Ѕвезда на ријалити шоу заврши во затвор во Дубаи: Иста судбина ги чека и други странци (ФОТО) - Канал 5

Живот

Ѕвезда на ријалити шоу заврши во затвор во Дубаи: Иста судбина ги чека и други странци (ФОТО)

Финалистката на ријалити шоуто Love Island, Каз Кросли е уапсена во Обединетите Арапски Емирати под сомнение дека конзумирала дрога, а најверојатно ќе биде задржана во затвор во Дубаи најмалку три месеци, пишува Daily Mail.

Ѕвезда на ријалити шоу заврши во затвор во Дубаи: Иста судбина ги чека и други странци (ФОТО)

ијалити ѕвездата била приведена на аеродромот во Абу Даби додека се префрлала на лет за Тајланд каде, како што тврди, одела да работи волонтерски.

Во 2020 година, таа била снимена како консумира „линии“ од сомнителен бел прав во Дубаи. Имено, тогаш „орди“ влијателни лица побрзаа во Дубаи за да избегаат од ограничувањата предизвикани од Ковид-19 во Обединетото Кралство, тврдејќи дека се таму поради работа.

Каз била уапсена во понеделникот во Абу Даби, а набрзо е префрлена во затворот во Дубаи, каде наводно ѝ бил одбиен телефонскиот повик до семејството, но ѝ било дозволено да испрати еден меил. Портпаролот на Форин Офисот изјавил дека биле во контакт со локалните власти по апсењето на британска државјанка во Обединетите Арапски Емирати.

Имено, Дубаи неодамна ги либерализираше своите закони за дроги со тоа што за првпат прекршителите се соочуваат со најмалку три месеци затвор и парична казна од 4,5 до 22,7 илјади фунти. Претходно, тоа би било минимум четири години затвор за каква било употреба на дрога.

Осомничените потоа се депортирани во нивната матична земја и им е забрането да се вратат во ОАЕ. Казните за трговија со дрога може да вклучуваат и смртна казна.

Нејзиниот случај е предупредување за сите странци во Дубаи. Минатиот месец експерти за MailOnline изјавиле дека рекорден број Британци наскоро би можеле да бидат затворени низ Обединетите Емирати како резултат на одлуката да се намалат цените на пијалоците за да се привлечат повеќе туристи.

Иако, властите во Дубаи не потврдиле зошто е уапсена, но пред околу две години инфлуенсерката облечена во портокалов мини фустан беше видена како ја држи ноздрата додека шмрка бела пудра за време на забава во Дубаи.

– Со нетрпение чекаше да се врати во Тајланд каде што работеше како волонтер, но сега мора да остане во затвор во Дубаи – рекол еден од изворите.

- Сите знаат колку се строги за дрогата таму. Таа мора да е преплашена. Застана во Абу Даби само за да фати авион за поврзување, но нејзиното име очигледно вознемири многумина, додаде изворот.

Нејзината последна објава на Инстаграм била од минатата недела кога заминала на кратко патување во Даблин.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Седуммина загинати во пад на туристички хеликоптер во Кенија

Сите седум лица загинаа кога туристички хеликоптер денеска се урна на планината Ололокве во Кенија, потврдија локалните власти.

Седуммина загинати во пад на туристички хеликоптер во Кенија

Несреќата се случила околу 9:13 часот по локално време додека хеликоптерот летал од резерватот Лоисаба кон реката Евасо Ниро, пишува Euronews.

Кениската управа за цивилно воздухопловство објави дека станува збор за моделот Eurocopter EC130 B4. На снимката која се прошири на социјалните мрежи се гледа густ црн чад од местото на несреќата во подножјето на планината.

Потврдени се седум жртви

„Во хеликоптерот имало седум лица – пилотот и шест патници“, изјави Фредрик Кабунге, директор на Одделот за истрага на воздухопловни несреќи, за АФП. Тој потврди дека хеликоптерот превезувал туристи на панорамски лет и дека никој не преживеал.

Тешка акција на теренот

Црвениот крст на Кенија објави на платформата X дека нивните тимови за одговор при итни случаи се на терен во округот Самбуру. Тие во моментов работат со други агенции за пристап до местото на несреќата.

„Потрагата и извлекувањето е во тек, но акцијата е отежната поради непристапниот терен и пожарот на местото на несреќата“, се вели во подоцнежното соопштение на Црвениот крст. Тие додадоа дека дополнителен тим бил испратен од Исиоло ​​за да помогне во операцијата.

Информациите се уште се собираат, а нови детали ќе бидат објавени подоцна.

Тагови: Кенија хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп најави средба со Ким Џонг-ун: Многу добро се согласувам со него (ВИДЕО)

Американскиот претседател Доналд Трамп денеска изјави дека очекува да се сретне со севернокорејскиот лидер Ким Џонг-ун „подоцна оваа година“.

Трамп најави средба со Ким Џонг-ун: Многу добро се согласувам со него (ВИДЕО)

Американскиот претседател Доналд Трамп денеска изјави дека очекува да се сретне со севернокорејскиот лидер Ким Џонг-ун „подоцна оваа година“, што укажува на продолжување на директната дипломатија со Пјонгјанг, објави Фокс њуз.

Американскиот лидер направи ненајавена обиколка на Белата куќа и го откри планот пред новинарите.

„Се сложувам многу добро со него. Очекував да се сретнам со него подоцна оваа година. Да, ќе се сретнам“, рече Трамп.

Трамп не сакаше да каже дали разменил писма со Ким Џонг-ун.

„Не можам да ви кажам тоа“, кратко рече Трамп.

Американскиот претседател постојано го истакнуваше својот личен однос со севернокорејскиот лидер како предност, нарекувајќи го Ким „многу моќен играч“ и велејќи дека можноста за поттикнување квалитетни односи е „добра работа, а не лоша работа“.

Трамп не го прецизираше датумот или локацијата на можната средба, а овие лидери последен пат се сретнаа на 30 јуни 2019 година. Сепак, пред војната во Украина и Израел, најавената средба потенцијално би можела да биде од историско значење за целата планета.

Тагови: Доналд Трамп Ким Џонг-ун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

И утре сончево и многу топло време со температура до 39 степени, дожд и грмежи за викендот

И утре ќе биде сончево и многу топло со мала до умерена локална облачност, соопштуваат од УХМР.

И утре сончево и многу топло време со температура до 39 степени, дожд и грмежи за викендот

МАКСИМАЛНА ТЕМПЕРАТУРА (во оС)

20 Попова Шапка, 27 Крушево, 30 Претор, Маврови Анови, 31 Берово, 32 Охрид, Прилеп, 33 Крива Паланка, Битола, Виница, 34 Тетово, 35 Штип, Кавадарци, 36 Скопје-Петровец, Скопје-Зајчев Рид, Демир Капија, Струмица, Велес, 38 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Денеска преовладуваше сончево и топло време со мала до умерена локална облачност. Дуваше слаб до умерен ветер од западен и северозападен правец.

Попладнево ќе се задржи сончево со мала облачност која до крајот на денот ќе се намали. Ќе дува слаб ветер претежно од северен правец.

ВРЕМЕТО УТРЕ

Сончево и многу топло со мала до умерена локална облачност. Ќе дува слаб до умерен ветер од југоисточен правец, кој наместа долж Повардарието повремено ќе засилува. Минималната температура ќе биде во интервал од 13 до 21, а максималната ќе достигне од 33 до 39 степени.

Во Скопје, сончево и многу топло со мала до умерена облачност. Ќе дува слаб до умерен ветер од јужен правец. Минималната температура ќе се спушти до 19, а максималната ќе достигне до 38 степени.

ВРЕМЕТО ВО НАРЕДНИТЕ ДЕНОВИ

Следува период на сончево и многу топло време со мала до умерена облачност. Во деновите од викендот ќе има услови за локална нестабилност со пороен дожд, грмежи, засилен ветер и изолирано невреме со силен ветер и појава на град. Дневната температура наместа се очекува да надмине 40 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер