Е.Д.Е.Н. подели близу 700 вегански оброци на загрозени лица во Скопје - Канал 5

Живот

Е.Д.Е.Н. подели близу 700 вегански оброци на загрозени лица во Скопје

Како што информира Здружението, овие вегански оброци се поделени на самохрани мајки, стари лица во социјален ризик, бегалци, Роми, трансродови лица, сексуални работници, корисници на дроги, бездомни лица.

Е.Д.Е.Н. подели близу 700 вегански оброци на загрозени лица во Скопје

Близу 700 вегански оброци во текот на мај и јуни поделија Здружението за заштита на животните и животната средина Е.Д.Е.Н. и Веган 365 Кујна на загрозени категории на граѓани на Скопје, во рамки на проектот „Промени ја исхраната, промени го светот!".

Како што информира Здружението, овие вегански оброци се поделени на самохрани мајки, стари лица во социјален ризик, бегалци, Роми, трансродови лица, сексуални работници, корисници на дроги, бездомни лица.

Проектот е помогнат и од индивидуални донации на граѓаните, а целта е намалување на последиците предизвикани од Ковид-19 кризата, така што ќе се задоволат дел од основните човекови потреби кај социјално загрозени и маргинализирани категории граѓани, особено кај семејствата каде што или еден или повеќе од членовите изгубиле работа.

– Е.Д.Е.Н. делеше балансирани и хранливи вегански оброци изработени со љубов и посветеност од целосно природни и здрави состојки. Свесни сме дека храната е еден од најважните фактори кои влијаат врз човековото здравје, но и врз животната средина и врз животните – затоа Е.Д.Е.Н. цели кон редуцирање на антропогениот притисок врз животната средина и животните предизвикан од исхраната со животински продукти, соопшти Здружението.

Акцијата е спроведена целосно волонтерски со цел, како што велат од Здружението, поттикнување и другите да донираат самостојно или пак волонтерски да ги доставуваат оброците до ранливите групи.

– Влијанието на акцијата врз целните групи беше исклучително позитивно. Освен што придонесовме близу 700 наши сограѓани во социјален ризик да имаат здрав и вкусен оброк кој истовремено има најмал негативен ефект врз животната средина, дел од корисниците беа пресреќни што воопшто некој се сетил на нив бидејќи често се чувствуваат невидливи и отфрлени од општеството во целост. Етичкото веганство како начин на живот, како идеологија, подразбира елиминирање на матрицата на злоупотреба, бидејќи подразбира ненасилство врз сите живи суштества кои живеат на Земјата, информира Здружението Е.Д.Е.Н.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во тетовско, пронајден кокаин, лишено од слобода едно лице

На 03.10.2026 во 19:15 часот, врз основа на судска наредба, полициски службеници од СВР Тетово извршија претрес во дом и помошните простории кај С.С. (26) во с. Мала Речица, тетовско.

Претрес во тетовско, пронајден кокаин, лишено од слобода едно лице

При претресот бил пронајден и одземен кокаин, по што лицето е лишено од слобода. По целосно документирање на случајот, ќе следува соодветна пријава.

Тагови: кокаин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кобила за ождребила на булеварот „Илинденска“

Несекојдневна глетка и случка утрово ги изненади жителите на скопски Карпош. На Илинденска се родило ждребе.

Кобила за ождребила на булеварот „Илинденска“

Активистка која била таму изјавила дека ждребето било во лоша состојба. Во објава на ФБ скопјанката Билјана навела дека успела да го префрли ждребето на тревникот, бидејќи никој не дошол да помогне.

Градоначалникот на Град Скопје, Орце Ѓорѓиевски, во врска со ождребената кобила на улицата Илинденска во Скопје, истакна дека иако тоа не е нивна обврска веднаш реагирале екипите на ЗОО - Скопје и стручните лица, а кобилата и ждребето се преземени и сместени на безбедно, во карантин, каде што ќе ја добијат потребната нега и стручен третман.

Тагови: Илинденска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Новата порака од Москва за крајот на војната: Ова се три работи што Украина мора да ги прифати

Медведев потсети дека основните параметри, ги формулирал рускиот претседател Владимир Путин.

Новата порака од Москва за крајот на војната: Ова се три работи што Украина мора да ги прифати

Трајно решение за кризата во Украина е можно само ако Киев прифати неутрален статус, се откаже од нуклеарно оружје, ја промени својата политика и признае нови региони во рамките на Русија, изјави Дмитриј Медведев, заменик-претседател на Рускиот совет за безбедност.

Во интервју за иранската државна радио-телевизиска компанија, Медведев потсети дека основните параметри, кои беа претходно наведени, ги формулирал рускиот претседател Владимир Путин.

Првиот од нив е враќањето на Украина кон принципите на неутралност и ненуклеарен статус, во согласност со декларацијата за суверенитет и правните акти од 1990-тите.

Второто барање на Медведев беше украинските власти да го напуштат својот радикален политички курс и да ја укинат дискриминаторската забрана за рускиот јазик и култура.

Третата точка, како што изјави заменик-претседателот на Советот за безбедност, е воспоставување руска јурисдикција над Донбас и другите нови територијални субјекти што се вклучени во рускиот Устав, објави порталот Вести.ру.

Тој објасни дека спроведувањето на овие задачи може да се формализира преку дипломатски канали. Медведев претходно изјави дека „на русофобните гнасотии треба да се одговори исклучиво со јазикот на военото одвраќање“, потсети порталот.

Тагови: москва украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер