Едната сестра се омажи, другата е строго против брак: Вака изгледа животот на сијамските близначки Кармен и Лупита - Канал 5

Живот

Едната сестра се омажи, другата е строго против брак: Вака изгледа животот на сијамските близначки Кармен и Лупита

Замислете да сè што правите мора да биде тимска работа – од јадење и одење, до користење на тоалет и излегување. Секој момент, секоја минута. Но, за нив тоа е сосема нормален живот.

Едната сестра се омажи, другата е строго против брак: Вака изгледа животот на сијамските близначки Кармен и Лупита

Сијамските близначки Кармен и Лупита имаат 25 години и неодамна го изненадија светот со фотографија од свадба објавена на социјалните мрежи. Се испостави дека едната од нив се омажила.

Изненадувачки, но не и невозможно. Ова дури не е ниту изолиран случај – и една од сестрите Хенсел, исто така познати сијамски близначки, минатото лето го изговори судбоносното „да“, докажувајќи дека вистинската љубов навистина не познава граници.

Кармен Андраде го запознала својот сопруг Даниел Меккормак пред четири години, а пред неколку дена се венчале тајно за да не привлекуваат внимание. Интересно е што Кармен и нејзината сестра Лупита ги делат репродуктивните органи, па не е чудо што многу љубопитни луѓе почнале да поставуваат прашања – како е можно во таков случај да се има конвенционален интимен однос?

Даниел често мора да одговара на прашања за својот необичен личен живот, но секогаш нагласува дека е оженет само со една сестра.

Лупита додава дека е асексуална и дека не ја интересираат мажи, па не ја разбирала желбата на својата сестра да се омажи, бидејќи таа воопшто не размислува на таков начин. Таа вели и дека не ѝ се допаднал свршеничкиот прстен.

„Јас и Даниел се забавуваме, но не сме интимни. Нашата врска се заснова на блиско пријателство. Разговараме за веридба, но прво сакаме да живееме заедно, да видиме како ќе ни оди. Ги сакаме децата, но не сакаме свои. Јас и Лупита не можеме да забремениме, имаме ендометриоза и земаме хормонски блокатори за да ја избегнеме менструацијата“, раскажала Кармен порано.

Кога се родиле пред 25 години во Мексико, лекарите ѝ рекле на нивната мајка дека е малку веројатно дека ќе преживеат повеќе од три дена. Нивните тела се споени од градниот кош до карлицата: делат црн дроб, нозе, неколку ребра, дигестивен и репродуктивен систем. Во исто време, секоја има свое срце, бели дробови и желудник, и двете имаат по една рака.

Бидејќи делат премногу витални органи, раздвојувањето би било невозможно. Иако никој не им давал шанса, девојките ги демантирале лекарите и медицината. Сепак, не можеле да ги избегнат проблемите.

Развивањето им било поинакво и поспоро од врсниците, па првите самостојни чекори ги направиле дури на четиригодишна возраст.

Кармен отсекогаш била одлична ученичка и има извонредно чувство за хумор, додека Лупита имала потешкотии со читање, па наставниците морале да развијат посебна програма за неа. Иако делат исто тело, тие се целосно различни личности и многу се горди на тоа.

Лупита има и сериозни здравствени проблеми. Нејзиниот рбет е искривен и врши голем притисок на белите дробови. Можно е во иднина да мора да дише само со помош на боца со кислород. Сестрите веќе имале неколку комплицирани операции, но не ја губат надежта. Се обидуваат да уживаат во животот колку што можат, а светот може само да им се восхитува на таквата храброст и волја.

Тагови: брак здравје сијамските близначки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер