ЕК ја казни „Мета“ со 797,72 милиони евра поради непочитување на антимонополските правила - Канал 5

Технологија

ЕК ја казни „Мета“ со 797,72 милиони евра поради непочитување на антимонополските правила

Како што соопшти денеска ЕК, нејзината истрага покажала дека „Мета“, како доминантна компанија на пазарот за социјални мрежи и во делот за рекламирањето на Интернет, ги злоупотребила своите позиции.

ЕК ја казни „Мета“ со 797,72 милиони евра поради непочитување на антимонополските правила

Европската комисија ја казни компанијата „Мета“ со 797,72 милиони евра поради прекршување на антимонополските правила на ЕУ со поврзувањето на нејзината онлајн услуга „Фејсбук Маркетплејс“ со социјалната мрежа Фејсбук и поради наметнување нефер услови за конкурентските даватели на услуги за рекламирање на Интернет.

Како што соопшти денеска ЕК, нејзината истрага покажала дека „Мета“, како доминантна компанија на пазарот за социјални мрежи и во делот за рекламирањето на Интернет, ги злоупотребила своите позиции прекршувајќи го член 102 од Договорот за функционирање на Европската Унија.

Овие прекршување се однесуваат на поврзувањето на онлајн услуга „Фејсбук Маркетплејс“ со социјалната мрежа Фејсбук и на едностраното наметнување нефер услови за тргување на другите даватели на услуги за онлајн реклами на платформите на „Мета“, пред се на Фејсбук и Инстаграм.

Според ЕК, „Мета“ автоматски им овозможува пристап до „Фејсбук Маркетплејс“ на сите корисници на социјалната мрежа Фејсбук, без разлика дали тие го сакаат тоа или не, како и дека ги фаворизира рекламите на оваа онлајн платформа пред оние на нејзините конкуренти.

Дополнително, истрагата заклучила дека „Мета“ со наметнувањето на свои правила се става во позиција да може да користи податоци поврзани со реклами генерирани од други огласувачи во интерес на „Фејсбук Маркетплејс“.

Комисијата бара од Мета да прекине се ваквото однесување и во иднина да не го повторува овој прекршокот или да не применува слични практики кои би имале идентичен ефект.

Според извршната потпретседателка на Европската комисија за Европа прилагодена на дигиталната ера и еврокомесарка за конкурентот Магрете Вестагер, користејќи ја својата доминантна позиција, „Мета“ ја фаворизирала својата платформа „Фејсбук Маркетплејс“ пред останатите даватели на услуги во сферата на онлајн рекламирањето.

- Ова е нелегално според антимонополските правила на ЕУ. „Мета“ мора веднаш да престане со ваквото однесување, порача Вестагер. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Фараж се врати во британскиот парламент — победи на изборите што самиот ги предизвика

Најџел Фараж, лидерот на британската десничарска партија за независност на Обединетото Кралство, повторно освои пратеничко место на изборите што самиот ги предизвика минатиот месец, поднесувајќи оставка поради контроверзиите околу неговите финансии.

Фараж се врати во британскиот парламент — победи на изборите што самиот ги предизвика

Традиционалните партии ги бојкотира дополнителните избори, откако Фараж се обиде гласањето да го претстави како референдум за неговата борба против „естаблишментот“. Поради тоа, негов главен противкандидат беше комедијантот Џонатан Харви преправен во сатиричниот лик „Гроф Бинфејс“, кој успеа да освои повеќе од четвртина од гласовите.

Костимираниот кандидат познат како „Гроф Бинфејс“, кој редовно учествува на избори и овојпат го освои второто место.

Фараж е предмет на парламентарна истрага поради тоа што не пријавил донација од пет милиони фунти, односно 6,7 милиони долари, од инвеститор во криптовалути со седиште во Тајланд, пред изборите во 2024 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Загина 19-годишна девојка откако пијан струмичанец со возило удрил во мотоцикл

Деветнаесетгодишна девојка загина, а возач на мотоциклот е повреден во сообраќајна несреќа што се случила синоќа на магистралниот пат Струмица – Граничен премин „Ново Село“, во атарот на селото Турново.

Загина 19-годишна девојка откако пијан струмичанец со возило удрил во мотоцикл

Несреќата била пријавена околу 23:30 часот, а во неа учествувале патничко возило „сеат леон“ со струмички регистарски ознаки, управувано од 29 годишниот С.Б. од струмица, и мотоцикл без регистарски ознаки, управуван од 19-годишниот А.Д. од селото Иловица.

Од здобиените повреди на самото место починала 19-годишната К.Ј., која била сопатничка на мотоциклот, а возачот на мотоциклот бил пренесен во медицинскиот центар во Струмица.

При извршеното алкотестирање, кај 29-годишниот возач на автомобилот било утврдено присуство на 1,75 промили алкохол во крвта, по што тој веднаш бил лишен од слобода.

Полициската истрага, исто така, утврдила дека 19-годишниот возач го управувал мотоциклот без тој да биде регистриран, како и пред да се стекне со право за управување со моторно возило.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американскиот носач на авиони „Џорџ Вашингтон“ ќе го замени „Абрахам Линколн“, чии морнари се обиделе да скокнат во морето

Американскиот носач на авиони „Џорџ Вашингтон“, кој е стациониран во Пацификот, се упатил кон Блискиот Исток по извештаите за проблеми на носачот „Абрахам Линколн“.

Американскиот носач на авиони „Џорџ Вашингтон“ ќе го замени „Абрахам Линколн“, чии морнари се обиделе да скокнат во морето

Ова се случува во период кога се појавија извештаи за проблеми со менталното здравје и со снабдувањето на носачот „Линколн“, кој веќе подолг период е на Блискиот Исток како дел од американските воени операции поврзани со војната со иран. Носачот има поминато повеќе од 240 дена непрекинато на море, што е рекорд.

Претходно оваа недела се појавија наводи дека некои морнари имале самоубиствени мисли и се обиделе да скокнат од бродот. Според весникот, причината е продолжувањето на мисијата, која требаше да заврши во мај, но била продолжена без утврден датум за нејзино завршување.

„Џорџ Вашингтон“ минатата недела го напуштил пристаништето во Дананг, Виетнам, соопшти американската морнарица. Носачот, заедно со крстосувач и со разурнувач, потоа бил забележан како минува низ Сингапурскиот теснец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер