3Бојаџиева Марковска: Водно не е градежна парцела, а Центар не е партиска каса на СДС, Герасимовски каде е грижата за граѓаните?
ЖивотЕК ги прекршила правилата за именување на својот персонал, пресуди Судот на ЕУ Општиот суд на ЕУ пресуди дека Европската комисија ги прекршила сопствените правила при именувањето на членовите на персоналот, што во Брисел се толкува како удар за претседателката на ЕК, Урсула фон дер Лајен. Општиот суд на ЕУ пресуди дека Европската комисија ги прекршила сопствените правила при именувањето на членовите на персоналот, што во Брисел се толкува како удар за претседателката на ЕК, Урсула фон дер Лајен и за шефот на нејзиниот Кабинет Бјорн Зајберт. Општиот суд, кој е првостепена судска инстанца во рамки на Судот на правдата на ЕУ во чија надлежност се и спорови околу одлуките на институциите на ЕУ и нивните службеници, ваквата пресуда ја донесе по тужба поднесена од долгогодишниот функционер на ЕУ, Џејмс Флет. Флет, кој е правен советник и заменик-директор во Комисијата, ја оспорува законитоста на начинот на именување на носителите на високи административни позиции во Комисијата. Во 2022 година Флет беше кандидат за позицијата главен правен советник за трговска политика на Комисијата, но, како што тврди, постапката за избор пропаднала поради „процедурални неправилности“. Една од тие неправилности, според Флет, е што последното интервју со кандидатите за главен правен советник не го спровела Фон дер Лајен, во чија надлежност е именувањето на овој функционер, туку шефот на нејзиниот Кабинетот, Зајберт, кој важи за нејзина десна рака и еден од најблиските соработници. Флет посочува дека внатрешните правила на Комисијата дозволуваат префрлање на надлежностите во постапката за вакви клучни именување само во „исклучителни и оправдани околности“, што според него не било случај при неговото интервју. Врз основа на ваквите приговори на Флет, Општиот судот утврди дека Фон дер Лајен незаконски на Зајберт му ги пренела своите надлежности за интервјуто, со што го прекршила „суштинскиот процедурален услов“ што довело до поништување на одлуката за именување. Според Судот, Комисијата не докажала дека пренесување на надлежноста од страна на претседателката на нејзиниот шеф на Кабинетот се базирало на „императивни потреби на службата“. Комисијата сега има рок од два месеци и 10 дена да поднесе жалба на ваквата судска одлуката, но во меѓувреме мора итно да именува главен правен советник за трговската политика. Во изминативе две и пол години, по неуспешниот обид за избор во 2022-та, в.д. главен правен советник за трговската политика на Комисијата е Мико Хутунен, кој претходно од април 2020 до јануари 2022 година беше главен правен советник на тимот на ЕК за набавка на вакцини против Ковид-19. Начинот на набавка на вакцини против Ковид-19 се поврзува со т.н. аферата „Фајзергејт“ во која Фон дер Лајен се обвинува за злоупотреба на должноста при договарањето на набавките на анти-ковид вакцини со американската компанија „Фајзер“. Тагови: ЕУ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаФЗО: Над 2,35 милијарди денари исплатени за четири месеци Октомври со највисока исплата за породилни надоместоци.Над 621 милион денари исплатени во октомври, од кои рекордни 467 милиони денари за породилни надоместоци во последните четири месеци. Зад овие бројки стои континуитет во реализацијата на правата на осигурениците и јасна определба навремената исплата да стане стандард, а не исклучок. Фондот за здравствено осигурување го заокружи октомври 2026 година со исплатени 621.383.663 денари за надоместоци на плата по основ на привремена спреченост за работа и породилно отсуство. Од вкупниот износ, 467.074.428 денари се исплатени за породилни надоместоци, што претставува највисока месечна исплата за оваа намена во периодот јули–октомври 2026 година. За останатите надоместоци по основ на боледување се исплатени 154.309.235 денари. Но, вистинската слика за работењето на Фондот не ја дава само еден месец. Во периодот од јули до октомври, Фондот исплати вкупно над 2,35 милијарди денари за боледувања и породилни отсуства, од кои над 1,66 милијарди денари се однесуваат на породилни надоместоци. Овие податоци ја отсликуваат финансиската димензија на една од најважните обврски на Фондот – обезбедување континуитет во остварувањето на законските права на осигурениците. Особено значајно е што октомвриската исплата за породилни надоместоци бележи раст од над 25 проценти во однос на септември, потврдувајќи го засилениот обем на реализирани исплати за оваа категорија осигуреници. За Фондот, успехот не се мери само со висината на исплатените средства, туку и со сигурноста што ја носи нивната навремена исплата. Зад секој исплатен надоместок стои конкретно право, а зад секое право – човек, родител или семејство за кое финансиската предвидливост има особено значење. Токму затоа, определбата на раководството, предводено од генералниот директор м-р Златко Перински, е редовноста на исплатите да се воспостави како траен принцип на работење, со одговорно управување со средствата и непречено исполнување на останатите обврски на Фондот. Средствата на здравственото осигурување им припаѓаат на осигурениците. Обврска на Фондот е тие да се користат законито, одговорно и навремено, во функција на остварување на нивните права. Фондот и во наредниот период ќе продолжи да работи на подобрување на организацијата, ефикасноста на обработката на барањата и одржувањето стабилна динамика на исплатите. Нашата цел е едноставна: осигурениците да не ја доживуваат навремената исплата како посебна вест, туку како сигурност на која можат да сметаат. ФЗОТагови: ФЗО Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаМицкоски: Иднината на светот е во дата-центрите и вештачката интелигенцијаПремиерот Христијан Мицкоски вели дека иднината на светот е во дата-центрите и вештачката интелигенција, а Македонија мора да биде дел од таа иднина, а не да остане на маргините на технолошкиот развој.-Како инженер и професор, чувствувам одговорност да ги искористам сите можности за привлекување нови инвестиции, развој на современи индустрии и создавање перспективи за нашите граѓани. Нашата цел е Македонија да биде меѓу земјите што ќе го предводат овој процес, а не оние што ќе го следат.- вели Мицкоски. Тагови: Христијан Мицкоски Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаБојаџиева Марковска: Водно не е градежна парцела, а Центар не е партиска каса на СДС, Герасимовски каде е грижата за граѓаните? Денеска сме на Водњанска, во дел од Центар каде сè поочигледно се гледаат последиците од урбанистичката негрижа и неконтролираната градежна експанзија. Водно се претвора во бетонска населба, згради никнуваат една до друга, а зеленилото, просторот за деца и условите за нормален живот стануваат сè помалку достапни. Герасимовски треба да одговори: дали воопшто се прошетал во овој дел од општината за да види што им се случува на граѓаните? Дали разговарал со родителите кои се соочуваат со недостиг од места во градинките и училиштето „Кочо Рацин“? Или Водно и целата Општина Центар се гледа само низ призма на градежни парцели, урбанистички планови и партиски приходи? Не може да се дозволува урбанистичка експлоатација на Водно, а притоа да не се ветуваат градинки и подобри услови за живот. Каде се конкретните проекти, роковите и решенијата? Граѓаните не живеат од прес-конференции и празни ветувања. И ова не е проблем само на Водно истите прашања се и низ цел Центар. Наместо општина што ги штити јавниот простор, животната средина , зеленилото и интересите на жителите, приоритет се градежните интереси и полнењето на партиската каса. Општината не е златна кокошка на СДС, ниту јавниот простор е ресурс за политичко и финансиско профитирање! Герасимовски мора да разбере дека неговата функција не е да биде промотор на градежната експанзија, туку градоначалник кој го штити јавниот интерес. Центар не смее да се претвори во бетонска општина во која ќе има станови, но нема да има доволно училишта, градинки и простор за живот. Водно не смее да биде жртва на урбанистичките интереси, а Центар не смее да биде заложник на партиските и градежните калкулации. Граѓаните заслужуваат општина за живот, а не општина за профит! Стефанија Бојаџиева Марковска, член на ОК Центар на ВМРО–ДПМНЕТагови: Бојаџиева Марковска Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook