќе ги покријат годишните трошоци за функционирање на парламентот. Со мерката се укинува и надоместокот за мобилни телефони, а се намалуваат и парламентарните додатоци за канцеларии, станови и персонал. Новоизбраниот премиер Петер Маѓар ја поврза реформата со мерките за фискална дисциплина и борба против корупцијата во Унгарија.Тагови: пратеници Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиКако уникатниот локалитет „Куклица“ станал предмет на узурпација? 15:14Тошковски: Во план се законски измени за управување со електричните тротинети11:18Маленко: Груевски за Унгарија не избега од дома, туку од Охрид15:00Продолжува судењето за пожарот во дискотеката „Пулс“09:00Филипче: Социјалдемократија не ја мери државата по висината на говорницата, туку по квалитетот на живот18:16
Филипче: Социјалдемократија не ја мери државата по висината на говорницата, туку по квалитетот на живот18:16
Свет14 загинати во нов израелски напад низ јужен ЛибанНајмалку 14 лица загинаа во нови израелски напади врз јужен Либан, соопшти либанското министерство за здравство, во ново заострување на безбедносната состојба долж границата со Израел. Нападите биле изведени во повеќе подрачја, меѓу кои Тир, Марваније и Зифта, во округот Набатије. Нападите продолжуваат во период на зголемени тензии меѓу Израел, Хезболах и Иран. Хезболах соопшти дека таргетирал израелски војници на либанска територија, но не презеде одговорност за напади врз израелска територија. Израелските власти, пак, најавија дека операциите во Либан ќе продолжат, со образложение дека цел на нападите е инфраструктурата на Хезболах.Тагови: Либан Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиКако уникатниот локалитет „Куклица“ станал предмет на узурпација? 15:14Тошковски: Во план се законски измени за управување со електричните тротинети11:18Маленко: Груевски за Унгарија не избега од дома, туку од Охрид15:00Продолжува судењето за пожарот во дискотеката „Пулс“09:00Филипче: Социјалдемократија не ја мери државата по висината на говорницата, туку по квалитетот на живот18:16
Филипче: Социјалдемократија не ја мери државата по висината на говорницата, туку по квалитетот на живот18:16
МакедонијаIN MEMORIAM проф. Д-р Драги Данев (1942-2026)Денес, по кратко боледување, во Скопје почина проф. д-р Драги Данев, редовен професор во пензија на Машинскиот факултет и прв ректор на Универзитетот „Св. Кирил и Методиј“ во самостојна Македонија (од 1990 до 1992 година).Драги Данев е роден на 21 септември 1942 година во Штип. Во 1978 година докторирал на Машинскиот факултет во Белград. На Машинскиот факултет во Скопје е избран во звањето вонреден професор истата година. Во 1984 година е избран за редовен професор. Претходно, од 1966 до 1976 работел во Рудници и железарница во Скопје и во „Факом“, Скопје. Драги Данев беше член на Сојузниот извршен совет на СФРЈ (Влада на поранешна Југославија) од 1986-1988, како и министер за сообраќај врски на СФРЈ и член на Владата на Југославија (1988-1989). Автор е на над 150 научни трудови од областа на машинството. Учествувал во редица домашни и меѓународни научни проекти. Автор или коавтор е на книгите „Испитување на моторните возила“ „Упатство за изработка на влечна пресметка кај моторните возила“, „Испитување на моторните возила, упатство за лабораториски вежби“, „Моторни возила“, „Познавање на моторните возила“. Автор или коавтор е на учебниците „Конструкција на моторните возила“, „Пресметка на моторните возила“, „Теорија на движење на моторните возила“ Како ректор на Универзитетот „Св. Кирил и Методиј“ се залагаше за унапредување на квалитетот на наставната и научноистражувачката работа на Универзитетот, како и за промовирање на интегритетот и автономијата на нашата најстара високообразовна институција. Комеморацијата по повод заминувањето на проф. д-р Драги Данев ќе се одржи на 11 јуни 2026 година во 12.00 часот во просториите на Машинскиот факултет во Скопје Сочувство од целиот тим на Канал 5 ТВ.Тагови: IN MEMORIAM Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook