Египќаните бараат 2 милијарди долари отштета од Нетфликс поради документарецот за Клеопатра - Канал 5

Египќаните бараат 2 милијарди долари отштета од Нетфликс поради документарецот за Клеопатра

Египетските адвокати бараат од Нетфликс да плати 2 милијарди долари отштета поради документарниот филм за Клеопатра.

Египќаните бараат 2 милијарди долари отштета од Нетфликс поради документарецот за Клеопатра

Стриминг сервисот објави документарен филм за легендарната египетска владетелка, но тој брзо беше осуден кога беше објавен првиот трејлер. Коментарите на YouTube мораа да бидат исклучени бидејќи луѓето бесно го проколнуваа стриминг гигантот, сето тоа затоа што Адел Џејмс, црнка, ја портретира познатата владетелка во кралицата Клеопатра.

Документарната серија, чиј извршен продуцент Џејда Пинкет Смит, ја прикажува историчарката Шели Хејли која изјавува: „Клеопатра беше црна“. Но, евидентирано е дека Клеопатра има македонско-грчко потекло. Вообичаените историски записи покажуваат дека нејзиното македонско-грчко семејство, династијата Птоломеј, владеела со Птоломејското Кралство повеќе од три века.

„И покрај тоа што не беше етнички Египќанка, Клеопатра прифати многу од древните обичаи на нејзината земја и беше првиот член на птолемејската линија што го научи египетскиот јазик“, тврди History.com. Многумина го обвинија Нетфликс дека ја „препишува историјата“ затоа што ја прикажува Клеопатра како црнка.

Египет Индипендент вели дека тимот „составен од неколку адвокати и археолози“ сега бара финансиска компензација. Тие веруваат дека стриминг гигантот го „искривил египетскиот идентитет на Клеопатра“. Тимот испрати писмо до УНЕСКО во кое се наведува дека веруваат дека поради тоа им должат повеќе од 2 милијарди долари.

YouTube video

По објавувањето на документарецот на Нетфликс беа поднесени и неколку тужби. Адвокатот Махмуд ал Семари поднесе тужба до јавниот обвинител за забрана на Нетфликс во неговата земја. Во тужбата тој тврди дека документарниот филм не е во согласност со „исламските и општествените вредности и принципи, особено египетските“.

„Со цел да се зачува националниот и културниот идентитет на Египет, мора да постои гордост меѓу Египќаните ширум светот во создавањето на такво дело“, се вели во правната пријава.

Тој, исто така, ги обвини креаторите на документарците и Нетфликс дека се соучесници во „фалсификување“. Поранешниот египетски министер за антиквитети Захи Хавас, исто така, го обвини Нетфликс за „фалсификување на фактите“ за прикажување на Клеопатра како црна жена. „Ова е целосно лажно. Клеопатра била Гркинка, што значи дека била русокоса, а не црна“, рекол тој, според Египет Индипендент.

И покрај жестоките реакции, режисерката Тина Гарави рече: „И Клеопатра беше црна? Надмоќ што не натера во Холивуд да бидеме индоктринирани“.

„Најмногу од сè, мораме да сфатиме дека приказната на Клеопатра е помалку за неа, а повеќе за тоа кои сме ние. Може да ги истражува нашите историски личности без страв од сложеноста што доаѓа со нивното прикажување“, додаде таа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Средба Николоски-Варнс: Потврдена посветеноста на стратешкото партнерство со САД и унапредувањето на билатералната соработка

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава. 

Средба Николоски-Варнс: Потврдена посветеноста на стратешкото партнерство со САД и унапредувањето на билатералната соработка

На средбата беше потврдена посветеноста на стратешкото партнерство и унапредувањето на билатералната соработка

Посебен акцент на разговорот беа економската и трговска соработка, инфраструктурните проекти и нивната реализација, притоа беше потврдена ефикасната реализација на стратешките проекти од национален и регионален интерес.

Вицепремиерот Николоски додаде дека изградбата на автопатите на коридорите 8 и 10-д се реализираат со одлична динамика согласно предвидените рокови.

Се разговараше и за соработката во рамките на НАТО Алијансата и прашањата поврзани со безбедноста и стабилноста на регионот.

На средбата се разговараше за билатералната соработка меѓу двете земји и поддршката на САД во делот на реформските процеси на Македонија. Притоа беше истакната важноста на континуитетот на партнерските односи, заедничката посветеност на реализацијата на приоритети и продлабочувањето на соработката особено во делот на економијата и трговската размена, соопштуваат од Министерството за транспорт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Нови пријави за сексуално насилство врз деца: Дали казните и законските рокови ги штитат жртвите?

Случаите на сексуално насилство врз деца во фокусот на јавноста по најновите информации на МВР  -  во полициските билтени се регистрирани нови кривични пријави за силување на деца кои не наполниле 15 години.

Нови пријави за сексуално насилство врз деца: Дали казните и законските рокови ги штитат жртвите?

СВР Скопје поднело кривична пријава против П.Н. (47) и А.Т. (62) од Скопје, поради постоење основи на сомнение за сторено кривично дело „Силување на дете кое не наполнило 15 години“. Според информациите од МВР, во јули 2025 година пријавените извршиле полови дејствија врз малолетник.

Уште една кривична пријава е поднесена против 49-годишен скопјанец, кој се сомничи дека во февруари годинава силувал дете кое не наполнило 15 години. Повторувањето на ваквите случаи го отвора прашањето дали актуелните законски решенија и казни се доволни за заштита на децата. Па така, според адвокатот Александар Тумановски, потребно е да се посвети внимание и на временските рокови во кои треба да се завршат случаите кога силувањето врз дете го врши друг малолетник. Посочува и конкретен пример, кога случајот не добил правна завршница во законскиот рок.

-Во законот за права на децата е предвидено да се заврши постапката за година и 6 месеци, државните институции, меѓу кои и судот не успеаја во тој рок...за жал жртвата има дупла виктимизација бидејќи не се осудени тие лица, постапката заврши со запирање на таа постапка против тие лица и со тоа жртвата остана жртва без остварување на своите права,- изјави Александар Тумановски, адвокат.

Државата да биде немилосрдна и во поглед на казните за силување на деца, смета Тумановски – истакнувајќи дека покрај високи казни, треба да се разгледаат и други казнени методи, кои би биле во согласност со меѓународното право.

– Треба да се испита и меѓународната пракса во поглед на казнувањето – дали освен казнувањето се користат и други методи на казнување за таквите престапи за таквите лица кои извршуваат такви дела, така да се треба да стои во оптек за да се спречи полов напад на деца,- изјави Александар Тумановски, адвокат.

Со измените на кривичниот законик од 2014 година, се предвидуваше и хемиска кастрација за делото силување на дете, но во пракса, тој метод никогаш не беше применет. За силување дете кое нема 15 години сега се предвидени казни од најмалку 12 години, па се до доживотен затвор, а истата казнена политика е дел и од новиот предлог Кривичен законик кој допрва треба да влезе во собраниска процедура. И во актуелниот и во предложениот кривичен законик казните за силување на дете кое наполнило 15, а не наполнило 18 години се движат од најмалку 10 години, па се до доживотен затвор.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Коњановски: Буџетот за 2027 носи 40,8 милијарди денари за капитални инвестиции и 123,8 милијарди за пензии

На денешната собраниска седница на Комисијата за финансирање и буџет се обрати Никола Коњановски пратеник од Коалицијата предводена од ВМРО-ДПМНЕ, „Твоја Македонија“ .

Коњановски: Буџетот за 2027 носи 40,8 милијарди денари за капитални инвестиции и 123,8 милијарди за пензии

На денешната собраниска седница на Комисијата за финансирање и буџет се обрати Никола Коњановски пратеник од Коалицијата предводена од ВМРО-ДПМНЕ, „Твоја Македонија“ и истакна дека Предлог-буџетот за 2027 година предвидува вкупни приходи од 395,4 милијарди денари и расходи од 440,4 милијарди денари, со буџетски дефицит од 3,5% од БДП и дека буџетската рамка е насочена кон редовно сервисирање на обврските, продолжување на инвестициите и зајакнување на јавните финансии, при што значителен дел од средствата се наменети за пензии, социјална и здравствена заштита и образование.

„Предлог-буџетот за 2027 година предвидува вкупни приходи од 395,4 милијарди денари и расходи од 440,4 милијарди денари. Приходите се проектирани да растат побрзо од расходите, додека буџетскиот дефицит е утврден на 45 милијарди денари, односно 3,5 проценти од БДП. Оваа рамка треба да овозможи редовно исполнување на обврските на државата, продолжување на инвестициите и постепено зајакнување на јавните финансии. За исплата на пензиите се планирани 123,8 милијарди денари. Редовната и предвидлива пензија е прашање на достоинство, самостојност и сигурност. За социјална заштита се предвидени околу 14,3 милијарди денари. Важно е овие средства да стигнуваат навреме, според јасни критериуми и без непотребни административни пречки. За здравствена заштита преку Фондот за здравствено осигурување се планирани 58,7 милијарди денари. Истата определба важи и за образованието“, рече Коњановски.

Коњановски истакна дека Предлог-буџетот за 2027 година предвидува 40,8 милијарди денари за капитални инвестиции, со фокус на инфраструктурни проекти, подобрување на локалната патна мрежа, водоводната и канализациската инфраструктура, како и модернизација на земјоделството и дека средствата се наменети за подобрување на условите за живот на граѓаните, но и за зголемување на продуктивноста и конкурентноста на домашното земјоделско производство.

„За капитални расходи се планирани околу 40,8 милијарди денари. Овие средства треба да се реализираат навремено, квалитетно и економски оправдано. Но еднакво значајни за секојдневниот живот на граѓаните се локалните патишта, водоводите, канализациските системи и пречистителните станици. Во земјоделството, вложувањата во модернизација, системи за наводнување и подобри услови за производство треба да му помогнат на домашниот производител да ја зголеми продуктивноста и посигурно да го пласира својот производ“, дециден е Коњановски, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер