Единаесет романи во вториот круг за „Роман на годината“ - Канал 5

Култура

Единаесет романи во вториот круг за „Роман на годината“

Единаесет романи влегоа во вториот круг за избор на етаблираната награда „Роман на годината“ за 2017 година која по згаснувањето на „Утрински весник“ продолжува да ја доделува новоформираната Фондација за промоција и унапредување на културните вредности „Славко Јаневски“ од Скопје.

Единаесет романи во вториот круг за „Роман на годината“
Селекцијата на пристигнатите 27 дела во официјална конкуренција годинава до 15 март, кога и ќе биде соопштено името на наградениот роман, ја прави жири во состав: Давор Стојановски, писател и минатогодишен лауреат, Ристо Лазаров писател, Иван Додовски, писател и професор на Универзитетот Американ колеџ од Скопје, Анета Дучевска, професор и декан на Филолошкиот факултет „Блаже Коневски“ и Катерина Богоева, новинар и член на Фондацијата „Славко Јаневски“.

Романи од вториот круг за „Роман на годината“ за 2017 година се:

1. „Круг“- Димитар Башевски, Слово“
2. „Манастир Фуентерабија“ – Јагода Михајловска Георгиева, „Три“
3. „Се гледаме наскоро Е.“ – Драгана Евтимова, Владимир Лукаш, „Антолог“
4. „Љубовникот на Ленин“- Блаже Миневски, „Матица македонска“
5. „Пешаци по црни полиња“- Оливера Николова, „Матица македонска“
6 „Одбројување“ – Фросина Пармаковска, „Или – или“
7. „Земјотрес 05:17“ – Владимир Плавевски, „Македоника литера“
8. „Апокалипса.мк“ – Бранко Прља, „Готен“
9. „Диссомнии“ - Игор Станојоски, „Антолог“
10. „Граница“ – Луан Старова, „Три“
11. „Годините кога научив да летам“, Евгениј Хоуп, „Матица македонска“

- На одржаниот состанок на 15 февруари, жири-комисијата меѓу другото констатираше дека во центарот на пристигнатите романи на одржаниот конкурс, генерално е политиката, неодамнешните политички случувања во Македонија, но и во други земји. Со задоволство беше потенцирано дека и во дел од овие романи, напишани на македонски јазик провејува зрелоста на младите автори, како и дека во нив се среќаваат нови и многу добри јазични решенија и вокабулар, соопшти Фондацијата „Славко Јаневски“. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Клуни рече дека не сака да заврши во реклама за тампони- токму тоа му се случи (ВИДЕО)

Џорџ Клуни изрази загриженост за развојот на вештачката интелигенција и се пошегува дека не сака неговиот лик да се користи во реклами за тампони по неговата смрт. 

Клуни рече дека не сака да заврши во реклама за тампони- токму тоа му се случи (ВИДЕО)

Недолго потоа, токму такво лажно видео се појави на интернет, создадено со помош на вештачка интелигенција, кое предизвика бројни реакции.

Загриженост за иднината на индустријата

Актерот зборуваше за вештачката интелигенција и новите технологии на прес-конференција на Венецискиот филмски фестивал, каде што во среда му беше доделен Златниот лав за животно дело.

Тој ја опиша вештачката интелигенција како револуција што негативно ќе влијае на филмската индустрија. „Ќе ни наштети на повеќе нивоа. Ако сте во визуелни ефекти, ќе ви биде тешко да напредувате бидејќи многу работни места ќе исчезнат. Можеби околу 30 проценти. Не ја знам точната бројка, но многу работни места ќе се укинат, а ние сме во дефанзива. Ние не го диктираме темпото.“, рече Клуни.

Шега што стана реалност

Кога го прашале што не би сакал да му се случи по неговата смрт, Клуни одговорил со смеа: „Би сакал да избегнам да бидам во реклама за тампони 20 години по мојата смрт. Навистина би сакал да го избегнам тоа.“

Се чини дека тоа била инспирација за еден креатор на содржини, кој веднаш ја искористил можноста. На Platform X беше објавено видео во кое вештачката интелигенција на Клуни рекламира тампони „First's Ultra Absorbent“. Во видеото, сместено во луксузна бања, лажниот Клуни го опишува чувството на носење како „неспоредливо“, додавајќи дека и тој „го сака кројот“ и вели дека „квалитетот е важен“.

Коментари на социјалните мрежи

Корисниците на социјалните медиуми брзо реагираа, а многумина го поврзаа видеото со долгогодишната вклученост на Клуни во Nespresso. „Дали е компатибилно со мојот Nespresso апарат?“, праша еден корисник. Друг коментираше:

„Имам чувство дека ова е само првата од серијата вакви реклами. Исто така, мислам дека вашето видео ќе биде едно од поблагите. Кутриот Џорџ, се плашам дека започнал нешто големо со ова.“ Исто така, имаше коментари како „Тој мора да ја види својата визија како се остварува!“ и „О, боже... Мило ми е што го направи ова! Се надевам дека ќе го видат!“.

Преглед на кариерата и факторот среќа

На крајот од разговорот, Клуни се осврна на својата кариера, истакнувајќи дека со сите тешкотии има и убави моменти. „Кариерите се необични. До оваа точка стигнувате преку многу случајни настани, толку многу леви и десни свртувања, работи што можеа да тргнат наопаку или на крајот да тргнат добро. Тешко е да се продолжи сè и мора да се потпрете на љубезноста на пријателите и колегите со кои работите“, рече тој. „Но, навистина, ви треба среќа по целиот пат.“

Тагови: Џорџ Клуни

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

И викендов сончево и топло со температура до 37 степени, во недела ветровито

Утре времето ќе биде сончево и топло со мала до умерена локална облачност, информираат од УХМР.

И викендов сончево и топло со температура до 37 степени, во недела ветровито

МАКСИМАЛНА ТЕМПЕРАТУРА

18 Попова Шапка, 23 Маврови Анови, 24 Крушево, 26 Берово, 28 Претор, Прилеп, 29 Крива Паланка, 30 Битола, 31 Охрид, Тетово, 32 Виница, Штип, 33 Зајчев Рид, Скопје Петровец, Струмица, Кавадарци, Велес, 34 Демир Капија, 35 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и топло со мала до умерена локална облачност. Дуваше слаб до умерен, повремено засилен ветер од северен правец. До крајот на денот ќе биде стабилно и топло со мала до умерена локална облачност.

ВРЕМЕТО УТРЕ

Сончево и топло со мала до умерена локална облачност. Ќе дува слаб до умерен ветер од променлив правец. Минималната температура ќе биде во интервал од 10 до 18, а максималната ќе достигне од 31 до 37 степени.

Во Скопје, сончево и топло со мала до умерена облачност. Ќе дува слаб до умерен ветер од променлив правец. Минималната температура ќе се спушти до 18, а максималната ќе достигне до 37 степени.

ВРЕМЕТО ВО НАРЕДНИТЕ ДЕНОВИ

До средината на следната работна седмица времето ќе биде сончево и топло со слаба до умерена облачност. Во недела ќе дува умерен до засилен северозападен ветер кој долж Повардарието ќе надминува брзина од 40 km/h.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Судија заборави едно од основните правила во фудбалот и ги разбесни играчите (ВИДЕО)

Необична ситуација, каква што не се гледа ниту во најниските фудбалски рангови, се случи во втората турска лига, на средбата меѓу Бурсаспор и Истанбулспор. 

Судија заборави едно од основните правила во фудбалот и ги разбесни играчите (ВИДЕО)

Судијата Ајберк Демирбас, на предлог на неговиот помошник, веднаш по исфрленото го досуди заден терен.

Едно од основните фудбалски правила е дека нема задно поле кога топката се фрла со рака. Тоа секако предизвика гнев кај фудбалерите на Истанбулспор, па како обештетување судијата Демирбас им досуди индиректен удар. Бурсаспор го доби овој натпревар со 4:0 и по пет кола е вториот тим на турската втора лига.

Turkish referee gives offside from throw-in
by u/wel0g in soccer

Прв е Бетмен со 13 бодови, бод повеќе од Бурсаспор. Истанбулспор има само два бода од пет натпревари и е на претпоследното, 19. место во првенството. Зад него е само Болуспор без ниту еден бод.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер