Автомобилизам

Една опција на болидот на Koenigsegg чини колку ново Lamborghini (ВИДЕО)

Веќе видовме во примерот на Бугати и Бентли како додатоците можат драстично да ја зголемат цената на автомобилот. И, не зборуваме за илјадници, десетици, туку дури и за стотици илјади, евра, се разбира.

Коенигсег не е исклучок, а Мани Хосбин, познат по својата богата колекција на хиперспортски автомобили, нè запозна со ова. Во пресрет на новиот Мекларен, тој реши да игра со конфигураторот за најновиот автомобил на Коенигсег. Jesеско е со почетна цена од нешто помалку од три милиони долари, но има и опции.

И тие воопшто не се ефтини. Мани си играше во персонализацијата на најбрзиот Коенигсг во историјата, уште на самиот старт, а драстичното покачување на цените резултира во изборот на каросериај, каде што јаглеродот е целосно видлив. Тој додаток, или недостаток на боја, чини неверојатни 443.400 долари, што е цената за која можете да се купи нов Ламборџини Авентадор С.

Мани продолжи да си игра со бои, а потоа се префрли во можностите за персонализирање на другите делови како што се тркалата, но и ентериерот. Цената се искачи на над 3,4 милиони американски долари, а потоа изборот падна на Abosolut, со што се собра конечната сума на 4.081.050 долари. На пример, Bugatti Chiron Super Sport 300+ чини помалку или „само“ 3,8 милиони долари. Доколку ве интересира како богатите купуваат на Интернет, но и колку чинат дополнителните измени на шведскиот автомобил, погледнете го видеото.

Но, Мани не гледа на секој долар. Тој може да си го дозволи тоа. Во својата колекциј има Бугати, Мекларен П1 и Сена, но и пет Мерцедес SLR. Неколку автомобили во моментот чекаат за испорака, вклучувајќи ги и Mclaren Speedtail, Ford GT, Mercedes-AMG One и Koenigsegg Gemera.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

СЗО уште чека информација од Русија за дијагнозата на починатата жена

Светската здравствена организација соопшти дека сè уште чека од Русија информација за дијагнозата на починатата жена, за која има сомнежи дека била заразена со белодробна чума.

СЗО пред три дена соопшти дека во оваа фаза не е во состојба да изврши целосна проценка на ризиците поради недостиг на целосна слика за ситуацијата по смртта на вработена во Биолошки институт во Сибир.

Еден ден подоцна, руските власти објавија дека не откриле „никаква инфективна болест“ по испитувањето на сите луѓе кои во последно време биле во контакт со починатата лаборантка во Иркутскиот институт за истражување на чума, и ги демантираа медиумските информации за случајот како лажни.

Според нив, жената починала од „пневмонија“, од која се разболела по контакт со луѓе, односно надвор од лабораторијата. Според нивните информации, таа „била вакцинирана и имала имунитет против опасните патогени со кои работела“.

СЗО вчера сепак констатираше дека сè уште нема „потврдена дијагноза“ и забележа дека околу случајот сè уште има „голема нејаснотија“.

Здравствената агенција на ОН, со седиште во Женева, додаде дека ќе продолжи „да ја следи ситуацијата и да ги проценува потенцијалните последици по јавното здравје со пристигнувањето на нови информации“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нова разорна поплава во Непал: Однесени десетици куќи и мостови, се трага по исчезнати

Ненадејна поплава на реката Будхи Гандаки утрово, предизвика големи штети во непалскиот округ Горка.

Надојдената вода однела куќи и мостови, оштетила градилиште на хидроелектрана и принудила жители од повеќе населени места да се повлечат на побезбедни локации.

Според локалните власти, кои ги цитира „Катманду пост“, меѓу 35 и 40 куќи биле однесени во населбите Џагат Багар, Салери и Гатихола, во руралната општина Чумнубри. Поплавата ја погодила и соседната општина Дарче.

Локалните жители и туристите почнале да се повлекуваат откако околу четири часот наутро слушнале силни звуци од реките во планинското подрачје. Водостојот нагло се менувал, а предупредувањата за евакуација биле пренесувани и преку разгласи.

Во Џагат првичните извештаи наведувале пет до седум однесени куќи. Во мачакола водата навлегла во повеќе домови и привремени објекти, додека во салери, во општината Дарче, уште околу 20 до 22 куќи биле изложени на ризик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

По повод 11 Октомври делегација на СДСМ положи цвеќе и оддаде почит на борците од НОБ на Спомен-костурницата во Куманово

Темелите на македонската државност почиваат на антифашистичката борба чии идеали обезбедија денес да живееме во слободна, модерна и демократска држава.

По повод 11 Октомври - Денот на народното востание, партиска делегација на СДСМ, предводена од генералниот секретар Александар Саша Димитријевиќ, заедно со координаторот на пратеничката група на СДСМ, Оливер Спасовски, и членката на Извршниот одбор, Наташа Поповиќ и преставници од општинската организација на СДСМ Куманово, оддадоа почит и положија свежо цвеќе на Спомен-костурницата во Куманово.

Темелите на македонската државност почиваат на антифашистичката борба чии идеали обезбедија денес да живееме во слободна, модерна и демократска држава.

СДСМ како наследник на државотворните политики на нашите предци, партизаните, и на вредносните политики на антифашистичката борба, ја продолжува борбата за слобода, правда и достоинствен живот на сите граѓани.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.