ЕК и „Епл“ постигнаа договор околу на користењето на „мобилни паричници“ на АјФоните - Канал 5

Технологија

ЕК и „Епл“ постигнаа договор околу на користењето на „мобилни паричници“ на АјФоните

Европската комисија реши да ја прекине истрагата започната против „Епл“ поради сомневање за незаконско ограничување на конкуренцијата за „мобилните паричници“ на смартфоните АјФон.

ЕК и „Епл“ постигнаа договор околу на користењето на „мобилни паричници“ на АјФоните

Европската комисија реши да ја прекине истрагата започната против „Епл“ поради сомневање за незаконско ограничување на конкуренцијата за „мобилните паричници“ на смартфоните АјФон, откако компанијата прифати да преземе обврски за отстранување на ваквите сомнежи, соопшти денеска извршната потпретседателка на ЕК за Европа прилагодена на дигиталната ера и еврокомесарка за конкурентност Маргарете Вестагер.

Таа нагласи дека ЕК ја започнала истрагата поради загриженоста дека „Епл“ создал затворен систем во своите уреди и нивните оперативни системи со кои го ограничува пристапот до одредени услуги, меѓу кои и до апликациите за мобилно плаќање, односно т.н. мобилни паричници, преку кои се овозможува плаќање со мобилни телефони во продавници и онлајн, но и користење на други услуги како добивање картички за лојалност, набавка на билети за настани и патувања или обезбедување документи за дигитален идентитет.

- Нашето прелиминарно откритие беше дека „Ајфон“ ја злоупотребува својата доминантна позиција, ограничувајќи го пристапот до технологијата потребна за плаќање со АјФон уредите, истакна Вестагер, посочувајќи дека во последните четири години употребата на „мобилните паричници“ во Европа е тројно зголемена.

Според Вестагер, наместо стандардната бесплатна технологија за мобилно плаќање НФЦ, „Епл“ на неговите уреди овозможувал плаќање само преку апликацијата „Допри и оди“ на „Епл плај“, со што го ограничува користењето на други „мобилни паричници“.

- Со исклучувањето на другите, „Епл“ незаконски го заштити сопствениот „мобилен паричник“ од конкуренцијата... Тоа исклучување на конкуренцијата на пазарот, може да има негативно влијание врз иновациите. Ова намалување на изборот и иновативноста е штетно. Тоа е штетно за потрошувачите и е нелегално според правилата за конкурентност на ЕУ, додаде Вестагер.

Таа информира дека за отстранување на оваа загриженост на ЕК, „Епл“ понудил сет на обврски кои биле внимателно разгледани и по консултација со многу банки, производители на апликации, издавачи на платежни картички и финансиски здруженија, Комисијата побарала од компанијата подобрување на понудените решенија.

- Потоа „Епл“ понуди подобрени решенија и еве сме денеска прогласувајќи ги овие решенија за обврзувачки за „Епл“, истакна Вестагер.

Согласно преземените обврски, „Епл“ прифаќа да овозможи функционалност на конкурентските „мобилни паричници“ на АјФоните, да дозволи пристап до важните функции на овие уреди и да им овозможи на корисниците да го инсталираат избраниот „мобилен паричник“ како стандардна опција. „Епл“ има рок да ги спроведе овие обврски најдоцна до 25 јули.

- Обврските би останале во сила десет години. Усогласеноста на „Епл“ ќе биде контролирана и ќе има механизам за брзо решавање на спорови, кој, исто така, ќе овозможи независен преглед на имплементацијата од страна на „Епл“. Со ова завршува нашата истрага, нагласи Вестагер.

Таа информира дека поддршка на овие задолженија на „Епл“ дала и Европската централна банка, посочувајќи дека тие не се во спротивност со евентуални понатамошни обврски што може да се применуваат во рамките на употребата на дигиталното евро.

- „Епл“ има обврски според Законот за дигитални пазари, кој бара од „чуварите на портата“ да обезбедат ефикасна интероперабилност со хардверските и софтверските карактеристики што ги користат во нивните системи. Ова вклучува и пристап до НФЦ технологијата за мобилни плаќања... Отсега, „Епл“ повеќе не може да ја користи својата контрола врз системот на АјФон уредите за спречување на користењето на другите мобилни паричници. Од овие промени корист ќе имаат и производителите на конкурентските паричници, но и потрошувачите, а плаќањата ќе бидат безбедни, потенцира Вестагер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Канцеларот Мерц се огласи по дебаклот на изборите: Многу боли

Германскиот канцелар Фридрих Мерц, по изборниот пораз на Христијанско-демократската унија (CDU) во германската покраина Саксонија-Анхалт, изјави дека успехот на крајно десничарската Алтернатива за Германија (AfD) предизвикал „тектонско потресување“.

Канцеларот Мерц се огласи по дебаклот на изборите: Многу боли

Германскиот канцелар Фридрих Мерц, по изборниот пораз на Христијанско-демократската унија (CDU) во германската покраина Саксонија-Анхалт, изјави дека успехот на крајно десничарската Алтернатива за Германија (AfD) предизвикал „тектонско потресување“ на партискиот систем и предупреди на можноста за формирање „десничарска екстремистичка влада“ во покраината.

На состанокот на федералното претседателство на CDU, Мерц рече дека неговата партија мора сериозно да се соочи со изборниот пораз и да признае дека не успеала да најде „емоционален пристап“ кон граѓаните или да ја обезбеди нивната поддршка, објави Bild.

„Ова ја потресува нашата партија до темел. Не можеме да продолжиме како ништо да не се случило, ниту јас ниту федералната влада“, нагласи Мерц.

Тој оцени дека CDU „драматично ги загубила“ изборите, кои, според него, претставуваат „длабока пресвртница“ за партијата.

Германскиот канцелар нагласи дека CDU мора отворено да разговара за проблемите, но и да го одржи единството, предупредувајќи ги членовите да не ѝ штетат на CDU со давање јавни изјави против партијата.

Мерц оцени дека целта на АфД е „целосно уништување на ЦДУ“ и повтори дека „нема соработка“ со таа партија, наведувајќи дека ЦДУ цврсто останува на политичките темели на поранешниот германски канцелар Конрад Аденауер, основач на ЦДУ и поранешен германски канцелар Хелмут Кол.

Поразот на ЦДУ го коментираше и премиерот на Саксонија-Анхалт Свен Шулце, кој рече дека е „крајно разочаран“ од резултатот.

Според него, кампањата била „крајно тешка“, додека АфД, како што тврди, користела различни методи и водела кампања со невидена сериозност, која успеала да мобилизира голем број граѓани кои претходно не гласале.

„Многу боли, но мора да го прифатиме“, рече Шулце.

Алтернативата за Германија (AfD), предводена од Улрих Зигмунд, вчера оствари убедлива победа на покраинските избори во германската покраина Саксонија-Анхалт со 43,8 проценти од гласовите, но не успеа да освои апсолутно мнозинство, додека Христијанско-демократската унија (CDU) на покраинскиот премиер Свен Шулце претрпе тежок пораз и заврши на второто место со само 17,2 проценти од гласовите, според прелиминарните резултати објавени од изборната комисија преку ноќ.

Според прелиминарните резултати, AfD освои 43,8 проценти од гласовите на изборите во недела - барем двојно повеќе од 20,8 проценти што ги освои на изборите во 2021 година, CDU сега има 17,2 проценти од гласовите, во споредба со 37,1 процент на претходните избори, а Социјалдемократската партија на Германија (SPD) доби 9,3 проценти од гласачите, во споредба со 8,4 проценти, објави Билд утрово.

AfD, според прелиминарните резултати, повеќе од двојно го зголеми својот удел во гласовите, од 20,8 проценти во 2021 година на 43,8 проценти, што е најдобриот резултат што една партија го постигнала на покраински избори во Германија во последните десет години.

Излезноста беше 77,8 проценти, во споредба со 60,3 проценти во 2021 година, што е највисока излезност во Саксонија-Анхалт од повторното обединување на Германија.

Тагови: изборите Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

УЕФА: Сите натпревари ќе почнуваат со минута молчење

Европската фудбалска асоцијација (УЕФА) денеска објави дека пред претстојните натпревари од првото коло на Лигата на шампионите ќе се одржи минута молчење во спомен на загинатите во поплавите во Непал.

УЕФА: Сите натпревари ќе почнуваат со минута молчење

Натпреварите од првото коло на Лигата на шампионите ќе се играат од вторник до четврток.

„Како знак на солидарност и поддршка, пред почетокот на сите натпревари од Лигата на шампионите ќе биде одржана минута молчење и ќе биде истакнат транспарент на кој ќе пишува: „Не си сам, Непал“, соопшти УЕФА.

Според најновите бројки, повеќе од 1.300 луѓе загинаа во поплавите во Непал, кои ја погодија земјата на 26 август, додека околу 5.000 се водат како исчезнати.

„Целото европско фудбалско семејство е обединето пред натпреварите што се играат оваа недела за да изразиме најдлабоко сочувство и поддршка до народот на Непал. Им посакуваме сила и упорност да се опорават од оваа голема трагедија и нејзините последици“, изјави претседателот на УЕФА, Александар Чеферин.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Се урна кат од зграда во центарот на Рим- спасувачите извлекуваат преживеани од урнатините (ВИДЕО)

Во центарот на Рим, се урна кат од деловна зграда, но за среќа четири лица беа спасени, соопштија властите.

Се урна кат од зграда во центарот на Рим- спасувачите извлекуваат преживеани од урнатините (ВИДЕО)

Зградата на Виа Кола ди Риенцо, во која се наоѓаат продавницата „Норт Фејс“ и хотелот „Консоли“, моментално е затворена поради несреќата, според агенцијата „АднКронос“.

Хотелот е во процес на реновирање.

Директорката на противпожарната служба, Беатрис Танци, изјави дека таванот помеѓу приземјето и првиот кат делумно се урна. Иако четири лица беа спасени, екипи со кучиња трагачи и специјалисти кои го пребаруваат подрачјето сè уште бараат.

Таа додаде дека во тек се работи за реновирање во хотелот „деи Концоли“ и истакна дека не е исклучено „натрупаниот материјал“ на градилиштето да ги „преоптоварил подовите“.

Тагови: зграда Рим

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер